طار الحمام "غنوه لها حدوتة " لـ عصام الدين محمد
الحدوتةهي انهم طلبوا مني اني اطلع السطح وأأكل الحمام فصعب عليا حبسة الحمام فقررت أن أفتح له الباب ليستمتع بالطيران شوية وبعدين يرجع عشه لكن بعد أن خرج الحمام وطار فرحا مسرورا قرر ألا يعود أبدا لسجنه مرة أخري وأشتد عليا اللوم من الجميع لكن في وسط كل الاحداث دي أمسكت قلمي وورقي وتخيلت حاجة تانية خالص وهو ما ستقرئونه في كلمات الأغنية لكن الحمام ما عدش يدخل بيتنا تاني وماصدق وانا لو كنت مكانه كنت هعمل زيه فما اجمل الحرية
( طار الحمام )
طار الحمام من سطح داري
حط الحمام علي سطح جاري
*****
وكتبت ع جناحه الطاير
قليبي مشتاق وحاير
رد الحمام بالبشاير
وقال حبيب الروح ولهان
ومعاه خصلة من الضفاير
نسيمها عشت معاه سهران
*****
طار الحمام خاد قلبي معاه
يوصف لخلي أديش بهواه
يحكيلو عن شوقي وناري
ويسأله كان ليش مداري
ويسرله بكل اسراري
ويرجع بوعد اللقي وياه
*****
أمانه ياحمام الغية
يوم فرحتي بنور عنية
طيروا من فوقنا بخفة
وحلوا بوجودكوا الزفة
وكفاية عليكوا انتوا تطيروا
وسيبولنا احنا الملاغية
ويوم الصباحية زوروني
وهرد عليكم بتحية
ووعد منا احنا الاتنين
نبنيلكوا بدل الغية اتنين
****************
من كلمات عصام الدين محمد " عصام قمر "
مسجلة بالشهر العقاري باسم المؤلف
