أنا مين ؟
عايز ايه ؟
بحلم بايه ؟
جوايا حاجات كتير نفسي تطلع
تطلع للنور ..... تطلع من عتمة قصري المهجور .
ايه يفيد لو كان المصير مجهول
نفسي اوصل لبر امان ..... من غير حرمان
نفسي اكون او لا اكون ...
نفسي اغير مجري الكون...
لكن الحلم بعيد ومحتاج لقلب عنيد
هقدر ع الحلم لوحدي ؟
ولا هفضل لسه شريد
ايه جواه ممكن يغير مسراه
نفسي اكون فارس ولوحتي اموت قتيل
نفسي اكون الفكرة وبعده يجي التغير ........
نفسي .........نفسي اكون انا من غير تبديل
بجد انا عايز ايه ...........
عايز ايه ..............عايز ايه.......؟
هل هقدر اوصل لبر امان
واقول للزمان خلاص يازمان بلاش حرمان ......
انا لقيت اللي يداويني .........
انا لقيت نفسي
انا عرفت انا مين
اقولك انا مين انا فارس تايه بين المعارك
وليد شاب علي يد أبوه
قتيل عاش في دنيا قتيل
مركب بدون شراع
غريق في بحر بلا شطآن
أنا ......................... انسان
