وما زالت حمله كوك زيرو مستمره
مساؤه عنب
كوك زيرو المره دي مش سياسيه
يعني ايه كوك زيرو؟
-يعني يبقي بكره الاحتفال بالمولد النبوي الشريف وتفتح التلفزيون ما تلاقيش اي حاجه بتتكلم عنه
-يعني تدور علي جميع القنوات المصريه والعربيه علي اي عمل فني بيمثل السيره النبويه ما تلاقيش
- يعني لما تفتح نفس القنوات دي تلاقيها كلها جايبه افلام احمد ذكي "اصل ذكري وفاته مع ذكري المولد النبوي"
-يعني لما تفتح علي فيلم الشيماء تلاقيها كل جمله بعدها اغنيه علي اساس ان الشيماء كانت مع فرقه رضا
-يعني يبقي فيلم ديني وبيحكي عن الاسلام وتلاقيه كله بنات سلبوته "اصلهم كانوا في الجاهليه بقي"
- يعني تفتح علي برنامج تلاقي اتنين شيوخ قاعدين هيضربوا بعض عشان واحد بيقول الاحتفال بالمولد بدعه والتاني بيقول مش بدعه "انا خايف بعد كده يقولوا الحواوشي بدعه"
-يعني الاولي الفضائيه تجيب حفله للاحتفال بالمولد وكل اللي فيها لابسيين فساتين كت ومعريين شعرهم وبيغنوا للرسول
-يعني ربنا يسترها علينا من اللي جاي"دا احنا هنشوف ايام سود"
وهيا دي العيشه مع كوك زيرو
نفس طعم الكوكا من غير ذره سكر
