جراح الناس ... بقلم .. محمود هلال
كلام اغانى ملوش معانى بنسمعوا و ننسى الامانى
لو فاتت ايام و سنين نسمع كلام اغانى مسموع و الصوت المهموم مش مسموع
الدنيا مليانه بجراح و افراح ناس شايله فى نفوس هموم و ناس شايله فلوس فى جيوب
ناس عايشه عالارض و الهم تنام و تصحى مفيش فطور
بيتمنوا يشوفوا الغروب عشان ينامو ينسوا الهموم
و مهما فاتت الايام و مهما مرت السنين
الجرح فى القلب محفور بسن من سكين مسنون من قلب بشر من حجر
عيش يا ريسنا و نام و انسى هموم الناس كفايه عليك ريش النعام
تنام مسرور و البرئ ينام مظلوم غنى تنام مغرور و الفقير ينام مضروب عشان قال كلمه حق
مهى كلمه الحق ممنوعه فى ايام ضايعه فى سراب مفتوح
ناس تتمنى نظره عطف مش نظره حقد و كراهيه
حلم الناس ضحكه منك نظره منك
ده حلم الناس حلم بسيط ضعيف ملوش اكثر من معنى و هو
جرااح الناس!
بقلم.. محمود هلال
