جمالك علمني أغنية تبحث عن ملحن ومطرب
جلس العاشقين علي شاطئ النيل فنظر في عينيها متأملا وجاب بعينيه مفاتنها وانطلق لسانه محدثا بأحلي عبارات الحب والغرام وببرائة سألته " إنت بتجيب الكلام الحلو ده منين ؟"فأجابها بكلمات هذة الأغنية التي ارجو أن تلاقي اعجابكم.
جمالك علمني
جمــالك علمنــي
أقـول احلي كــلام
ولسـه بتسـألــني
م انت ياروحي الالهام
في عنيك ينقال قصايد
وف شعــرك الحرير
من أول نظـره منـهم
بقيت ف هواك أســير
ولسه بتسـألني
م جمالك علمني
جمالك علمني أقول احلي كلام
*****
ياما قبلك شفت كتــــــــير
لكــن قلبي ما سلمــــــشي
جـات عينـي ف عينــك انــت
قلبــي قـال لا مــقدرشـــي
ورفـــع الـــراية وسلـــم
بـسهوله إزاي معــرفــــشي
ولسه بتسـألني
م جمالك علمني
جمالك علمني أقول احلي كـلام
*****
قـبل مـا أشـوفــك وصفـولي
سحــرعنــيــك الفــــتان
واصحــابي يامــا قالــــولي
خـــليـك أحســن فـي أمـان
ومــين يـــهرب مـن قـدره
وأديــني أهـــو هيــــمان
ولسه بتسـألني
م جمالك علمني
جمالك علمني أقول احلي كـلام
*****
كل اللــي انا عايزه مـنك
ترحـــم قلبي المسكــين
وايـاك تحرمــني مــنك
د انـا دايب شوق وحنــين
وانا مهما قلت ف وصفــك
وف حســنك مش هوفــي
أصـل اللي انا حاسـس بيه
نصـــه ياحبيـبي يكـفي
ولسه بتسـألني
م جمالك علمني
جمالك علمني أقول احلي كـلام
**********
مسجلة باسم المؤلف بالشهر العقاري
كلمات : عصام الدين محمد
