بجد يا جماعة انا قربت اموووت حد يساعدني

انا بجد ياجماعة تعبانه اوي وعايزة حد يساعدني انا كنت بحب واحد اوي ومازلت احبه وهو بيحبني اوي بس المشكلة انه ابن صاحب والدي وانه كلمني الاول يعني مدخلش من الباب زي ما كله بيقول بس هو بصراحة لما كلمني كان عايز يفاتح والدتي في الارتباط بيا عشان انا والدي متوفي بس انا رفضت لاني كنت لسه بدرس وعشان كان في مشاكل بين اهلي واهله في الوقت اللي فتحني فيه في الموضوع ده فخفت يترفض كلمنا بعض 3شهور تقريبا وبعدها والدتي عرفت وعملت مشاكل كبيرة فبعدت عنه عشان ابعد المشاكل ولكن والدتي كانت مصممه ع المشاكل بمعني كانت بتتصل وبتشتم اهله وكده وهما برده قالوا اني انا اللي كنت بجري ورا ابنهم وبعدها الموضوع هديي بس انا رغم المشاكل ديه مقدرتش اكرهه اوحتي انساه لانه مكنش بيعرف اي حاجة عن المشاكل ديه غير اللي امي بتعمله بس ميعرفش اللي اهله كانوا بيقولوه عليا لانه في الكلية الحربية مبينزلش غير يومين بس المهم رجعتله تاني وبدأنا صفحة جديدة مع بعض واتفقنا بعد ميخلص اخر سنه ديه يجي يتقدم وهو وافق بس هو صمم انه يجي يصفي النفوس مع ماما ولكن ماما شتمته وقالته معنديش بنات للزواج وانها عمرها مشتوافق خالص وكلمته بطريقة مش كويسه خالص وهو قرر اننا نبعد عن بعض واني انساه وانه معندهوش استعداد يجيي يتقدم تاني وانا مش قادره انساه اعمل ايه ساعدوني

بصراحه يا روكى مش عارفه اقولك ايه لان بجد من ناحية مامتك لانها مش راضيه تتقبل ولا تفهم (سورى يعنى) يعنى ايه اتنين بيحبوا بعض ومهما كان حجم المشاكل الى بين العيله انتو ايه ذنبكم ذنبكم ان انتم اتولدوا فى ظل المشاكل دى ولا نبكوا ان انتوا حبيتوا بعض بكل اخلاص ومكنش فى اى حاجه شغلاكم وقتها غير الحب ده ولا اصلا العيب على الزمن الى مبيحبش يكمل فرحه حد ابدااااااااااا تقريبا والله يا روكى انا مشكلتى زيك بس انا اقعد منك بكتير بس انت عارفه مهما حصل وحتى مكنتوش لبعض وهو اتجوز واحده تانيه انت عمرك ما هتنسيه وهتفتكريه دايما وده الى انا فيه دلوقتى وزى ما قلتلك خلى حاجه واحده فى دماغك ان لو ليكوا نصيب فى بعض اكيد هتكونوا لبعض مهما كانت الصعاب دى هتعدوها وهو لو شاريكى وعايزك وميقدرش يستغنى عنك صدقينى هيحاااااااول مرة و10 ومليون لحد ميوافقوا كلك . بس لو هو قالك فعلا معندوش استعداد يتقدم تانى فا ده واحد من اتنين يا اما مكنش بيحبك وكان بيتسلي او هو زهق من المحاولات بس الى فهمتوا من كلامك انو حاول مرة بس مع مامتك لازم يحاول كتير وانت كمان يا روكى حاولى تفهمى ماما ان انتو بتحبوا بعض وان انت شايفه سعاتك معاه مهما كانت حجم الخلافات دى انت ملكمش ذنب دى مش هتاثر على اى حاجه ( والى يشوف بلاوى الناس تهون عليه بلوته ) وصدقينى مش هتنسيه اسالى مجرب .....

قصتك يا روكي دي فكرتبي بقصه للراحل العظيم عبد الوهاب مطاوع وكانت بعنوان "تحيه المساء" وكانت لواحد بيحب واحدة وهو كان فقير ويتيم وحبيبته كانت جيرانه وكانو بيحبو بعض جدا وراح أتقدم الولد لوالد حبيبيته ولكن والد حبيبته أهانه وطردة من البيت وقاله أنت عمرك ما هتتجوز بنتي أبدا لانك فقير ومعندكش حاجه وراح ضرب بنته ضرب مبرح ومنعها من الخروج ومن أني هي تروح الجامعه وحبسها في البيت علشان ما تشوفش حبيبها وقفل الشباك اللي بيطل علي شباك حبيبته وهي قعدت فترة كبيرة من غير ما تشوفه وكان كل يوم تطفي النور ثلاث مرات وتنورة كانت عايزة تقوله أنا معاك وبتحيه تحيه المساء _القصه بجد روعه وهي طبعا حقيقه ومن واقع الحياة _علشان ما أطولش عليكي أختصار القصه أني أبو البنت راح أكتر من مرة لبيت الرجل اللي بيحب بنته وقعد يشتمه قدام أمه ويهددة أنه يبعد عن بنته والشاب علشان خاطر حبيته مكنش بيرد عليه وقعدو كم سنه حوالي أربع سنين ما عذاب والم ولوعه الفراق وفي النهايه ربنا أراد يجمعهم ويتجوزو بعد رحله عذاب ذاق خلالها الحبيب كل أذي من والد حبيبته أكتر من مرة وليست مرة واحدة ولا أتنين ذي حبيبك من مرة واحدة واحدة مش هحاول تاني _

