ادينى سيد منفاخ ؟؟ النمره غلط ياعم
السلام عليكم
********************************
موضوعنا انهارده عن
المعاكسات
إتكلم أرضي يابن بلدي ، صوتك بقى واضح قوي عندي
الارضى قالك دقيقة المحلى بخمس قروش
أتكلم أرضى ومترحموش
يعنى ايه مرحموش
أفضل أمسك التليفون وأقعد أضرب فيه على رأى واحد بلديتنا
http://3.bp.blogspot.com/_v-35K3CbX2...320/aaaaah.jpg
متخلص ياعم وانت بتعمل أعلان للمصريه للاتصالات ولا ايه
المهم
المعاكسات
أمسك التليفون وأفضل أعاكس فى خلق الله
طيب سألنا نفسنا
رخصوا الاتصالات جدا
لدرجة انك تبقى قاعد فى أمان الله كده
اه والله ياجدعان
مساء الخيرررررر
أيوه يأنسه أؤمرى
لو سمحت نتيجة الثانويه العامه طلعت
ثوانى أشوفهالك
أروح لامى
ماما دورى كده فى دورج الكومودينو
على نتيجة الثانويه
اوبا نسيت ثوانى ياماما
(ربنا يشفيك يابنى )
ألقى البت ركبها ميت عفريت
أنت بتهزر ياخويا
ولاد اخر زمن
وانا ناقصاك
تييييييييييييييت
ولا تبقى قاعد فى امان الله
تلاقى واحد بيتصل بيك
مساء الخير ياستاذ
مساء النور ياحبيبى
ها
أرغى
حلموزه مين ياعم انت طالب كام
يقولك مش دى السلخانه برضه
انا عاوز حلموزه الجزار
حلموزه مين يابن ال.............تيت
، الله يحرق عبده حلموزه على اليوم اللي ركبت فيه التليفون
.
أرفع سماعة التليفون
ألقيك ياعم الحاج
اتنين حبيبة بيتكلموا ،
داخلين على الخط
سرقه متعرفش
بيحبوا على خط تليفوني ،
بيحبوا بعض في بيتي وفي سماعة تليفوني ،
الله يخرب بيتكوا
ولا
تداخل الخطوط ،
بسم الله ما شاء الله ،
أبقى بتكلم في أمان الله والاقي ست الحاجة داخلة في النص معانا
، ماهي واحدة فاضية بقى ،
وتلاقي ولادها مش سألين فيها ،
شوفتوا جحود الأبناء ؟
يا ست الحاجة إنت ايه اللي دخلك معانا في الخط ؟
تقول : جرى ايه يابني ، ما تتكلم براحتك هو حد حايشك يابنى؟
طيب أقفلى السماعه ياستى
تقولك ولادى يابنى مبهدلنى
ياست الله يحرقك و يحرق ولادك
أنا مال أمي أنا مش عارف أكلم البت
يابنى مالك عصبى كده
ياحاجه أيه اللى دخلك على الخط
يابنى الوحده صعبه
ماتقفلى ياوليه متخلنيش أتغابى عليكى
مانت صايع يابن ال............تيت
(يا بنت المجنونه)
لا والله بجد أيه الموضوع المنتشر ده
المعاكسات
كترت اوى
وكل الرغى ده كله حرام ولا حلال
وانك تأزى غيرك وتضايقه
كده وبالطريقه دى
و يا تري يا هل تري الموضوع ده هينتهي امتي؟؟؟
