•°¤*(¯`°(s)( (ازاى تعرف انك بتتفرج على فيلم عربى قديم) )(s)°´¯)*¤°•

لما يكون البطل مريضا وتقدم لة البطلة حبة الدواء مع كوب ماء وبعد
ان يبتلعها وتسأله البطلة فورا: ها عامل اية دلوقتي المفاجأه انة يرد
عليها الحمد لله بقيت احسن
كده بالسهولة دي.. هو واخد حبة البركة ولا ايه؟ا
*******
لما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه
*******
لما يصاحب مشهد التغرير بالبطلة لقطات الامطار الغزيرة والبرق
والرعد والشباك الذي ينفتح بقوة علي مصراعيه
وتلاقي البطلة في الفيلم مصيّفه
*******
لما تقول البطلة للبطل انها حامل فيرد البطل على طول.. اللي في
بطنك ده لازم ينزل
غالبا بيكون يوسف شعبان
*******
لما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
*******
لما يكون من المستحيل ان تجد الهاتف مشغول والطرف التاني يرد من
قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم مفيش
جريمة كاملة وانت فاكر انك هتهرب من البوليس بعملتك دي
*******
لما يسكر البطل فتجده يصب كوب ممتلئ علي اخره
بيسكر بعصير قصب
*******
لما يخرج الطبيب من غرفة العمليات يرد جملة من ثلاث جمل
شدو حيلكوا يا جماعه.. العمليه نجحت بس مش هتقدروا تشوفوه دلوقتي....
اضطرينا نضحي بالجنين
*******
لما يجلس البطل والبطلة في نفس الكازينو بتاع كل فيلم اللي في وش
ماسبيرو ويطلبوا نفس العصير اللي في كل الافلام: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
*******
لما يصاب البطل بطلق ناري في قلبه وتنزف الدماء من بطنه زي صلصلة
الكشري ويظل يتحدث بطلاقة وتركيز لمدة خمس دقائق يقوم خلالها بفك لغز
الفيلم والاعلان عن القاتل الحقيقي او البطل البطل يبقي ابن مين
*******
لما تتناول الابنة الفطار وهيا واقفة وبتاخد لقم سريعة فتقولها
الوالدة ما تفطري يابنتي كويس تقولها: لا علشان الحق المحاضرة >وتبوسها وتمشي فتنظر الوالدة الي الوالد ويبدأن في الدعاء
*******
لما تغيّر حرب اكتوبر اخلاق كل المنحرفين الموظف المرتشي والجاره
اللعوب والبلطجي والمجرم بطبعه
*******
لما تلاقى مقر العصابة ملئ بالقش والبراميل الخشبية
*******
لما تسمع صرير احتكاك كاوتش العربيات اللي بطارد بعض وتقريبا بتبقي
عربيات 128 وماشية بسرعة كيلو 30
*********
لما البطل يضرب حد من العصابه و تسمع صوت طرقعة الايد
وقال يعنى بيضربه على وشه وتلاقى التانى ولا كأنه اتضرب

لما تلاقى كل ته اعرف انك بتشوف فيلم عربى قديم