- رحت انا والبت الدكان وهناك قالتلى بحبك و حبك عاملى جنان .
رحت ضحكت وقولتلها طب شوفى حتاخدى شيبسى ولا كان ولا اقولك مشيها لبان.
.........
يا ماما الحب دة كان زمان ايام ما كنتى بتحلمى بالفارس اللى بيجى على حصان دلوقتى احنا شباب تعبان ولا لاقى ياكل ولا لاقى حق الدخان؟
.....
وبعد الحب تقوليلى مقدرش استغنى عنك ولازم نتجوز يا مان!!!!!!!!!!!!!!
انتى ناسية مشكلة الاسكان ولا فرش المطبخ والصالة وستايرها الستان واوضة النوم اللى لازم يبقى خشبها زان.
دا كلوا كوم والشبكة كمان.......انتىعارفة الدهب بقى بكام.
وبعدين مش لما نلاقى شغلة فى اى مكانفى البطالة اللى بقت مالية البلدان؟
يا ماما دة زمانا عاوز شاب سوبر مان او الواحد يطلعلوا مارد فى الفنجان؟
صدقينى احنا شباب تعبان بيقضى يومة عشانينسى لحد ما ينام وميفكرش فى مستقبلة اللى ملوش ملامح ولا الوان.....
وفية اللى بينسى بالمخدرات والادمان ويقولك دى دنيا ملهاش امان صدقينى اللى بيعد يفكر فى حالة اخر المروستان.......
اقولك احنا نقضيها رنات او حتى بليل على الشات ونقعد على الفيس نكتب لبعض كومنتاتواوعدك اول ما ابويا يشحنلى حبقى ابعتلك مسجات وسيبك من الحب والاشتغلات...................
يلا بقى شوفى مين حيحاسب على الحجات او ادفعى انتى انا مش لسة عازمك الشهر اللى فات....................
