حقيقة البنات............**((الحقيقة المره))**........هههههههههههه
حقيقة البنات............**((الحقيقة المره))**........هههههههههههه
هاااااااااي
معظم بنات العالم
انا بقول معظم( مش كلهم) لاني بنت
اما تيجي الاجازه تلاقيهم
ماسكين التليفون وهات يا رغي
ود ود ود ود ود
ويك ويك ويك ويك
وخد بقى يامعلم
شفتي الواد حمص كان لابس ايه النهارده
التيشرت كان جميل بس الشوز كان مقطوع
بيقولوا البت الحماره اتقدملها عريس كويس
اه فعلا ..بس رفضته ؟؟ هع
شفتي فستان اليسا الجديد
هيا صحيح البت زعبله اتخطبت
لا.. اصل عريسها مكنش شبه تامر حسني
اما شفت حته واد النهارده
زي القمر وقعد يبصلي كتيــر
(دا على اساس انه عبرها انسى )
وبعد اما تقفل التليفون مع صحبتها او بعد ما تسبها
تقول البت دي كدابه كدب ؟ (شوفت الكهن)
دي اكيد بتفشر عليا في اللي قالتله
وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ضهرها
البت دي انا مبقبلهاش بس هيا اللي مصممه تكلمني
ال ايه ويقولك علاقه البنات ببعض اقوي من علاقه الشباب مع بعض هع هع (هموت واعرف مين اللى طلع الاشاعه دى)
والواحده من دول اما تتعارك مع صحبتها
يالهووووووووووووووووووووو وي
تلاقي الملايه اتفرشت واللسان الجميل تحول اللي مجارى ضاربه
وعلي راي عادل امام
فجاه لقيت النسر طار يا خال
والنور اللي في وشه انطفي
وقالي ملكـش فلـوس عنـدي
تخلص مع اصحابها تخش علي الام الغلبانه
ومفيش غير كلمه( لا) علي لسانها و(اشمعني انا)
متخلي فوزيه اختي هيا اللي تعمل
وياليله سودا لو اخوها قالها اعمليلي حاجه كدا يبقى لعب فى عداد عمره
واما تكون عايزه حاجه منه
اخويا حبيبي (اه يا كهينه)
فاكر لما قلتلي اعملك شاي من سنتين وعملتهولك
ويا سلام لو ماسكه عليه حاجه
اول ما يزعقلها تقوله مش فاكر لما خلتني
روحت كلمتلك البت اياها (اهلا هى بقت كدا )
هتنفذ الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت بيرضخ(يا نهار اسمر ع الكلام هى وصلت ليرضخ)الاخ البري.. الوديع..الحالم.. المطيع..الركيك. .لطلبات الاخت المفتريه
خلاص خلصت علي ماما واخوها واصحابها (ليكى يوم يا ظالمه)
تخش علي بابا عشان تنكد عليه
عايزه ا جيب شنطه جديده
عايزه اغير الموبايل
عايزه واحد كشري بالكبده
المهم انها تقرفه وتقوله هات فلوس بأي طريقه
ويقولك البنات حنينين علي اباهتهم (طب ازاى ؟)
و طول اليوم بقى من المطبخ للنت للسرير ل melody لـ ستار اكاديمى
واما تلاقي نفسها اتخنقت من اللي عملته
تخش علي المطبخ وهات يا .....؟
كأنها مكلتش من ميت سنه وشويه
وهيا تلاقيها قدامك في الجامعه
منتهي الركه والطيبه (بس على مين)
وتقولها متاكلي تقولك انا ساندويتش واحد يشبعني
بالزمه فى كدا ركه (ركيكه ع الاخر)
مش مهم تاكل ايه
وتقولك انا بطلع زهقى في الاكل
حتي تلاقي الواحده من دول في سنك
وقدك 9 مرات..
بصوا بقى يا بنانيت
مش عاوزه ضرب ولاشتيمه ولا رفع شباشب
علشان ورحمه ستى اللى ماتت مرفصه من كتر الجوع اللى هتبصلى بنص كلمه هعورها
ههههههههههه
والشكك ممنوع والزعل مرفوع ولا داعى للاحراج
من كشك عمكم كباكا
مع تحياتي قبل امنياتي
