ايه رايكو يا جماعه لو عملنا في الفقره دي حاجه اسمها (عياده نفسيه)
يعني اللي عنده مشكله في حياته مكتئب مثلا او قلقان من حاجه او عنده مشكله عاطفيه.. الخ
يفضفضلنا هنا في العياده دي....ونقدر نساعده ونرشده ازاي يحل مشكلته ونوصله للتوافق وانا بنفسي هرد عليكم
ده مش معناه اننا بنوجه كلامنا للمرضي..لكن كلنا بنمر بأزمات نفسيه ومفيش حد فينا بيتمتع بصحه نفسيه 100% وكلنا بنحط في مواقف صراع وقلق وساعات يحصلنا مواقف صعب فيها الاختيار وكتير من المشاكل اللي اكيد لازم هنواجهها مادمنا لسه بنتنفس وعايشين جوه الحياه الغريبه دي اللي مش عارفه تفهمنا ولا نفهمها....
كنت اتمني يكون فيه ركن خاص للعياده دي تناقش مشاكلنا النفسيه بس مش مهم
المهم اننا نتعاون ونتناقش في مشكلاتنا بغض النظر عن احنا فين
ياتري عندكو استعداد لفتح العياده النفسيه دي؟؟؟
ياتري في امل انك تكتب لنا من غير تردد او خوف؟؟؟
ياتري مين اول واحد هيقص الشريط ويدخل عشان يفتح بنفسه باب العياده ويستقبلنا ويتكلم هنا معانا بوضوح؟؟؟
لو فعلا لقيت الامل هنا... لقيت خيط تمسك بيه عشان توصل لحياه سعيده
اكتب وبدون تردد.....
وياريت تقولولي رايكو في الفكره دي وقد ايه هتكون مساهمتكم فيها........
