مرة واحد كان بيعلق على ماتش نسائي قال
لفاول ده بقى هتلعبه سارة .. و سارة بالمناسبة شايلة مادتين فى ثانوية عامة ان شاء الله ربنا ينجحها و تدخل الكلية
/محمود بكر
قبل كده في ماتش للزمالك و اسمنت السويس قال النجم بتاعنا"انا مش عارف ليه الاسمنت.....(كلمة عيب) كده...يقعد يرجع يرجع...ماتنفعاش الكسكسه ده خالص في عالم كره القدم</
http://www.minia2day.com/vb/images/smilies/lough.gif
مباراة لمصر وليبيا
كان الكابتن مدحت شلبى المعلق
كورة جت فى القائم للمنتخب المصرى
وقال : هوبا وتضرب فى القائم اليميين تضرب فى القائم اليميين ملكش حق ياقائم ملكش حق ياقائم
كورة تانية لميدو جت فى العرضة قال : ياااه فى العارضة ملكش حق ياعرضه ملكش حق ياعرضه
وبنهاية المباراة قال مع جهازنا الفنى ومنتخبنا الوطنى اللى بيثبت يوم بعد يوم ان مفيش احلى من السمنة البلدى
http://www.minia2day.com/vb/images/smilies/lough.gif
في تعليق مجدي عبدالغني على ماتش البرازيل و تركيا في كأس العالم 2002 ..
كنت حاسس أن مجدي عبدالغني قلب الماتش فيلم كوميييدي .. و الله الماتش مكانش جامد .. بس أنا ضعت من مجدي عبدالغني و تعليقه اللي تحس أنه بيتكلم من ع القهوة اللي قدام التليفزيون من ناحية رمسيس هيلتون .. مش ممكن يكون قاعد في ستوديو و كده يعني ..!
هقولكم موقفين فاكرهم من الماتش ده .. "و ادي كافو بيعدي بواحدة حلوة .. واحدة من بتوع احمد عبدالباقي " .. خخخخخخخخخخخخ .. يعني كافو بتاع البرازييييل بيقلد أحمد عبدالباقي!
التانية بقى .. اتحسب بنالتي للبرازيل .. و اللاعب بتاع البرازيل شاطها في نفس الزاوية اللي حطها مجدي عبدالغني في ايطاليا 90 .. و النجم معدهاش طبعا .. و قال "بتفكركم بايه ركلة الجزاء دي؟ .. هاه؟ .. ايوة ضربة جزاء مصر في كأس العالم 90 .. عارفين مين اللي جابها جون؟ .. هااااه؟ .. مييييين؟ .. أنا! .."
http://www.minia2day.com/vb/images/smilies/lough.gif
عبد السلام الحمامصى
فى ماتش
انبى واتصالات بنى سويف من كام سنه
لاعيب من انبى شاط كوره اى كلام
كان تعليقه عليها
وشوطه حلووووووووووووة بس وحشه
وايضا كان ماسك لازمه طول المباره على اى اوفر يترفع من الجنب
يقول
وواحده عرضيه بالطول
لحد النهارده انا مش عارف يعنى ايه عرضيه بالطول
http://www.minia2day.com/vb/images/smilies/lough.gif
مرة الحمامصي في ماتش في الدوري السنة اللي فاتت واحد بيشوط كورة راح قايل وادي تسديدة حائطية (لحد دلوقتي مش فاهم كان يقصد ايه)
ده غير المعلومة الرائعة بتاعة ان فيه فرق بين التبديل والتغيير
في معلق على مودرن سبورت عليه عادة غريبة
حلوة حلوة حلوة
جميلة جميلة جميلة
يللا يللا يللا
مفيش كلمة غير لما يعيدها 3 مرات
مباراة العام الماضي بين الاسماعيلي وبلدية المحلة - في المحلة كان مذيع القناة الرابعة طول الشوط الأول يقول حسني (عابد ربه) وانتهى الشوط الاول 0/0 وبين الشوطين غيروا المذيع بواحد معروف وفاز الاسماعيلي 2/0
افتكر كان فى ماتش بس مش فاكر بين مين ومين من سنتين كده
بس كان احمد فوزى الجون بيوقف الحيطة فبدل ما يوقف الحيطة وهو على القائم لاء راحلهم يوقفهم
قام الواد اللى هيشوط الفاول حطتهالو والجون فاضى والجون ده كان فى اخر دقيقة
قعد يتفرج عليها احمد فوزى وهى جوه الشبكة والحكم حسب الجون لانه كان صفر
اللى كان بيعلق على الماتش كان محمود بكر على النيل للرياضة
فى عاده فى قناه النيل تستنى شويا بعد ما المذيع ينهى الماتش
محمود بكر افتكر ان الارسال خلاص انقطع قام شاتم احمد فوزى
وبيقول للمساعد اللى جانبه الجون ده تيت***** حد يروح للحيطه يوقفها . يستاهل
مرة برضو مجدي عبدالغني قال
كده مصر خدت كاس أفريقيا 5 مرات ,, و طبعاً احنا عارفين إن الكاميرون خدته 4 مرات ,, و غانا 4 هي كمان ,, و ما شاء الله كلهم أفارقة.
