مصر ليك تبقي ايه؟

بصراحة ياجماعة
ياريت كل واحد يقول شايف مصر ازاى؟؟
عيوبها
ومميزاتها
وناسها
واللى عند جراءة
يتكلم عن
حكومتها
واحزابها
وجماعتها الدينية
...وكل حاجة

بس اهم حاجة
بلاش غلط
ولا تجريح
وبرده قول اللي في نفسك

SERAG MAGDY

فعلا لازم كل واحد يقول هو شايف مصر ازاي بس الكلام لوحد مش كفاية او بمعني اخر لو قلنا راينا فيها هايغير حاجة وله ايه
وعلي العموم مصر في رايي بلد حلوه من حيث المنظر ناسها حلوه طبعا حكومتها صوت واحد بس وهو الحزب الوطني علي الرغم من وجود احزاب اخري بس ده حزب الريس طبعا الجماعات الاسلامية لازم ينظروا للمجتمع نظرة عامة ......
وفي نهاية المطاف مصر دي بلدي لازم احبها واعتبرها احسن بلد في العالم.
شكرا
التوقيع
مش memo لكن محمود المصري

بص

انا واحده بتحب مصر جدا جدا

فى ناس كتيره اوى بدات تحس انها مش فى مصر بالرغم من انها فيها و دا سبب حاجات كتيره اوى و المشاكل اللى مش بتخلص

احنا مابقاش عندنا حاجه مافيهاش مشاكل ..

مصر مواقعها مش هتكلم عليه عشان اكيد كلنا عارفين قيمه موقع مصر .

دا غير نهر النيل .. و البحر المتوسط و البحر الاحمر ..

:-$

بس يا ترى احنا مقدرين كل دا .. و عارفين قيمه كل دا .. ؟ ؟

انا مش هقول عيوب مصر هقول عيوب اللى السلطه فى مصر ..

و هى
1 / الخوف على المنصب و السلطه دون مرعاه الرعيه و متطلباتهم

2 / جمع المال باى طريقه ان كانت دون النظر لاى اى اى شى

بالنسبه لاحزبها

فميش احزاب ياعم .. هو الحزب الوطنى .. مش لانه اكبر حزب بس .. لا لانه بصراحه بيحارب اى حزب يحس بس انه مممكن يكون حاجه فى يوم من الايام

يعنى مين يصدق ان اللى كان اخاد المركز التانى انه يبقى رئيس .. (( د / أ / ايمن نور )) انه يتسجن فى قضيه بلاش ندخل فى تفاصلها و دا عشان الحزب بدا يعمل شعبيه و ان الناس تبقى عايزا .. و هكذا فى حزب الوفد و المشاكل اللى حصلت فيه ..

اما عن الاخوان .. فبيتحاربوا فى كل مكان من الجامعات حتى مجلس الشعب ..

حكومتها ..

لا تصلح حكومه :-$ .. انا عايزة اشوف وزاره واحده قامت بدورها ..
و نفسى اشوف وزير يجى يبنى على اللى عمله الوزير اللى قبليه ..
لازم يهد و يعمل من الاول طب ليـــــــــه ؟؟ ما تكمل اللى اتعمل ..



ناسها .. احلى حاجه فيها .. عشان لسه فى ناس طيبين .. بالرغم من انتشار المصلحه و معرفه الناس للمصالح ..
جدعان بس مش زى زمان للاسف


اسفه للاطاله ..

مجرد رأى

ورقــــ ,, ــــه