موضوع جامد اوى يا منمووونه و انا يا ستى هحكيلك عن يومى لحد ما نلاقى احمد الزعيم .. مش عارفه يا اختى والله بيختفى فين دا ..
بس لو شوفته هقوله .. لا تخـــــافى ..
اما عن يومى بقى عسوله ..
يومى عادى كدا .. هو تقريبا رومتينى نوعا ما ..
لو عندى كليه .. بقوم بدرى أكيد (( بالجزمه )) .. (( بالغصب )) و انا اصلاما بصدق اكسل .. فلازم عشان انز الكليه اعمل ايه بقى .. اقوم قايله لصحابى يستنونى فى الشارع عشان يصعبو عليا و اقوم و انزل .. :D ..
المهم .. لو عندى كليه بقوم 8 ص ..
البس و احضر حاجتى و اخاد الناقه و اشرخ ..
احضر و انا متكدره طبعا .. [-( .. و بعدها اكل طبعا لانى ببقى جعانه جدا .. و بعد كدا ادخل المحاضره التاليه .. :-& ..
و بعد كدا ما اصدق اخلص و اروح لصحابى فى فنون جميله .. فى كليه تانيه غير للى انا فيها ..
اروحلهم و نفضل اعدين .. و نروح مع بعض .. نروح مشى .. هو مش قله فلوس .. بس زى ما تقولى كدا بيصعب علينا نروح مش مهدودين ..
اروح .. طبعا ببقى جعانه ..اكل .. و انام شويه .. و اقوم يا اما على النت .. يا اما على التلفزيون .. يا اما بحفظلى كلمتين عبرى ينفعونى ..
و غالبا البيت كله بيتفرج عليا و انا بحفظ .. ههههههههه (( طبعا انتو مش فاهمين بيضحكو على ايه بيضحكز عشان نطق الكلمات ساعات بيشبه العربى بس بدل السين شين مثلا او بدل الكاف خاء .. هههههههه ))
و طعا انا مش بعد زى البنى ادمين على حيلى انا بزاكر كل شويه على المطبخ .. فاكهه .. حاجه اشربها .. لحد ما احس انى زاكرت كتييير او احس ان الوقت عادا كتير اقول كفايه هراجع اللى زاكرته و اشوف هعمل ايه .. الاقى نفسى ماحفظتش غير كلمتين بس هما اللى ثبتو ..
قوم ايه .. قوم ضميرى يوجعنى .. اقول بكره هكمل ان شاء الله .. و هو تقريبا بكره دا مش بيجى .. :)) ..
بس هو دا اللى تقريبا بيحصل فى معظم الايام
ساعات مثلا بليل اعد اكتب خواطر .. بس مش دايما يعنى ..
ساعات مثلا اعد ارخم على ماما وبابا و واخواتى لحدما يزهقو منى .. و يقوليلى ادخلى نامى ..
بس غالبا ببقى مع نفسى ..
و ساعات تتطلع الجنونه و اقوم ماسكه الموبايل و افضل ابعت فى مسج بله لصحابى .. و طبعا ناس هنا مجربه .. (( صح يا اللى عارفين نفسكو .. )) هما عارفين نفسهم :D ...
ممممممم
بس هو دا يومى تقريبا .. مفيش حاجه خارقه ..
جارى البحث عن الزعيمـ ..
يا رب اكون خفيفه عليكو ..
لول انا ..