نص الدنيا كباريه " زجل لـ عصام الدن محمد "

نص الدنيا دي أيه

نص الدنيا كباريه

والنص التاني أيه

أغلبهم رايحين عليه

والقليل اللي بيهرب منه

عارفين بيهربوا منه ليه؟

علشان هما اللي فاهمين

دنيتنا دي آخرتها أيه

******

إكنز مالك لمتعتك ولعيالك

وبلاش تدي الغلابة

بس خليك فاكر إنك

بتفتح لنفسك بنفسك في جهنم بوابة

سيب الجامع وبلاش تصلي

أذان ومش سامع خليك عايش في الترللي

أغاني كلها في الهجايص

ولحم رخيص معروض للي

عايز يغذي بالسوء عنيه تملي

حول كدة في القنوات الفضائية

تلات اربعها بتأخدك وياها علي جهنم

ليه تسيب القنوات اللي هي

بتقولك خليك مع ربك أسلم

د عمر الدنيا مهما طال قصير

ليه تتغير مع الناس م تحاول انت اللي تغير

حابب اوي وعاجبك ان الفواحش شايعة

يبقي ياحبيبي اعرف انه اتحجزلك في جهنم ضيعة

عارف فيها مين ؟ اصحابك الناس الضايعة

عارف أكلها ايه؟ شجر الزقوم يابيه

عارف شكلها يشبه مين ؟تشبه روؤس الشياطين

وكل ده ليه ؟ عشان متعة قليلة

فين عقلك جاتك نيلة

تبيع الغالي بالرخيص

وكل ده عشان تهيص

طب لوانت جدع وأد كلامك

اضمنلي تعيش ساعة واحدة قدامك

طبعا ما تقدرشي لأنه عمرك مش بأديك

بإيد ربك مش الشيطان اللي بيمني فيك

***********************

من أزجال عصام الدين محمد " عصام قمر "