الفشل موهبة يجب أن تنميها رغم أنف الحاقدين
كلنا عارفين ان الفشل ده موهبة مش عند كل الناس عشان كده تلاقي ناس كتير بتبص لأي انسان فاشل وتتساءل ياترى هو وصل للدرجة العالية دي من الفشل من فراغ؟ وياترى هقدر أحقق حلمي باني اكون فاشل؟؟ وياترى هقدر احقق ده في سن صغير؟ بلاش احباطاات و تفكير سلبي متقولش عمري مهبقى فاشل لان عظام الفاشلين قالوا كلمتك دي في بداياتهم
مين مننا محلمش يبقى فاشل؟؟؟..مين مننا مكنش بيمسك الورقه و القلم و يخطط ازاي يبدء طريقة نحو الفشل؟؟ الفشل حلم جميل عاش فينا كلنا من صغرنا و حلمنا نحققه في احلامنا الوردية
بس ليه دايما كشباب بنقابل صعوبات و تحديات في اننا ناخد حقنا في الفشل؟
عاوزة اقولكم ان اي شخصية فاشلة هي بالضرورة قابلت عقبات في حياتها و لعل ابرزها كان حقد الناس عليهم و التقليل من عزيمتهم و محاولة تعطيل مسيرتهم نحو مستقبل فاشل فاشل فاشل يتحدث عنه العالم و لكن الفشل درجات فلن نقارن بين مجرد فاشلين مبتدئين و ناس حققت مراكز عالية في الفشل الذريع و خلت العالم يقف ادامهم بيستغرب ايه الفشل اللي الناس دي فيه؟ هم فاشلين فعلا ولا شكلهم كده
دلوقت حبيت اذكر لكم بعض الخطوات و المقومات لتحقيق الفشل و اللي كتبها اساتذة و رؤساء قسم في علم الفشل الذريع واليكم ماورد في موسوعة الفشل للجميع من البداية حتى نجعله ذريع
- اجعل هدفك في الحياة هو الراحة والاسترخاء
2- حب سريرك فهو مملكتك الوحيدة
3- ارتاح بالنهار لتتمكن من النوم بسهولة في الليل
4- العمل شيء مقدس، لذلك لا تقترب منه أبداً
5- لا تؤجل عملك للغد طالما يمكنك تأجيله لبعد الغد اعمل أقل ما يمكنك عمله، وحاول أن تجعل غيرك يؤدي عملك بدلاً منك
6- اعمل أقل ما يمكنك عمله، وحاول أن تجعل غيرك يؤدي عملك بدلاً منك
7- لا تقلق لن يموت أحد إذا لم تفعل شيئاً، بالعكس قد يتأذى البعض عندما تعمل
8- إذا أحسست بأن لديك رغبة في العمل، استرخي قليلاً حتى تزول تلك الرغبة
9- لا تنسى: العمل مفيد للصحة، لذلك اتركه دائماً للمرضى
الفشل موهبة حاول بأن تنميها >:D<