عايز أقولك يا روكي أنك تحاولي تقنعي مامتك وتفهميها بالراحه إنك بتحبيه وانك هتكوني سعيدة وأنتي معاة وتحاولي كمان مع حبيبك أن يعاود المحاوله تاني من جديد وانك بتحبيه ومش ينفع ترتبطي بحد غيرة هو _وتأكدي بجد ذي ما قالت جميله هولو بيحبك بجد هيعمل المستحيل علشانك ذي صاحب تحيه المساء وهيحاول بدل المرة مليون مرة _وفي النهايه مش عايزك تزعلي مامتك وتعملي حاجه هي مش راضيه عنها لاني دي أولا وأخيرا أمك في النهايه ومفيش بعد الام في الدنيا وأسأليني أنا لاني فقدت والدتي وانا صغير والانسان مننا مش بيعرف قيمه الحاجه اللي لما يفقدها _ حاولي تكليميها بالود وتقولها أنك مش هتعملي حاجه غصب عنها بس انا بحبه وهو دا الشخص اللي هيقدر يسعدني _وربنا يسعدك يارب وتكونو مع بعض في النهايه وأسف للاطاله ولو في بعض الكلمات بها أخطاء في الحروف فأنا أسف للأخطاء _وشكرا ليكي يا روكي

حاولى تقنعى مامتك لان مامتك ليها مصلحتك وهيه مش هتكرهلك الخير وقوليلها انها لازم تكون زى صحبتك وتحس بيكى وتحط نفسها مكانك
وانتى دافعى عن حبك
ومتسيبيهوش يضيع من ايديكى الااااااااااا الحب لانه تضحيه
وربنا ياااااااااااااااااااااااا رب يوفقك معااااااااااااااااااااااا اااااااه
http://www.21za.com/pic/salam_kalam010_files/142.gif

متشكرة اوي ياجماعة علي كلامكم ده بس انا عايزه اقولكم انه مجربش مرة واحدة بس مع ماما
هو حاول معاها كتير وانا كمان حاولت معاها بس كل مرة كان رد فعلها معاه انها بتهينه ومعايا
اما بتتنرفز عليا وتقولي لوعايزه البابا امامك اه رحيله وهعتبر بنتي ماتت او تقعد فتره متكلمنيش
وانا كلامتها كتير وقولتلها اني بحبه ومش هتجوز حد غيره بس هي برده ع قرارها لما بدخل
حد يعرف الموضوع من اقاريبي او اصحابها بتقاطعهم وبتحاول تبعدني عنهم
وهو بجد استحمل معايا كتير هو واهله كانوا بيسمعوا الاهانه ومش بيردوا عشان خاطري
وانا بجد تعبانه اوي من غيره بقيت لوحدي من اول مسبني ومش عايز اكلمه دلوقتي لانه مجروح
من اخر موقف من ماما بس بطمن عليه عن طريق صاحبه من غير ماهو يعرف
انا اسفه ياجماعة شغلتكم معايا بمشكلتي بس بجد انا تعبانه اووي

اقول الحل يمكن ينفع روحى لممتك وقلالها انا عايزة اموت او انا موت وانتى قتالتينى علاشان الموضوع بتاعك احكالها
وبعدكدة دمعة وقولى انا لاو متجوزتهوش هوالاع فى نافسى علاشان محدش يتجوزنى بعدة وزنبى هيبقا فى رابتك ياماما
واقفلى على نافسك الغرفة بالمفتاح لغاية متيجى امك اكتر من5 مرات وتوالك افتحى الباب وكالميها واقنعيها
ونصيحة منى انا اتجوزى الي بيحبك ومتتجوزيش الي بتحبية
مستنى راد منك على الحل

هو حل كويس برده يا زعيم بس مامتها شكلها يعنى مش هيدخل عليها الدور ده وممكن تسبها وعادى
وممكن تتاثر بالموقف وتقبل بس لو قبلت هيبقي من غير رضاها صح ولا لا احسن حاجه يعنى انها تخلى حد من قرايبك مقتنع بالموضوع وهو يقنعها
او انك تحاولى يعنى كنظام انك بتكتبي مذكرة وتقولى فيها انك بتحبيه وممكن يعنى تعملى اى حاجه علشانه ولو متجوزتهوش وكده يعنى وتحطيها فى مكان متعمده ان مامتك تشوفه يعنى اكيد هى هتقراها وممكن ساعتها بقي قلبها يحن شويه بس انتى متعرفيش انها قرتها يعنى كده وكده انت قاصده انها تقراها من جواكى بس قدمها كان فى هنا حاجه راحت فين مين الى اخدها كده يعنى وربنا يسهل والموضوع يتحل ياااااااااااارب

كتير حلو حلك يا جميله و ربنا يوفقك حبيبتى و تتجوزى اللى بيحبك و بتحبيه

هو موضوع صعب فعلا بس انا ها قولك حاجه مدام انتى بتحبيه و هو بيحبك اقفو قدام اى حد بس فى الاول اعدى مع ممتك و فهميها انك هو ده الانسان الوحيد الى مستقبلك هايكون معاه و الحوارات دى اكنها صحبتك و اقنعيها لاى سبب من الاسباب (بس لو مش اقنعتيها اوعى تخلفي كلمها اللى تقول عليه اعمليه بس هايكون انتى عملتى اللى عليكي)
و ربنا معاكى و تعيشي معاه ان شاء الله :x