شاب بيطلب من جدته انها تشحنله كارت ب 50 جنيه

الــســلام عــلــيــكــم ورحــمــة الله وبــركــاتــه

طبعا كلنا عارفين الشباب اليومين دول زي مهو مش بيفضل

في جيبهم مليم احمر اخر اليوم

كمان مش بيفضل في رصيدهم قرش واحد حتي يدي بيه ميسد كول

فزميلنا ده قرر انه يطلب من مامته فلوس علشان يشحن ولكن

للاسف باباه حالف علي مامته بالطلاق لو ادتله فلوس او حتي حولتله رصيد

فقرر انه يتصل بتيته علشان يطلب منها فلوس وكان الحوار كالتالي


هو : إزيك يا ستى .

هى : بنتى .. إيه بنتى دى يا قليل الأدب .

هو : يا ستى بقولك إززززززززززيك يا ستتتتتتتتتتتتى .

هى : أنت بتزعق ليه يا واد أنت أنا بافتكر بتقول بنتى .

هو : بتفتكرى إيه !! هو أنتى يا ستي حتى بتفتكرى إسمك .

هى : جسمك .. ماله جسمى يا قليل الأدب .

هو : يا ستى إرحمينا شويه بقي وشيلى الزلط اللى فى ودانك .

هى : قدامك !؟ هو إيه اللى قدامى يا واد أنت .

هو : يووووووووووووه يادى النيله .

هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .

هو : يا حول الله يا رب هو حد جاب سيرة البليله يا ناس .

هى : القلقاس !؟ أه بأحب القلقاس أهو كله نعمة ربنا .

هو : يا ستى ابوس ايديكي أرحميني أنا لا جيبت سيرة قلقاس ولا أناناس .

هى : لأ لأ لأ عيب يا بنى ..عيب لما تجيب فى سيرة الناس .

هو : يا ستى هو أنا جيبت في سيرة حد .

هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد .

هو : لا يا ستى النهارده الخميس .

هى : البوليس!! وعايز منك أيه البوليس إنت عملت إيه يا منيل على عينك؟

هو : يييييه بقولك إيه يا ستى نفضى ودانك وطرطقيهم كده وإسمعينى .

هى : رضعينى !! أرضعك إيه ياواد أما إنك قليل الأدب صحيح .

هو : يا ستى أنا إتفطمت من زمان الحمد لله بس عايز منك قرشين كده سلف .

هى : علف !! إنت بتربى بهايم يا واد ؟؟

هو : يا ستى بقولك سلف !! سلفينى خمسين جنيه عايز أشحن التليفون .

هى : كومبيليزون !! كومبيليزون إيه يا للى مش متربى .

هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .

هى : أشتم !! وكمان عايز تشتم يا قليل الأدب .

هو : بقى كده يا ستى طب ماشى خدي عندك بقا !! بقولك إيه يا ستى .

هى : وظيفتى .. وظيفة إيه يا بنى أنا طالعه علي المعاش من زمان .

هو : رمان إنتى عايزه يا ستى تاكلى رمان .

هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .

هو : أه العبور !! أه ده كان سنة تلاته وسبعين .

هى : سامعين ؟؟ سامعين إيه خير الله إما إجعله خير هو فيه حاجه .

هو : بتقولي ايه يا ستى ..عايزة قهوة سادة .

هى : عياده ..عايز تودينى العيادة ليه يا بنى هو أنا عيانه .

هو : صقعانه .. صقعانه ليه بس يا ستى دا حتى الجو النهاردة حر .

هى : كفالله الشر !! شر إيه يا بنى اللى بتقول عليه ده .

هو : بقولك إحنا على البرررررررر .

هى : أه يابنى منا عارفه الخروف ليه فرو .. وبيبقي كمان تخين .

هو : أه إبنك حسين !!..ماله إبنك حسين .

هى : العجل سمين !! أه هانجيب إن شاء الله في العيد عجل ندبحه ولازم يكون سمين .

هو : إيه يا ستي بتقولي ايه .. أسفين .. طب أسفين ليه !!

هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .

هو : ياااااااااااااااااااااااه أخيرآ يا ستى الحمد لله .. هاتى بقى .

هى : أجيب إيه ؟

هو : هاتى الخمسين جنيه !!

هى : تحسين بيه .. تحسين بيه مين يا واد .

هو : يالاهوووووووووووووووووووو ووووى .

يارب التوبيك يعجبكوا

التوبيك راءع هموت من كتر الضحك يارب تجبلنا كل جديد اكتر واكتر اتمنى تقبلى مرورى=)):))=)):))

:)):)):)):)):)):)):)):)):)):)):)):)):)):)):)):)):) ):)):))
موضوع جامد تسلم ايدك

=)):)):)):)):)):))=))
ههههههههههههة جميل اوى

http://www.flshare.com/pi2009/59E11632.gif

هههههههههههههههههههههههه
ربنا معاه
موضوع جميل
اخوكى (حسن)

بجد ثانكس لردودكم على التوبيك :) ومبسوطه اوى :) انكم نورت التوبيك بردكم عليه ثانكس ليكم كلكم >:D<>:D<

مع ان انتى رخمه اوى فى الموضوع عن الشباب بس الموضوع ده جميل موت وتسلم الايادى

اقتباس:

---

المشاركة الأصلية كتبت بواسطة hero

مع ان انتى رخمه اوى فى الموضوع عن الشباب بس الموضوع ده جميل موت وتسلم الايادى

---

ههههههههههههههههه ثانكس على ردك على توبيك بس على فكره هيرو انا بعمل توبيك بنتقض فيه افعال مش كويسه فى البنات يعنى بنقض نفسنه وانتم الشباب مش بتعملوا كده وعلى العموم انا مش بتكلم على كل الشاب تبعا وكل واحد عارف نفسه وثانكس على مرورك >:D<>:D<