تصدق فعلا مصر هى السبب................
مصر بقت الشماعه اللى بنعلق عليها مشاكلنا وهمومنا واخطائنا بس عندنا حق برضه
اصل مصر هى اللى اتحايلت على الموظف عشان ياخد رشوة ويبقى مفيش مصلحه تتعمل فى البلد من غير رشوة
واصل مصر هى اللى قالت للطالب بجد لومش غشيت هزعل منك وخلت الغش حق مكتسب والمدرس بنفسه هو اللى بيدخل الورق اللجنه
واصل مصر هى اللى قالت للناس خليكم سلبيين وسيبوا اللى يتظلم يتظلم واللى يظلم يظلم وكل واحد يقول يلا نفسىhttp://www.zag-eng.com/vb/images/smilies/104.gif
واصل مصر هى اللى قالت للشباب يابنى ارتبط دا انت كده بتعمل خير مش احسن ما تخطب البنت وتسيبها وساعتها تتكتب عليها خطوبة ياعينى دا انت كده ملاك http://www.zag-eng.com/vb/images/smi...b02e97778a.gif
واصل مصر هى اللى قالت للاهل يطلعوا عين العريسhttp://www.zag-eng.com/vb/images/smilies/007.gif اللى لسه فى بداية حياته وبيقول يا هادى وده كله بمطالب لمجرد التفاخر والمنظرة ومش مهم اخلاق العريس المهم جيبه هو فى حد بياكل اخلاق اليومين دول http://www.zag-eng.com/vb/images/smilies/12.gif
واصل مصر هى اللى قالت للبنت البسى اللى انتى عاوزاه دى موضه fashion يا بنتى بلاش جهل بقى خليكى استايل المهم انك لابسه الايشارب هو صحيح نص شعرك باين بس مش مهم دى موضه http://www.zag-eng.com/vb/images/sty...milies/eek.gif
ومصر هى اللى قالت للناس خلوا دماغكم كلها كورة وانسوا كل حاجه تانيه وقالت للشباب اهم حاجه عندكم فى الحياة فريقكم وانكم تشجعوه فى الاستاد كل الماتشات مش واحد ولا اتنين .واحد ولا اتنين ايه بس انا كده هأبدأ اشك فى حبك للفريق وطبعا لازم تسافر وراه كل حته ايه يعنى فلوس ضايعه ايه يعنى ناس تانيه مش لاقيه تاكل ولا تتعالج امال اللاعيبه تاخد ملايين ازاى هو صحيح العلماء مش لاقيين ياكلوا بس علماء مين بس احنا فاضيين للناس دى بانفجاراتهم بتجاربهم العجيبة دى
ومصر هى اللى قالت للاب والام سيبوا بنتكم تلبس على الموضه ومش بس كده ساعدوها على كده كمان
زى اسلامى ايه بس احنا فاضيين لكده برضه لازم البنت تلبس على الموضه حتى لو مش مناسبه للدين والا هتعنس وتقعد على قلبكم
ومصر برضه هى اللى قالت للشباب خليكوا كول وكبروا الجى وروقوا الدى وسقطوا البنطلون والبسوا السلسله والانسيال والحظاظه طبعا ده استايل يا جماعه افهموا بقىhttp://www.zag-eng.com/vb/images/smi...93b0fbc5c3.gif
ومصر اللى قالت للفنانين والمخرجين اعملوا افلام زى ما انتوا عاوزين دى مناقشه مشاكل يا راجل دين ايه وقيم ايه دا انت قديم اوى
ومصر اللى قالت للاخوان وانصار السنه اكرهوا بعض زى الاعداء برافو عليكم كده تمام كده انتوا بتطبقوا الدين صحhttp://www.zag-eng.com/vb/images/smilies/007.gif
ومصر هى اللى قالت للشباب اقعدوا على القهوة ومش تتعبوا نفسكوا فى التدوير على شغل اصل الشغل دلوقتى بيتسلم ديليفرى بس شغل ايه وكلام فاضى ايه دلوقتى المهم ماتش برشلونه امتى؟http://www.zag-eng.com/vb/images/smilies/22.gif
ومصر هى اللى ادت اعضاء مجلس الشعب منوم عشان يناموا فى الجلسات وهى اللى دربتهم على رفع ايدهم موافقه وهو نايمين وهى اللى قالت لهم انسوا الناس اللى انتخبوكم ومش توروهم وشكم الا على الانتخابات الجاية http://www.zag-eng.com/vb/images/smi...095aaa14de.gif
ومصر برضه هى اللى قالت للوزير يبقى عضو مجلس شعب يعنى المتهم هو القاضى والجلاد وايه يعنى دا انتوا بتقفوا على حاجات غريبة
ومصر اللى قالت للبنات خليكوا هايفين وتافهين واهم حاجه فى حياتكم اللبس والافلام والماسكات كتب ايه بس حد ناقص وجع دماغ مش كفاية كتب الدراسة http://www.zag-eng.com/vb/images/smi...b02e97778a.gif
ومصر هى اللى قالت للمدرسين خلوا التلاميذ تصم المنهج اوعى يفهموا لاقدر الله احسن ده مضر بالصحه
ومصر هى اللى قالت للمهندس غش فى مواد البناء امال هتعيش ازاى حاجه غريبة اوى
ومصر اللى قالت للدكاترة خليكوا تجار واعملوا العملية للى يدفع اكتر وقالت لبعضهم اشترا الكلية من الراجل الغلبان الجاهل اللى مش لاقى ياكل ياراجل اشترى ده حتى الكلية هتسنفيد وتستريح مع الراجل الغنى والاكل الغالى
ومصر اللى قالت لشركات ادوية التموين تشيل المواد الفعاله من الادوية ايه يعنى الدواء مش يأثر ايه يعنى المريض يموت ده كده احسن خلينا نقلل الكثافه السكانية وبعدين اللى بياخد ادوية التموين دول ناس مش مهمه اصلا لكن المهمين هم الوزراء والمسئولين والفنانين هم اللى يستاهلوا يعيشوا و يتعالجوا على حساب الدولة كمان
ومصر هى اللى اجبرت الناس تنسى الدين وتتبنى مبدأ الغاية تبرر الوسيلة ومصر هى اللى نشرت الكوسة
مصر دى طلعت وحشه اوى مش فاهمه مالها كوالا لامبور
تصدق فعلا مصر هى السبب فى كل المصايب اللى فى الدنيا هى صحيح اعطتنا عقول مش حصلت وعزيمه واراده بتبان وقت الازمات وموارد دول كتير اوى تحسدنا عليها وجو رائع ومعتدل وخفه دم وطيبه مش عند ناس كتير
بس ايه يعنى الحاجات دى انتوا بتهتموا بحاجات غريبة واللهhttp://www.zag-eng.com/vb/images/smi...32750e56d9.gif
ما ينفعش كده يا جماعه لازم نفوق شوية من اللى احنا فيه ونرجع لدينا وقيمنا واخلاقنا وساعتها والله كل مشاكلنا هتتحل
اه صحيح نسيت اقول ان مصر هى اللى اجبرت الناس تدخل الموضوع وتخرج منه ومش تردhttp://www.zag-eng.com/vb/images/smi...af5c5d2681.gif
