•°¤*(¯`°(s)( (مين لما حب اختار) )(s)°´¯)*¤°•
الحب مش اختيار
ولا بييجي بقرار
واسأل كل اللي حبوا
مين لما حب اختار
معاه تحلا الاغاني
وتتغير المعاني
وتبقي الدنيا جنة
مرسومة بالأماني
بيكون شعور غريب
من غير معاد يصيب
بنحس بيه يجيلنا
لما يريد النصيب
القلب يسيب مكانه
ويبعد عن زمانه
وقبل الربيع يفتح
الورد ف غير اوانه
والعين بتدي نورها
لعيون حبيب فاكرها
وتعيش معاه كأنه
ماشاف ف حياته غيرها
والروح تروح تغيب
تسكن جوا الحبيب
وتحس بيه ف فرحه
وف جرحه تكون طبيب
الحب مش كلام
ولا نظرة ف ابتسام
ولا كلمتين ف غنوة
يتقالوا والسلام
دة احلي ما فيه عتابه
واشواقنا ف غيابه
دة نور الحب حلو
وأد حلاوته عذابه
الحب بكل ما فيه
مهما نلوم عليه
بفرحه او بجرحه
مين ما غرقش فيه
................
