توقيعك - صورتك الرمزية - مشاركاتك ( كل ده هتتحاسب عليه ) !!
http://up.masrawycafe.com/upload/upl...c2fea2b23b.jpg
السلام عليكم ورحمة الله وبركاته
حبيت اعمل الموضوع ده للمرة الـتالته او اكتر
وده من باب التذكير فقط لا غير .. ( فذكر فإن الذكرى تنفع المؤمنين ) صدق الله العظيم ,
عايزك تتخيل معايا حاجة كده بسيطه
تخيل انك كاتب فى توقيعك لينك اغنية او صورة غير لائقة
وحد شافها ونقلها
واللى نقلها ده حد نقلها منه !
والصورة انتشرت او الاغنية ناس كتير سمعتها
تخيل بقي كمية السيئات اللى انت هتشيلها!
وتخيل معايا العكس تماما
لو انت كاتب فى التوقيع آية
او رابط للأستماع للقرآن الكريم
وده نقلها من ده وانتشرت
تخيل بقي كمية الحسنات اللى انت هتاخدها وهتتضاعف ليك!
اكيد كلنا عايزين ندخل الجنة
وتوقيعك او صورتك الرمزية دي ممكن تكون سبب في دخولك الجنة وكمان ممكن تكون سبب فى دخولك النار !
في النهاية عايز اوضح حاجة
ممكن يكون كتير مننا بيسمع اغاني
او بيعمل زنوب
بس ليه انت تشيل زنب على زنبك (وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ)
اسأل الله لي ولكم العافية
والهداية واستخدام الحاجات دي فيما يرضي الله سبحانه وتعالي ...
وانا وإدارة الكافيه بريئة من اي استخدام سيئ ليها
وان شاء الله بيتم متابعة المخالف وحذفه..
أخيكم / علي مدكور..
يسمح بنقل الموضوع للمنتديات وعدم ذكر المصدر
