ازاي تكون شاب غلس؟؟؟؟؟؟!!!!!!!!!
انا انهرده جايبالكو موضوع حلو قوي
بس يارب مايكون متكرر
ويارب يعجبكو
والجواب باين من عنوانه
خطوات عشان تكون شاب غلس او بنت غلسة
1-قول نكته طويلة ولما تيجي عند اخر سطر اللي فيه الافيه اعمل انك نسيته
ولو حد غلس عليك قوله والله كانت نكتة جامده بس الظاهر نسيتها
2-هات بخاخة مطهر ديتول وامشي ورا شخص معين وكل ما يمسك حاجة ويسيبها
تروح راششها مطهر على طول
3-طول مانت قاعد قلد صوت الفاكس او رنة التليفون
4-لو في الميكروباص وواحد جنبك بيسقط وعينه غفلت قلد بصوت عالي صوت كلاكس عربيه(تيييييييييييت)
5-وانت بتتكلم في موضوع اقطع كلامك وادي انطباع انك هتكمل ومتكملش وقول(بس خلاص كده)
6-لما حد يشكيلك من حاجة قوله انا عندي مشاكل اكتر منك
7-في مطعم....بص للشخص قاعد على ترابيزة جنبك وانت ماسك لقمة في ايدك
وقوله (ممكن الطحينه بتاعتك ثواني)
8-وانت قاعد مع ناس بتتفرجوا على التليفزيون اول ما الارسال يقطع لاي سبب
ويعمل (وشششششش) علي صوت التليفزيون
9-كل ما حد يقولك حاجة عيدها بصيغة سؤال مثلا حد بيقولك(انا هتجوز)
قوله (هتتجوز؟) هيقولك (الشهر الجاي) قوله(الشهر الجاي؟) وهكذا
10-وانت واقف بتتكلم مع حد برق عينيك واسأله فجأه(سمعت؟) هيسألك(سمعت ايه؟)
قوله (ولا حاجة راحت خلاص) وبعد شوية كرر نفس الحركة تاني
11- وانت بتتكلم مع حد يا اما تفضل مركز في وشه او ماتبصلوش خالص
12-طول منانت قاعد مع زمايلك صفر موسيقى نشيد بلادي
13-وانت بتصور ور وفي حد مستنيك اول ماتخلص اضبط المكنة
على 90 نسخة وقوله بابتسامة واسعه(اتفضل)
14-كل ماحد يقولك حاجة قوله(هاهاها... كل الناس فاكرة زيك كده بالظبط)
15-وانت قاعد مع ناس وقدامك كمبيوتر تخيل ان الماوس عدة تليفون
واتكلم فيها كل شويه بصوت عالي..(الو....الو...مفيش حد)
16-علق فانوس كبير في الشارع وحبل مثلثات ورق بشرط ميكونش في رمضان
17-اتكلم مع الناس بصوت الانسان الالي
18-استلف قلم من حد وحط القلم في بقك واعمل نفسك بتفكر وانت عمال تعضعض في القلم
19-وانت في مكان عام ماتمشيش عادي لأ افضل نط لحد ماتوصل للمكن اللي انت رايحه
20-وانت في المترو امضغ لبانة بصوت عالي وانت قاعد جنب حد بيقرا جرنال وانت بتقرا معاه طبعا
21-اعزم ناس في افراح ناس تانية
22-هات علبة مناديل ورق وانت داخل السنيما وطول مانت قاعد افضل نف
23-اول ماتشوف كيس كاتشاب واقع ع الارض دوس عليه برجلك بقوة وقول للي معاك
(انا كنت بشوفه فاضي ولا مليان)
24-في حفلة عيد ميلادك اطلب من الdj يشغلك اغنية معينة 18 مرة ورا بعض وقول
(انا بحب الاغنية دي يا جماعة)
25-لو في حد بيكلمك في موضوعمهم حط صوابعك في ودانك وهز راسك قال يعني سامعه
26-لو واقف جنب حد بيعد فلوس وفي وسط ماهو بيعد قول بصوت عالي
اي رقم عشوائي (486)
27-العب في الوان التليفزيون لحدما الصورة تبقى بنفسجي واعزم اصحابك يتفرجوا ع الماتش
عندك ولو حد اعترض وله(انا شايف ان ده لون الحياة الحيقي)
28-وانت ماشي في حته اي حاجة تقابلك طبل عليها
29-البس جراب زي اللي بيتحط فيه المسدس بس حط فيه الريموت
30-لو بتتفرج على فيلم مع حد غير محطة التليفزيون قبل ما الفيلم يخلص ب5 دايق
31-اضحك لواحدة متعرفهاش في الشارع وقولها بصوت عالي(صباح الخير... عاملة ايه؟؟؟)
[COLOR="rgb(153, 50, 204)"]واخيرا لو اي حد غلس عليك خليك اغلس منه وقوله
(ثبت علميا ان الانسان بيبيض مش بيولد)
يارب يعجبكوا[/COLOR]
