زيادة السكان " زجل لـ عصام الدين محمد
مهما اتقدمنا يابلدنا
زيادة السكان شبح بيطاردنا
بيبلع معاه أي نمو
بيعكر علينا الجو
مبنلحقش نأخد نفسنا
ويقوم من تاني خانقنا
شباب ياما وعطلان
مش لاقي فرصة عشان يسعي
وكتير هجروا الاوطان
وعداد شغال لولاد تسعه
القوة مش في العدد
ولا ملايين بتتولد
القوة في شعب واعي
ينهض ياناس بالبلد
شعب يعرف حقه وواجبه
مش ع القفا بينجلد
العبره بعقول عباقره
مش باللي صابها الهدد
عقول لحستها المخدرات
والفكر منها شرد
ياكل مقبل ع الزواج
اصحي لنفسك واوعي
خد عبره من اللي قدامك
وفوق أوام بسرعة
لتقع في نفس الفخ
وانت حاسبها مرعي
ونظم من دلوقتي حياتك
قبل م ييجي يوم فيه تنعي
وتنوح ف يوم جنب عيالك
مش قادر اكفي مهما اسعي
*********
زجل من كلمات عصام الدين محمد
