زلط للبيع..........

عارفين بتاع التلات ورقات

لعبة قديمة تعتمد على خفة اليد وسرعة الحركة
سيد بقى بتاع التلات ورقات
ساكن فى قرية
نصب على أهلها كلهم
مافيش حد إلا وكسب منه فلوس بلعبة التلات ورقات
كانت النتيجة أن أهل القرية كلهم بطلوا يلعبوا معاه اللعبة دى وسابوه ينادى عليها لوحده من غير ما حد يعبره
يادى الخيبة
تخيلوا نصاب خلص نصب على قرية بحالها ومافيش عيل ولا راجل ما كسبهوش فى لعبة التلات ورقات لغاية ما الناس زهقوا منه
طيب والحل
يسيب البلد
وأزاى من غير فلوس
أه الحل كان عنده

نصباية جديدة
جاب قفص كبير ولم الزلط اللى فى البلد كله
ويوم السوق وقف ينادى
يلا الزلط الطازة
يلا قبل ما يخلص
يلا ياجدعان الزلطة بربع جنيه............ ..
الكل بيمشى يتفرج ويضرب كف بكف
الواد سيد النصاب أتجنن
مين العبيط اللى ح يشترى منه زلط

وجه العبيط
وقف قدام سيد يستنصح
- بكام الزلطة
= قولنا بربع جنيه
- طيب أنا ح أخد عشرة بكام
= يبقوا باتنين جنيه ونص
- لا بجنيه ونص بس
بيفاصل مع سيد وسيد يفاصل معاه
لغاية ماباع للعبيط العشرة بمية خمسة وسبعين قرش

فى الوقت ده واحد وقف يشوف الفصال وراح رايح على سيد
- بكام الزلطة
= قولنا بربع جنيه وبعنا العشرة بمية خمسة وسبعين
- طيب انا ح أخد عشرين بكام
= يبقى تلاتة جنيه ونص
- لا بأتنين ونص بس
بيفاصل فى سيد وسيد يفاصل معاه
لغاية ماباع العشرين بتلاتة جنيه

الوقت ده ناس أتلمت
واللى خد زلطة واللى خد خمسة واللى خد عشرة
الفلوس جريت فى أيد سيد
والناس زحمة على الزلط
سيد حس ان كدة كفاية
لم الفلوس اللى تخرجه من البلد............ ........

يلا أوكازيون الزلطة بعشرة صاغ
الناس أتلمت اكتر وباع أكتر
الفلوس زادت
عايز يخلص الزلط قبل ما يمشى
يلا علشان نمشى قبل المغرب الزلطة بشلن
الناس أتزاحمت وبقوا يزقوا بعض
والفلوس نزلت زى الرزعلى سيد

سيد تعب

يلا الزلط ببلاش
الناس بقت تضرب بعض على زلطاية
ووقع ضحايا
والزلط برضه ماخلصش............ ......


مهداة لي و لكل حاملى الجهاز العجيب المسمى بالمحمول ويتعامل مع سيد بتاع التلات ورقات المسماة بموبينيل وفودافون

العروض الجباره للسباق علي الكلام

ونقووووووووووووووول اتكلم من القلب

ياريت الرسالة تكون وصلت لاحلى اعضاء كافيه مصراوى