قال بيحب البطاطا...........و الله ما هاكلمه
و يقضى ساعات معاها .......... و النعمة لابهدله
و ياكلنى من غير قشر ......... و قشرها يهضمه
و يحب فيها بمزاج ..........زيها راح اسلقه
يدفع فيها الغالى ..........انا لازم احمره
و فى غير موسمها يجرى..........على التاجر يأبجه
يجيبله منها تانى ......... و انا حبى بيهمله
حبها ملا قلبه ..........و كل عقله وأندله
انا لازم اخد بتارى ..........بالسكينة هاقطعه
فى الزيت المغلى هأرمى ..........و لا يهمنى طشته
مش بطاطساية اللى تتخان ..........ده انا ناوية اشرحه
بكدة اشفى غليلى .......... و امشى راسى لفوق
بين الكوسة و الطماطم..........و البطاطا اللى فى السوق
و بعد العدة اتجوز.......... بطاطساية مستقيمة
اعيش معاه فرحانة...........و اتمتع بقة فى هدوء
و الكل ياخد عبرة.......... و يعملى الف قيمة
و ساعتها انا هابقى ملكة..........و احلى من البرقوق
و جوزى راح اربيه.......... على الجزمة القديمة
و عينه راح اخزأها.......... لو ممشيش بالذوق
انا رايحة اقمع حالى.......... خلاص هتحلى و تروق
