ياسبحان الله.. هالبنات يا اعجاب ومدح وما اصبر عنك واموت فيك ياقلبي
أو
يصير مثل اللي بالقصة
لازم اموت عشان تحسين فيني
وربي ما تسوا نترك بعض ع ـأشياء بالأخير هي سخيفه وتافهه
بنات تكفووووون اصحو .. وشوفو الناس الي تحبكم وتحبونهم وصالحو الناس وصالحو انفسكم اول
السلام عليكم ورحمة الله وبركته ..
مسائكم أو صباحكم خير ..
انقل لكم قصتي مع احدآ صديقاتي "من ايآم الجامعه"
البدايه ..
(( كما وصلني))
:- كنت فتاة اجتماعيه بشكل كبير احب العلاقات والصداقات
وبما اني مستوى اول مااعرف احد تعرفت على بنت حالها حالي سبحان الله نفس التفكير ونفس الاهتمامات فزادة العلاقه
شياءآ فشيء وطبعآ معي بنفس الكلاس وبعد كم يوم كل وحده مننا تجيب لها وحده لمين كونا شله محترمه طبعآ انا وصديقتي
كنا نجلس مع الشله بس تقريبا مو مره معهم مكتفين ببعض وانتهى الترم الاول في آمان الله وصرنا انا وصديقتي جسدين
بروح وحده مانتحمل نفارق بعض تحس فيني واحس فيهآ وبعد مابدينا بالترم الثاني تغيرت قاعاتنا لكن مازلنا نفس الشله
وانا وصديقتي مع بعض لكن بعد كم اسبوع صار بيني وبين صديقتي نوعآ من المشادات ولاسباب انتم تعرفونها يالبنات
واكيد كل وحده مرت فيها يعني مثلآ :- ليه تأخرتي ماجيتي وانا من اليوم أدق عليك وانتي جالسه تسولفين وابرد ماعندك
طبعا انا ماكنت اسكت لها كنت اقولها ايه نفسك امس جالسه انتظرك وكنتي مع بنت عمك ساعه ولا كاني ادق عليك ومن هالشجآر
لحد ماصارت علاقتنا متذبذبه وكل وحده شاحنه عالثانيه وكل وحد راسها عنيد وايبس من بعض ومع الايام صرنا مانجلس سوى
الا مع الشله انا عن نفسي كنت مره اتضايق ومره اكون مشتاقه لها وعندي سواليف ابي اقولها وقلبي متقطع عليها لكن هي ماادري
عنها صدق احيانا اشوف بعيونها الشوق لكنهآ تتجاهلني بقووووه وانا كرامتي فوق كل شي ماكنت افكر اروح واقولها ننسى سخافاتنا
وتفكيرنا الغبي لكن وقتها ماانفكر الا بقلوبنا اما عقولنا لا ناسينها طبعآ ضل حالنا هذا شهر وبدت اختباراتنا الشهريه وانشغلنا بالمذاكره
لكن انا بهالوقت فقدتها لا ننا الترم الاول كنت اروح لها تشرح لي او اشرح لها وكنا عالجوال 24 ساعه مااخلص صفحه الا هي معي
فاشيء طبيعي اني بفقدها وقررت اني من بكره اروح واحاكيها واتأسف ان بغت بس مااحس بالنقص بدونها خصوصا اني بجو اختبارات
ابي عقلي يصفآ كنت افكر هالتفكير وانا بنام وبس استنى بكره او الصبح يجي عشان اشوفها طبعا مرت الساعات وقمت ولبست وانا احس
يومي بيكون غير وبعد ماوصلت للجامعه كنت اردد الكلام بيني وبين نفسي ووش بقول ومن هالحكي لكن للاسف وصلت للشله وهي مو معهم
جلست يمكن نص ساعه وهي مابينت سئلت وحده من البنات عنها تقريبا هي اللي تعرف عنها لان علاقتها فيها قويه شوي قالت لي انها بتسافر
يسعد صباحكـ ولاء .. انا بالطريق للشرقيه تعرفين عادتنا لازم نسافر قبل الاختبارات .. انتبهي لنفسك
هذي الرساله اللي ارسلتها بالضبط انا وقتها قريتها وقعدة ابكي مدري ليش حسيت اني ابيها حولي وان بقلبي فراغ كبير من بعدها بس
مارديت على المسج مدري وش بكتب واخذتني الافكار انو توها تفكر فيني ليه ماقالت لي امس ومن هالكلام ولو تبيني كان كلمت مو ترسل