الكابتن محمد لطيف
اتذكر كانت مباراه للمقاولون العرب في بطوله افريقيا وقال جول جول جول جوووووووووووووووووول
والتفت لمن يجلس بجانبه وسأله ..هو مين اللي جاب الجول
وفي بطوله افريقيا التي اقيمت في ساحل العاج 1984 عندما شكر مسؤلي الامن ومحافظ ابيدجان علي التنظيم
اتذكر لميمي الشربيني انه كان يذيع مباراه للاهلي وقال
ماشي بيها مجدي عبدالغني 26 سنه ليسانس اداب وعازب
لكن كله كوم وعلاء الحامولي الله يرحمه كوم تاني
الزمالك يلاعب الاسماعيلي والاسماعيلي متقدم بهدفين لهدف ثم يتعادل الزمالك ونسمع صراخ الحامولي ثم يسنتر الاسماعيلي وينطلق خالد القماش ويحرز هدفا ثالثا للاسماعيلي فيقول الحامولي كلمته الشهيره والتي قالها اكثر من 3 مرات في تاريخه
ا....جون
علاء الحامولي بيذيع مباراة للمنتخب وعادل المأمور حارس المرمى ووصلته كرة سهلة جداوطبعا رتم المذيع هادي ..والكرة مع المأمور ...أ ** يا مأمور .... جون يا مأمور
إبراهيم الجويني في كأس العالم وكان باقي 25 دقيقة كان بيقول بطريقته باقي 25 سنة...واحد جنبه لفت نظره يقوم يقولآه آسف ..فات 20 دقيقة وباقي 25 سنة ...
علي زيوار (بتاع مامي) بيذيع مباراة للمنتخب الأليمبي بتاع خالد القماش وطاهر أبو زيدالقماش جاب بنلتي وحب هو يشوطه ..لكن المذيع عاوز طاهر أبو زيد هوه اللي يشوطالقماش سجل هدف لكن الكرة لمسة يد الحارسعلى زيوار ساب الماتش والدنيا كلها وفضل يهاتي ويزعق بصوته الوحشاللاعب ده ما بيسمعش كلام المدرب ده لازم يتعاقب ..المفروض يغيره ....المفروض يودوه القسم ..
كروان الإذاعة محمد لطيف بيذيع ماتش للمنتخب وفيه فاول قرب المنطقة تقدم ليها طاهر أبو زيدطاهر أبو زيد ...وشاط طاهر ...تيجي في ط *** ..تيجي في ظهره وخلاص
وكان مرة فى كاس العالم بيذيع مباراة للبرازيل وكان هناك لاعب اسمة فالكاو وكان مصر يقول اسمة فالساو وقال ان انا الوحيد اللى فى المذيعيين اللى بقول اسمة صح حتى مذيع البرازيل بيقوله غلط
موضوع فلكاو وفالساو ده كان مضحك جدا
وحصل في بطوله كأس العالم في اسبانيا 1982 وكانت في رمضان تقريبا
وساب الماتش خالص وقعد يحكي هو فطر ديك رومي شكله ايه وفرق التوقيت ودخل في حاجات تانيه كتيره
ماتش للأهلي في التسعينيات تعليق النجم مصطفى الكيلاني .. ساعتها ياسر ريان شرخ في الشمال و رفعها لحسام حسن و حط حسام الهدف الأول للنادي الأهلي .. المهم بعدها بدقيقتين المخرج بيعيد الهدف بس بسرعته الطبيعية .. مصطفى الكيلااااني رااااااح مع الاعااااادة .. و فضل يقول و ماشي ياسر و ماشي ياسر .. بيعدي زي الجون الاولاني بالضبط و بيرفعها حلوووووة .. الهدف التاني للنادي الأهلي .. زي الهدف الأولاااااني بالضبط .. لحد ما اكتشف أنه اعادة .. سكت خمس دقايق و عمل من بنها .. و كمل تعليق عادي ....!
اييييييييييه .. شواااالي ميييين و كااااديكي ايييييييه بس؟ .. رجعووونا لأيام الأبطال الكيلاني و الحمامصي و نجوم التعليق المصري و العربي الكباااااااااار!
