القسم الاول:اسئلة دينية:-
1-بتتخيل (بتتخيلى)نفسك فى الجنة اكتر ,وله فى النار اكتر؟
مش عارفة بس دايما بحس ان ربنا بيحبنى وبيقف جمبى
2-اما بتزور المقابر او بتعدى عليها ,احساسك بيبقى عامل ازاى؟
بحس برعشة جوايا وبخاف اوى منها
3-حاسس ان ربنا بيقف جنبك فى مواقف صعبة كتير و انت بردة حاسس انك "ندل حبتين"؟
ربنا كتير بينقذنى ودايما لما بقول يارب الحمد لله بلاقية بس حاسة انى مأثرة شوية
4-انت حاسس ان ربنا راضى عنك اصلا؟
الحمد لله على كل شىء
5-بأمانة,,حلمت بالرسول قبل كدة؟طب لو حلمت او حلمتى قال لك اية؟
ياريت احلم بية بس للاسف محصلش
القسم الثانى:اسئلة نفسية:-
1-بأمانة برده,,انت شخصية نكدية؟
هههههههههه هما بيقولو علية كدة بس هما ناس مستفزة عايزين يضايقونى وافضل باردة ماانا لازم انكد عليهم عشيتهم هههههههههه
2-بتبكى قدام الناس و له بتستكبر تعمل كده؟
فى اوقات ببقى لو هموت اموت ودموعى متنزلش واوقات ابقى مش قاادرة استحمل دموعى
3-انت شخصية ضعيفة وله قوية؟
مش عارفة بس شخصيتى كتير كويسة الحمد لله
4-طب دلوقتى ,انت مكتئب و له فرحان؟و له بين البنين؟
مكتـــــــــــئبة جدا وعايشة اكبر حالة ملل
5-بتسمعى كلام اخوكى و تتفهميه و له "اخوية اية و بتاع اية مفيش اضمن من الصحاب"..بتسمع كلام اختك و تتفهمهاو له"انا اسمع كلام بت و اختى كمان ايه الهبل ده"!!!!!!!!!!!!!!؟
للاسف انا مليش اخوات خالص ولا ولاد ولا بنات وياريت كان عندى علشان اسمعهم
6-انت معجب بشكلك و انت حاسة ان شكلك حلو؟
اها الحمد لله
القسم الثالث:اسئلة الحب:-
1-انت شخصية محبوبة من الناس..وله الناس بتسترخمك؟
مش عارفة بس انا لما حد بيعرفنى وبيقعد معايا بيحبنى انما من بعيد كدة ممكن يقولو علية مغرورة
2-عمرك حبيت من طرف واحد قبل كدة؟
لا محصليش الشرف ههههههه احنا عارفين نحب طرفين علشان نحب طرف واحد هههههههههه
3-نفسك تتحب؟
ماهو الواحد بيتحب بس للاسف الى حبونى مش لقيت فى حد فيهم الى انا بتمناة فى حبيبى
4-مريت بقسة فاشلة؟
لا خالص بس انا واثقة انى لو اتحطيت فى تجربة عمرها ماهتبقى فاشلة لانى استنيت كتير فا اكيد هختار حد صح
5-قد اية بتتنازل علشان اللى بتحبه؟
كتير اوى ممكن اضحى فى سبيل انى اشوف السعادة فى عنية بس اكيد اضحى فى الحدود
6-هو فى كرامة فى الحب,يعنى انت مع العبارة دى؟
الحب تنازل وتضحية اكيد بس لو الكرامة اتشالت بين الاتنين بيخسرو بينهم حاجات كتير حلوة
7- اللى حتتجوزها نفسك يبقى اسمها اية؟اللى حتتجوزيه نفسك يبقى اسمه ايه؟
اى اسم مش هيفرق قد ماهيفرق الى هتجوزة هيبقى هو اية
8-بزمتك بتحب اسمك؟
اها كتيررررررر
9-بتحب على روحك؟طول ما انت ماشى عمال تحب فى الناس؟!
لا طبعا والدليل على كدة انى لحد الان مش حبيت حد
القسم الرابع:اسئلة عامة:-
1-نفسك فى ايه علشان تكون سعيد و راضى؟
نفسى لما اجى اضحك الضحكة تبقى من قلبى ونفسى رتم حياتى الممل يتغير علشان جايبلى اكتئاب ونفسى اقرب لربنا اكتر من كدة
2-لو شفتى اخوكى بيعاكس البنات فى الشارع,,اتفاجئتى,,اية حيبقى موقفك؟
هديلو على قفااااة هههههههههه بس ييجى هو
3-لو عرفت ان اختك "مصاحبة" اية حيبقى رد فعلك؟
انت تعرف ان دى اكتر حاجة بكرها طب مماانت يابنى ادم راضى على بنت الناس انها تكون معاك لية مترضاش على اختك عارف يرض يقولك اية انا بحبها انما انا معرفش الى مع اختى هيحبها ولا نو اسطوانة حفظناها جددوها بقى ههههههه
4-لو لقيت 7شبان بيعكسوا بنت بطريقة فظيعة,,بأمانة شديدة و صراحة حتعمل اية فى الموقف ده؟(خد بالك ان هم 7 شبان طول بعرض و بلطجية يعنى ممكن يشحوروك)!!!!!!!!!!!!!!!!!!
وحياتك ولا كأنة شايف حاجة
5-نفسك تعتذر لمين انت غلط فية؟
اعتذر لحد جيت علية كتير وهو ميستهلش منى القسوة دى
6-تقول لمين "ارجوك انا عاوزة احبك و احترمك,حسن صورتك عندى شوية"؟
مش لحد
7-بتقول لمين"تملى معاك"؟
لوالدتى ربنا يخلهالى
8-بتقول لمين "هو فى ايه؟!!!!!!!!!!!"؟
للزمن
9-بتكره الخيانة قد اية؟
ياااة الخيانة دى بتقتل بجد مميتة
10-يعنى ايه كلمة "وطن"؟ (بالنسبة لك
يعنى مصر يعنى حاجة بتعتنا ومن حقنا
اى خدمة ياعم الحاج
تسلم على اسالتك الجميلة المرة الجاية عايزينها على فلوس بقى
تقبل مرورى
