ازاى ــــــــــــــــــــــــ؟ اللى يعرف يقولى ازاى
نفسى اشترى دماغى بجد
بس ازاى
نفسى أنفض
وأكبر
ومازعلش
بس بردو أزاى
نفسى ماخدش فى بالى
وماركزش فى اللى بيحصل
وابقى عادى
بس إزاى
نفسى آخد الأمور ببساطة
وابقى بارد ومابحسش
أيوة مابحسش
الإحساس اللى جايبلى الشلل
فيها ايه يعنى لو ماحستش بمين بيحبنى ومين بيكرهنى
فيها ايه لو شوفت نظرة الكره وعدم المبالاة بأم عينى
وإحساسهم رشق فى قلبى
وعملت نفسى مش واخد بالى
فيها ايه لو اتأذيت فعلا وبكل المقاييس
وقلت عادى يمكن محدش يقصد
يمكن محدش واخد باله
بس ازاى والكل عارف
ازاى ودى مسؤلية
ازاى وانا لوحدى
نفسى اعرف ادخل جوايا واشيل كل الحزن
والزعل
والصدمة
وأرميهم فى البحر
او فى أقرب سلة زباله
نفسى لو أعرف أبرمج نفسى على عدم الإحساس
خصوصا الإحساس السلبى
نفسى ابطل اتفرج على اللى بحصل فى مصر واسكت
وبطل اكل فى نفسى بس ازاى
ما البلد تولع بجاز انا مالى
ازاى اوصل للاحساس ده
نفسى اشوف النفاق واسكت وابطل ارد انا مالى ما ينفاق انا مالى
نفسى اشوف النساء كلهم بخونو وبجراجو انا مالى ومال النساء
ايه يعنى فيه حب ولا مفيش انا مالى نفسى اريح دمغى
الا ازاى اخلص شغولى اقعد اكل فى نفسى
كنت سمعت عادل باشا امام كان بقول وصفاه يمكن دى الصح
ولا احمد ادم اللى بيتسل على الناس ولا الناس اللى بتضحك على الناس
بجد مش عارف حاجه لو حد عارف ازاى يقولى
سلام :)
