روشتة للنجاح المؤكد مئه فى المئه وللحصول على البكالوريوس والليسانس تجرب..ماتجرب!
**بسم الله الرحمن الرحيم**
... اخواتى واخوتى اعضاء منتداى الكرام السلام عليكم ورحمة الله وبركاته،،،،
بصم انا هجيب من الآخر بدون مقدمات احنا كلتا ساعدنا بعض كل اللى كان يكتب موضوع كلنا بنتكالب الرد حتى لما كنت بكتب موضوع وحش اوى كنتوا بتكتبوا احلى ردود كنا بنقف ورا بعض يد واحده فزى ما احنا حسينا اننا ايد واحده لازم نحس بطعم النجاح سوا نذاكر ونذاكر احنا لعبنا كتير تعالوا للجد شويه واعوا تقولولى اصل فى اسباب تخلينا منذاكرش .
اقولك زى ايه :-
(الحب بتاعى مات) وانا مش قادر اعيش انا عايز اموت"بس بتاكل وبتشرب وربنا لو شايف انك ما لكش لازمه كان موتك"وكل ما افكر الدنيا بتسود وبتشد لتحت وما بيكونش ليا رغبه لا فى العيش ولا النجاح.
وماله خليك فاشل بدل ما تقول دى دفعه ليا هدف امامى هنجح علشان اثبت نفسى ووجودى مش انا ما ليش وجود فى (حياتك/حياته لكن والله لى وجود فى الدنيا وبكره تشوفوا).
(هتقولى ابويا صعب اوى صفاته فظه او امى انا مش عايش فى حالة الاستقرار الاسرى وامى بخيله وكل شويه تطرد ابويا فى الشارع والعكس طب اعمل ايه هقولك بكره ابوك وامك يرجعوا لبعض وهيعيبوا فيك لانك لم تنجح بغض النظر اهم السبب ام انت تفادى بخلهم تفادى كلامهم الجارح يا سيدى الفاضل انفد بجلدك وذاكر وانجح واحفر اسمك فى الدنيا من الناجحين سيحترمك الناس لانه رغم ظروفك اصبحت شخص ناجح).
(هتقولى اصل الماده صعبه اوى ومتتذاكرش طب اعرف ان انتا السبب انتا اللى محضرتش محاضره او سكشن لتتعرف عليها لكن معلش ضور على اى حد فاهمها وذاكر معاه هقولك المعيد فى ماده ماتتذاكرش قال لنا"تعالوا الماده وهاتوا الكتاب وضوروا على جمله تدخل فى اساس الماده وكل ما يجى سؤال حطوا الجمله دى بس العبوا حواليها وكبروها علشان اول ما الدكتور يقراها ما يكمليش ويعطيكوا درجه حلوه ومتسيبوش سؤال بدون جواب جاوب بما تعلمه والله الموفق).
وعندكم اسباب كثيره وانا عارفه والله ربنا يرضى عليكم ويصبركم يا عمالقه يا وحوش يا احباء ربكم ونبيكم.............
طب عايزين وسائل مساعده علشان ناكل الكتب اكل :-
1 - ادعى ربنا وناجيه قوله يا رب انا عبدك الفقير اوى طمعان فى كرمك عارف انى عصيتك كتير جايلك طمعان فى جودك ارحمنى خلينى اذاكر يا كريم شايف ضعفى قوينى بيك وبحبك عايز انجح علشا اعزك واعرف العالم كله ان المسلم انسان ناجح وبنى حضاره يا رب ابعدنى عن رفاق السوء متسبنيش للفشل يا رب عبادك غيرى كتير لكن انا ما ليش الا ربى الحنون عليا وعلى عباده المساكين اللى زيى يا رب متردش ايدى خائبه اكرمنى بالمذاكره واغفر لى ذنوبى واهدينى وارزقنى العفو والعافيه) أو اللى ربنا يقدرك عليه.
2 - خصص ركعتين كل يوم تدعى فيهم الدعاء السابق"المذاكره والنجاح".
3 - تصدق كل يوم بربع جنيه بنية النجاح.
4 - صيام يوم الاثنين او الخميس لله علشان ينجحك.
5 - تكون نيتك وانتا بتذاكر انا عايز ادخل الجنه لان النبى قال"من سلك طريقا يلتمس فيه علما سهل الله له طريقا الى الجنه".
6 - احفظ الادعيه الاتيه وادعى بها :-
*قبل المذاكرة:-
""اللهم إني أسألك فهم النبيين، و حفظ المرسلين، و الملائكة المقربين، اللهم اجعل ألسنتناعامرة بذكرك، و قلوبنا بخشيتك، و أسرارنا بطاعتك، إنك على كل شيء قدير، حسبنا الله و نعم الوكيل"".
*بعد المذاكرة:-
""اللهم إني أستودعك ما قرأت و ما حفظت و ماتعلمت، فرده عند حاجتي إليه، إنك على كل شيء قدير، حسبناالله و نعم الوكيل"".
*يوم الامتحان:-
""اللهم إني توكلت عليك، و سلمت أمري إليك, لا ملجأ و منجا منك إلا إليك"".
*دخول القاعة:-
""رب أدخلني مدخل صدق، و أخرجني مخرج صدق، واجعل لي من لدنك سلطانا نصيرا"".
*قبل البدء بالاجابه:-
""رب اشرح لي صدري، و يسر لي أمري, و احلل عقدة من لساني يفقه قولي، بسم الله الفتاح, اللهملا سهل إلا ما جعلته سهلا و أنت تجعل الحزن متى شئت سهلا يا أرحم الراحمين"".
*أثناء الامتحان:-
""لا إله إلا أنت سبحانك إني كنت من الظالمين, يا حي يا قيوم برحمتك أستغيث, رب إن مسني الضرإنك أرحم الراحمين"".
*عند النسيان:-
""اللهم يا جامع الناس ليوم لا ريب فيه اجمع عليا ضالتي"".
*بعد الانتهاء:-
""الحمد لله الذي هدانا لهذا و ما كنا لنهتدي لولا أن هدانا الله"".
......يعلم ربى انى ما اريده الا الفلاح والصلاح والنجاح لكل شباب المسلمين واعضاء منتداى الكرام اخوتى واخوانى فى الله وسادعوا وادعوا لكم ربى الجواد الرحيم ان يوفقكم فى حياتكم العلميه والعمليه والله الموفق.
"اسال الذى جعلنا فى دنيا فانيه ان يجمعنا ثانيه فى جنه قطوفها"