كان فيه ماتش للاهلي في بطولة عربية كانت في السعودية في التسعينات
وكان ساعتها اللي بيذيع الماتش ,,, المعلق الفذ سمير ابو السعود
وكان مهاجم الاهلي ساعتها هوه احمد كشري
المهم البيه ده من اول دقيقة في الماتش وهوه بيقول عليه بالحرف
احمد عبد المنعم او احمد كشري
كل كورة كل باصة كل شوية يقول كده, لحد مجت هجمة شبة انفراد
راح النابغة قال كل اللي هايقولة ده في ظرف 15 ثانية مثلا زمن الهجمة:
هوبا الكورة مع احمد عبد المنعم او احمد كشري
وماشي احمد عبد المنعم او احمد كشري
وبيعدي احمد عبد المنعم او احمد كشري
هايشوط احمد عبد المنعم او احمد كشري
جوووووووة الجوووون احمد عبد المنعم او احمد كشري
جون جميل جميل بيجيبه احمد عبد المنعم او احمد كشري
واحد صفر للنادي الاهلي واللي احرزة احمد عبد المنعم او احمد كشري
من الأشياء المضحكة لما ابراهيم حسن سجل هدف و أراد أن ينسبه لأخيه حسام ليفوز بلقب هداف الدوري ، اللعيبة راحت لابراهيم لتهنئته فأشار لهم على أخيه حسام فذهب اللاعبون لحسام لتهنئته ولكنها كانت تهنئة باردة بلا حرارة
المهم بعد المباراة الاعلام أراد أن يلبـّسها لنا فذهب المذيع لحسام بالميكروفون و سأله :- انت سجلت الهدف ازاي يا كابتن حسام ؟ فرد العميد : الكورة كانت كورنر واترفعت وأنا دخلت بدماغي فيها وسجلتها في المرمى
لكن الكدبة مكشوفة من الأول ولم تنطلي على أحد ، وتم تسجيل الهدف باسم صاحبه ابراهيم وضاع لقب الهداف من حسام
http://img.aljasr.com/icon.aspx?i=icon_smile_eyebrows
عبدالسلام الحمامصي فتى التعليق الأول .. كان بيعلق على ماتش لجنوب أفريقيا سنة 96 .. و جت الكرة لجو موشوي .. و طبعا الاسم كان بالانجليزي .. و الأخ الحمامصي خريج لغات اصلا .. و لما جه ينطق الاسم تخيلوا نطقه ازاي؟ .. قال .. و الكورة دلوقتي مع جون مشوي ..
http://img.aljasr.com/icon.aspx?i=icon_smile_wink
عبد السلام الحمامصي: كان بيعلق علي ماتش للزمالك و الزمالك كان مغلوب و فجأة واحد من الجمهور اللي وراه قال " وشك نحس يا عبد السلام يا حمامصي يا ابن ال ...... " فضل ساعتها يقول الله الله الله و انا مالي انا ياريت الجمهور يكون ملتزم . بس كان شكله وحش قوي
كابتن حمادة :إمام في برنامج السهرة الرياضية كان بيعلق على هدف في الدوري الياباني ,, الفريق اللي أحرز الهدف كان التي شيرت بتاعه عليه إعلان لشركة هوندا للسيارات مكتوب على ضهر التي شيرت ,, الكابتن حمادة حصل عنده لبس و قال الآتي :
هوندا ماشي بالكورة ,, لعبها ناحية اليمين ,, راحت لهوندا ,, لعبها عرضية نموذجية ,, دخل و حطها جوووووووووون ,, مين اللي حطها ده ؟ ,, مش ممكن !! ,, هوندا برضه ,, أصل هوندا ده اسم منتشر قوي في اليابان زي أحمد و محمد عندنا كده.
"شيكل المباراه .. "
"المباراه باين عليها معقربه .. بلغه الكوره"
"الواد اللى بيضوحر مع الكوره"
لأ وياسلام لو ربنا كرمك وسمعته وهو بيذيع ماتش دولى أو فيه لعيبه عالميين .. ياااااااااااه .. صباح الSpelling .. مافيش أسم واحد يوحّد ربنا صح رغم أنهم لاعيبه مشهوره و أى عيل صغير عارف أساميهم ..
لأ وساعات كمان – زياده فى التكديير – ممكن يقول الأسم الأول لللاعب ، بدل الأسم اللى مشهور بيه يعنى مثلاَ : "ايتو Etto' يبقى << صمويل"
و بيرقّص صمويل .. وبيشوط صمويل .. وياسلام عليك يا صمويل ..
لأ ولو لعبه عجبته .. بيفتكرلك ناس .. أبوك شخصياَ مايوعاش عليهم ..
يبقى زيدان مثلاَ بيرقص .. يقولك " وخدوا واحده كده من بتوع سمير قطب " .. مين سمير قطب ده يا عم ؟!!
