اثار بلادنا لينا ولولاد ولادنا

بسم الله الرحمن الرحيم

مجرد اقتراح ايه رأيكم لو نطلب من أستاذ على يعملنا قسم فى المنتدى نحط فيه كل المعلومات اللى نعرفها والصور التى تخص اثارنا بحيث يكون نوع من التثقيف لينا وشويه بشويه ممكن نحولها انسيكلو بيديا نقسمها أقسام يبقى فيها كل المعلومات بتاعة اى حاجه فى اى حاجه وده برده فى نوع من الدعايا لمنتدانا الحبيب:x:x:x .
مثلا لو أى شخص بيبحث على معلومة ما فى جوجل يبقى منتدانا من المواقع اللى تظهرله فى نتيجة البحث . وبكده يبقى ضربنا عصفورين بحجر .

اقتراح كمان;;);;);;): وده أرجو من أستاذ على انه يقرأه باهتمام : طبعا يا استاذ على ذى ما انت عارف ان اى منتدى لو انت مش مسجل فيه وشفت حاجه عجبتك (موضوع - فيديو - لعبه - .....) يكتبلك انت غير مسجل ولايمكنك رؤية الرابط او اتمام الموضوع او ضع رد وعشان تحط الرد لازم تسجل فالواحد بيتخنق من الموقع كله ويسيبه ايه رأيك لو احنا عملنا حاجه حلوه جدا بدل ما يظهر للراجل الكلام ده ويلعن سلسفيل ابو الموقع .. احنا نكتبله كلمتين لطاف زراف زى( نورتنا نرجو مواضيعنا تعجبك _ أو أحلى رابط لاحلى ضيف) حاجات من دى والله يا أستاذ على الراجل من راحته بالكلمتين دول وبعد ما اتخنق من المواقع التانيه هيسجل عندنا .

أرجو لو أى حد من اخوانى فى المنتدى عنده رأى بخصوص الموضوع ده يوضحه.

والسلام عليكم ورحمة الله وبركاته