بلاش نعاتب بعضنا
ويا ريت ننسى جرحنا
ونرجع لايام عمرنا
ايام كان الصدق فيها عهدنا
والحب والود ده من طبعنا
زمان كانت حياتنا ملكنا
والحب كان من حقنا
وصبرنا يا ما صبرنا على حبنا
ولكن الهجر مكتوب لنا
ودمعتنا لسه على خدنا
كاننا بننزف من دمنا
ومهما تغربينا يا دنيا وتبعدينا
حتلاقى قلوبنا سفينه ماشيه لاقرب مينا
شايله الحب فينا
وبترمى كل ضغينه
ومهما يطول ظلمنا
ما نقدرش ننسى عهدنا
وحيجى يوم تشرق شمسنا
وننسى فيه كل همنا
والدنيا حتضحك لنا
وفى حضنها تضمنا
دا احنا عهدنا ربنا
منكونش غير لبعضنا
ويا رب حقق حلمنا
واجمعنا ولم شملنا