أو روبيرتو كارلوس بيشوط .. يقولك " والله بيفكرنا بأبو حباجه وتوتو والناس بتاعت زمان دى " ..
واحد تانى من اللى كانوا بيعلّقوا كويس زمان .. بس السن بقى ..
* حماده إمام ..
دلوقتى .. أى كوره .. انشالله يكونوا لسه بيسنتروا .. تبقى " خطراااااااااااااه " و " حلوااااااااااااااااه " و" مين يقابل " و " ياااااااااااااااااااااااا ااااااااه " و " الله الله الله على الحاجات اللى بتعجب الجماهير " .. طول الماتش .. لغايه ما يجيلك هيستريا .. والماتش لسه (صفر- صفر) ..
ولو بيعلّق على ماتش فى بورسعيد وقاعد وسط الجمهور .. ياااه .. تلاقى واحد من الجمهور يقوله " والله يا كابتن حماده انت وشك حلو علينا .. بس الحكم أبن ال(...) اللى ما هيورد على جنه ده هو اللى مبوّظ الماتش " و واحد تانى يسأله فى وسط الماتش "يرضيك كده يا كابتن حماده .. اللعيب المكسّح ابن ال(...) اللى مش عارف يشوط الكوره ده" .. يقوم الكابتن حماده يشكر الراجل اللى كان بيشتم من شويه .. ويشكر الحكم ابن ال(...) اللى كان بيتشتم ويطلب من المسئولين – زى كل مرّه - .. يعملوا كابينه للمعلّقين .. عشان ماينفعش اللى بيحصل ده ..
http://img.aljasr.com/icon.aspx?i=icon_smile_crying
كارثه مجدى عبد الغنى ده فى التعليق .. فعلاَ تحس انه شارب قبل الماتش .. كل ماتش لازم يقولك إنه بيعرف برتغالى عشان كان محترف هناك .. وان مش عارف أيه .. يعنى "ازيّك" بالبرتغالى .. وايه .. يعنى "إتمسوا بالخير" .. و .. (خلاص ياعم احنا فى حصه لغه ؟) ..
وأى ضربه جزاء تيجى .. بتفكّره بضربه الجزاء اللى جابها فى كاس العالم .. ويا ترى اللاعب هيحطها زيه .. ولا هيطلعها بره ..
http://img.aljasr.com/icon.aspx?i=icon_smile_big
مره كان فيه ماتش البرازيل وتركيا فى كاس العالم 2002 و رونالدو جاب جون .. قالك "ياسلالالالام .. حطها كأنه طاير فى حمام سباحه" !!
* اللواء مدحت شلبى ..
"وينهار ابيض .. ينهار ابيد .. ينهار ابيد"
"يا سلام عليك .. يا سلام عليك يا واد يا مجرم .. "
"وهالله هالله هالله .. هالله هالله هالله هالله هالله هالله .. "
" ويلعب كوره .. مش منضبطه"
"حطها والنبى .. والنبى .. والنبى .. والنبى حطها ياراجل .. حرام عليك .. حرام عليك .. " ..
وكل ماتش لازم يتكلم عن الناس اللى احسنوا استقبالنا .. وكرم الضيافه .. والأخوه العرب .. (يا عم .. المااااااااتش .. !!)
*اللواء عصام صيام :
حاجه تجيب مغص .. صوته وحش .. وبينام نص الماتش ومفيش معلومات عن اى حاجه .. تحس انه مضايق منك وهو بيعلّق .. حاجه اخر الملل ..
* محمد حسام الدين .. "رئيس لجنه الحكام السابق" أحسن واحد .. مبيحبش يتدخّل فى قرارات الحكام .. والحكم صاحب القرار الأول والأخير .. والحكم هو الميقاتى الوحيد فى المباراه .. والحكم ..
* سيد الثعلبى .. بتاع " ياسلام عليك .. تسلم رجليك " ومرّه لما حسام حسن جاب جون قاله: " تسلم صلعتك يا كابتن " ..
دي باقة كرة سله
أيام مدحت ورده و الجيل الذهبى لكرة السله
كنا دايما بننافس على البطوله و كتير كسبنا
فى مره المذيع كان متحمس جدا جدا
و الماتش صعب و الإسكور قريب
و فى أخر تلاتين ثانيه إحنا متقدمين بفارق نقطتين
و هو سخنان و بيحمس اللاعيبه بصريخ هستيرى:
- خدوا بالكم خلوهم بره المنطقه الخطره
- قفلوا المنطقه الخطره ماحدش منهم يخشها
- ياااااه حاسب يا ساتر لألألألأ أنا بأقول مافيش أى خ** منهم يخش المنطقه الخطره
