حد يريحنى ويقولى اعمل اية فى اسرع وقت
انا حكايتى غريبة لانى ابن اكبر لام ارملة كانت لى علاقة ببنت فى الجامعة بس انا مكانتش مقتنع بيها وبحاول اغير من طبعا لاكن فشلت وكمان كلام امى عنها انها ضعيفة فى الجسم وكل شوية تعبانة وكلام كتير كانت بسمعة من امى خلانى افكر 100 مرة فى الانفصال عنها وحصل فعلا وانفصلنا ....وبعدين امى جابتلى عروسة وانا مكانش فى دماغى بس هى زانت علية كتير لحد لما رحت معاها عندهم واتكلمت معاها وطلعت مش بطالة وقبل الخطوبة كانو عايزين امى تكتب الشقة باسمى وانا رفضت وفشكلت الموضوع ......ومن هنا بدات قصتى صحبت اختى اوى من وهما صغيرين اختى قالتى اية رايك فيها قولت كويسة بس اعد معاها الاول وافهم دماغها اتكلمنا مع بعض لمدة شهرين وبعدين خطبتها وامى كانت معايا وفرحانة وموفقة وكل حاجة زى الفل والناس كويسة وعرفين ظروفى وامكنياتى ومستحملنى وعدت سنة وبدات المشاكل تطلع تدريجيا بس من امى كل شوية تظلم البنت بحجات هى اصلا ملهاش دعوة بيها والناس شافو منها كل حاجة وحشة لدرجة موت اقرب الناس ليهم حتى معذتهمش فى التليفون ومشاكل كتير والله والله البنت مظلومة فيها وفى الاخر امى بتقولى كمل بس انا مليش دعوة بيهم ومليش معاملة معاهم طيب لية هو كدة انا مش مستريحة ياستى الناس زى الفل واحاول اقنعها تطلع فيا وتقولى والله اسبلكوم البيت وامشى ..خليت كل الناس القريبة ليها زى خالتى وخالى يكلموها خالى قال اعمل استخارة عملت استخارة 5 مرات وكل مرة باتمسك بالبنت اكتر لانى مشوفتش منها غير كل حب وحنية وخوف علية واقناعى انى مزعلش امى اعمل اية حد يقولى ارجوكم انا مش عارف اركز فى اى حاجة ارضى امى الى ظالمة البنت ولا اتمسك بالبنت الى بحبها وبتحبنى واسيب الزمن يغير الوضع اعمل اية....
