http://up.masrawycafe.com/upload/upl...6914b977a5.jpg
اخبار مطمئنة للمدخنين !!!!
فية اشاعات مغرضة بيطلعوها علشان يخوفو الناس من التدخين اوعى تصدقهم وخليك جاهز بالرد.
التدخين يتلف الرئة:
واية يعنى مانت عندك رئة تانية وقد اثبتت الابحاث العلمية ان الإنسان ممكن يعيش برئة واحدة !!!
وهناك تطورات طبية سوف تسمح بنقل الرئة من متطوع بس ما يكونش من اهل بيتك لان صدرهم بيبوظ هما كمان والرئة اللى فى صدرهم ما تبقاش احسن كتير من رئتك اللى اتحرقت .
التدخين يسبب السرطان :
واية يعنى معظم انواع السرطان بيتعالج دلوقتى . وبعدين فى اكثر من 100حاجة تانية غير التدخين ممكن تجيب السرطان
النيكوتين يسبب الادمان:
لايوجد شئ اسمة ادمان النيكوتين كل الناس اللى عندها شخصية قوية وكانت فعلا عايزة تبطل شرب سجاير نجحت فى كدة ! انما ممكن تستعمل الجملة دى حجة تتلكك بيها قدام اللى بيقولولك بطل سجاير !!
وبعدين السجاير فيها حاجات تانية كتير غير النيكوتين القطران مثلا ما بيسببش الادمان !
التدخين يتلف الفم :
لايوجداى بحث طبى اثبت ان التدخين يسبب اصفرار الاسنان او يفسد رائحة الفم دى اشاعات غير علمية بتطلعها شركات معجون الاسنان .
التدخين بيقصر العمر:
دة نقص ايمان والعياذ بالله التدخين مش ممكن يموتك قبل ميعادك اللى ربنا اختارة لك انما بالكتير ممكن يخليك تستمتع فى اواخر ايامك بسرطان الرئة مثلا او يقطع صدرك بالكحة بتاعة الربو الشعبى او تصلب الشرايين او بأى حاجة من الامراض الحلوة دى !
التدخين حرام وممكن تأخد بية سيئات :
بالعكس بقى دة التدخين ممكن يشيل سيئات مادام بيجيب المرض والواحد بتعذب بيها فى الدنيا
التدخين بيضيع فلوسك :
الفقر حشمة
