غنوة توحد شطري الأمة"مسلمين ومسيحيين "

وطنا مش مستعد
اللي بنيناه يتهد
طول عمرنا شعب واحد
شركاء في كل مجد
مسلم ومسيحي أخوة
ودافعنا بكل قوة
عن مصر بلدنا الغالية
ومكانها في القلب جوة
*********
يوم ثورة تسعتاشر
ثار لمصر كل حبيب
وهتفوا بصوت واحد
يحيا الهلال مع الصليب
وفي حرب تلاتة وسبعين
جرجس كان جنب حسين
علي نصر مصر اتعاهدوا
علي خط النار أسدين

************
مصر لينا كلنا
ساكنينها وساكنة قلبنا
عايشين همومها وفرحها
وياما داوينا جرحها
ما يجيش واحد مش مننا
عايز يفرق شملنا
************
وطنا مش مستعد
اللي بنيناه يتهد
طول عمرنا شعب واحد
شركاء في كل مجد
مسلم ومسيحي أخوة
ودافعنا بكل قوة
عن مصر بلدنا الغالية
ومكانها في القلب جوة
ومكانها في القلب جوة

********************
من كلمات / عصام الدين محمد

ما شاء الله تسلم ايدك يا عصام:)

عصام رائع واحنامصريين مافيش حاجة تفرق مابينا لا ن احنا مسلمين بنتعامل مع المسيحين فى حاجات كتيرة زميلك وجارك ,لاينهاكم اللة عن الذين لما يقاتلوكم فى الدين

بسم الله و الصلاة و السلام علي رسول الله صلي الله عليه وسلم اما بعد
النبي صلي الله عليه وسلم كان يبيع ويشتري من أهل الكتاب ، ولذلك فمباح لنا ان نعاملهم في البيع و الشراء ،
لكن لا نحبهم
قال تعالي "

لَا تَجِدُ قَوْماً يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ [المجادلة : 22]

الكلام مش من عند أنفسنا بل هو من عند الله ، أنتم عارفين إيه السبب في كل الغلط و اللخبطة الأيام دي ؛
الكل بيتكلم من غير علم ، فيضر من غير علم .
أرجو قبول النصح بصدر رحب
و جزاكم الله خيرا

الاعزاء ساندي Sh و لولي وtmsd
اشكر لكم مروركم الجميل واتمني لمصر بلدنا الغالية الخير والتقدم والسلام والأمان وأن يسود الحب قلوب الجميع وهل هناك مصري حقيقي يتمني لها غير ذلك !؟
عصام الدين محمد

تسلم ايدك يا عصام

اقتباس:

---

المشاركة الأصلية كتبت بواسطة محمود سمير

تسلم ايدك يا عصام

---

شكر ابو حنفي علي مرورك الجميل وتسلم ايديك وكل جوارحك يارب
عصام الدين محمد