ارخم من الرخامة

اسئله بديهيه مالهاش اي لازمه في الدنيا

بنتعرض ليها كل يوم من كل الناس

خلـونـــا نشــوف أمثلة

أنت في أوضتك .. على السرير وطافي النور ومتغطي ........

يجي أخوك الظريف ويفتح الباب عليك ويقول : ايه ياده انت هتنام ولا ايه ؟

(( أظن ده مش وضع الرقص !!! واضح ان انا هنام))

*******************

أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير " انتوا جيتــواااااااااااااااا

(( لا لسه ))

********************

والعكس : أنت لابس هدومك و متأنتك و على سنجه عشره وريحة البارفان واصله لاخر الشارع .. وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه

(( !!! لاء دانا لسه راجع ))

*********************

أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟

يقولك : انت رايح الشغل يابيه ؟

(( لا العربيه واحشاني ))

******************

مثلا ماسك سماعه التلفون وقاعد تضغط الارقام يجي حد من أهلك ويقولك : انت هتتكلم في التليفون ؟

(( لا أبتفرج عليه ,, أكيد بتكلم ))

******************

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك :هاه قاعد تذاكر ؟

(( تقوم رامي الكتاب و تقوله لاااااء ))

*****************

ربنا هاديك كده ... ماسك سبحه و عمال تسبح ، يجي حد من البيت يعدي عليك ويقول :هوه انت بتسبح

(( لاء هفرطها و أسلقها ))

*****************

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه

ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟

(( لاء طالبها اخنق على نفسي))

*****************

أو مثلا في العيد

المذيع : هههههه هههههه نتعرف بيك

االمواطن : فلان الفلاني

المذيع :هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان ؟ هههههه هههههه المواطن : أقولهم كل عام وأنتم بخير .......

(( أكيد يعني مش هيقولهم البقاء لله ))

*****************

,,,المذيعه الرخمه : وياترى بقى هتعملوا ايه العيد ده هتقضوه ازاي ؟ اكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين

(( سبتيله ايه يقوله يارخمه ))

****************

تحياااتى لكم http://vb.bnanet.com/images/smilies/2.png

رخامه رخامه بجد
بس تصدقى ان انا ساعات بسأل الأسئله الرخمه دى وبعد ما اسألها اضحك على نفسى

وتسلمى يا قمر

ههههههههههههههههههههههههه ههه
ساعتها باى حاجة ف دماغ الشخص اللى ادامى
=))=))=))=))

ههههههههههههههههههههههههه هه
لابجد حلوة اوى يسلموا على الكلام ده
مشكورة ياقمر :)

ههههههههههههه
بس الاسئلة الرخمة دى بتتسأل
كتيررررررررررر:x:x:x:x
تسلم ايديك كتكوتة على التوبيك الجميل دة

هى صحيح اسئله رخمه مــــوت
وانا عن نفسى بقولهم كلهم بس دى طبيعه الانسان
فى الحياه...... رخــــــم


TOTA

لا فعلا اسئلة رخمة
وانا فى ناس كتير بتسئلنى حاجات من دى
بس انا بقى بعرف ارد بخليهم يندموا على اليوم الى
فكروا يسئلونى فية
هههههههههههههههههههههه
مشكور على الموضوع

تسلمى ع الموضوع الرخم ده

كل الناس بترخم على بعضها بالاسئله اللى مش ليها لازمه

تحياتى

=))=))=))=))=))=))=))
=))=))=))=))=))=))
=))=))=))=))=))
=))=))=))=))
=))=))=))
=))=))
=))
بجد جاااامد التوبيك ده:))
وفعلا انا بسال وبتسال الاسئله الغبيه دي:-P
ثااانكس بجد يا عسل:-*

=))=))=))=))=))=))
=))=))=))=))=))
=))=))=))=))
=))=))=))
=))=))
=))

ههههههههههههههه
مش قدرة اوقف نفسي من الضحك
فعلا اسألة رخمة يا لهوووووووى
ومش منطقية
يعنى مثلا لسة طلعة من تحت من الشارع ماما او بابا يقولولى انتى جاتى
(اه يا جماعة ما انا ادمكم اهو حاجة غريبة )
بس بينى وبينك دى بتبقى حاجة اتعوتى عليها خلا
فعلا توبيك جامد اوووووووى
مشكورة يا كتكوتة