شي حلووو اهم شي مشى يومي بالجامعه زي كل يوم ومن بكرا نفس الحكايه الى الاربعاء طبعا كل هالايام ولا سئلت عنها جاء الويكند
وانشغلت فيه ماحسيت فيها الا يوم الجمعه اللي اللحين هم بالطريق وكان معي جوالي ادق اسئل ولا لا << اخر شي وكالعاده
صحيت ولبست ورحت للجامعه وانا متحمسه نفس شعوري ذآآك اليوم لكن خاب ظني بيومي وماداومت مررررره احبطت وانقهرت
بس توقعتها تعبانه من بعد السفر لكن كان وقتها قلبي قارصني انو فيها شي بس ماتوقعت انو احساسي بيكون صدق رجعت للبيت ونمت
وصحيت على نغمه جوالي الساعه 8 العشاء طلعت ساره صديقتنا قالت لي انو بسرعه اقوم والبس وبتمرني طبعا انا مو فاهمه شي
اسئلها ليش تقول اذا وصلت حكيت لك وصوتها مره يخوف بس انا ماركزت بالنبره لانو كنت نايمه قمت وغسلت ومسرع وصلت ساره
وتصعد لغرفتي مااستنت انزل لها << على انو انا وساره مو ذاك العلاقه بس مره جتني البيت وكنت مسويه حفله يعني رسميات
اهم شي انا مو مستوعبه تصرفات ساره فتحت الباب ولا البنت منهاره تبكي ومعها امي والشغاله انا تصنمت مكاني ماادري وش اقول
بس دخلتها وسكرت الباب عشان تحكي وهي تحكي وكلامها ييقطع وتقول يا ولاء لو بقولك بتموتين وراها اخر شي جتني الصدمه على وجهي
انو (مرام) ماتت بحادث وهم راجعين انا طحت وبعدها ماحسيت الا وانا بالمستشفى صار فيني انهيار بالاعصاااااب وبعدها طلعت ورحت عزيت
اهلها وكان حالي يقطع القلب اكثر من خواتها والناس يدخلون ويعزوني يحسبوني من اهلها واللي تنصحني وعلى هالحال 3 اياااااام لحد مااستوعبت
ان مرام ماهي راجعه لي خلااااااااص ماتت ربي كتب لها هي واخوها الكبير اللي يموتون وترتاح من هالحياااااه وآآآآآآه يالدنيااااا لو انا عارفه اللي
بيصير كان وربي مازعلتها ولا فكرت اكسر بخاطرها لكن وينها اللحين خلاااص ماتت مالي الا اتصدق لها وادعي لها وابكي دم بدل دمع
على فرقآآآآآها ....
بناااات :-
انا كتبت هالايميل عشان شي واحد بس ابي اوصلكم قصتي وابي اطلب منكم طلب << وانتم تقرونها اكيد عرفتو وش طلبي
وقصدي من كتابته أناااا حالي بعد مرام الله يرحمها ماهي حاله صرت انسانه ثانيه يغلطون علي الناس واروح اعتذرلهم ابتسم بوجيه
كل الخلق حتى لو كانو يكرهوني لان مرام درس بحياتي ماابيه يتكرر ولا ابيكم انتم تمرون بحالتي وابي من كل وحده تقراء كل حرف كتبته
تروح بكرا او اللحين تعتذر لاي انسانه صار بينهم سوء تفاهم يابنات ترى الدنيا مو لنا ولا هي بديننا لا تثقون ان الدنيا عامره لا وربي
الدنيا حياة وموت واللي يموت مايرجع ومايبقى لك الا الندم ووش يفيدك الندم اذا فات الفوت ماينفع الصوت خلي عنك الشيطان والافكار
اللي مافيها فايده والكبر لله مو لنا حنا بشر مانتكبر حنا نصيب ونخطي وحتى لو كانو غلطانين عليك ترى مافيه مانع يكون بينكم نقاش
وتتفاهمون مو تنسون بعض عشان سبب سخيف مايحتاج كل هالاشياء ..
مااطول عليكم بس اوعدوني ان قلوبكم تلونونها بالون الابيض بلا بقع سوداء اموحوها ,,
واعذروني على صياغه القصه لكن لو انتم مكاني ماراح تعرفون تعبرون لان اللي مثل حالتي الصمت ابلغ له :(
طلب اخير منكم ابيكم ترسلون الايميل لكل من يعز عليكم عشان تصحونه اذا كان غاااافل ..
