أيام وسنين "غنوة تبحث عن ملحن ومطربة من كلمات عصام الدين محمد

أيام وسنين

أيام وسنين علينا بتمر

فيها الحلو وفيها المر

ولما سيرتك تيجي ياغالي

الدنيا بحالها بتحلي لي

قلبك كبير أوي وحنين

عمرك ماقولتلي وأنا مالي

لو يوم فرحان بتزيد فرحي

ولو زعلان بتداوي جرحي

ولو مرضان تجري عليا

وتقول ياحبيبي بعد الشر

أيام وسنين علينا بتمر

***********

طبعك هادي أوي وحساس

ونفسك تسعد كل الناس

ياما راضيت في الناس ربك

كتير قليل ما هواش ملكك

ولما تجود بتجود بكتير

ومش غريب ع ناس كرمك

ولما بيقسي عليك قاسي

علطول بتقوله الله يسامحك

ومتعرفش تشيل وتصر

أيام وسنين علينا بتمر

************************************************

كلمات عصام الدين محمد

مسجلة باسم المؤلف بالشهر العقاري

رائع ياعصام ولعلى فرصتك قداقتربت فاانتا صدقا تستحقهايبدو ان كلماتك مش متوافقة مع الاغانى الهابطة التى نسمعها اليوم ولكن استمر وننتظر المزيد. <ياشاعر المستقبل> لولى

عزيزتي لولي
اشكر لك مرورك الجميل وتشجيعك المتواصل لكلماتي حتي انني رسمت لك صورة في خيالي كصور الملائكة اولي الأجنحة
عصام الدين محمد

شكرا ياعصام على تشبيهك لى بالملائكة ولكن انتا تستحق هذا واكثر واتمنى لك التوفيق بس ماتفقدش الامل فى ظهور اشعارك للنور .شاعر المستقبل <لولى>

عزيزتي لولي
الأمل في الله لاينقطع ابدا ولا ييأس من روح الله إلا القوم الكافرين
شكرا لمرورك الجميل وياريت تدعيلي من قلبك ولو تعرفي حد ممكن يساعد تكلميه والسلام من باب الأخذ بالأسباب
عصام الدين محمد

بجد ياجميل كلماتك جميله جدا زاى صاحبها وان شاء الله كل الاشعار دى هطتطلع للنور ان شاء الله وربنا معاك ياشاعر مصراوى.....................ميره

عزيزتي ميره
اشكر لك مرورك الجميل وياستي انتي الأجمل فالبنات هن رياحين بستان الحياة
عصام الدين محمد