السلام عليكم ورحمه الله وبركاته
تيجوا نتكلم مع بعض شوية بصراحه
طبعا كلنا مهتمين بالموضة والجمال بس فى ناس بتحافظ على جمالها بالحجاب والتدين
طبعا لما قلت الحجاب مكنتش بتكلم على الاسبانش ولا على البدى والجينز ولا الكاش ميوه ولا لالا000000000000الخ من المناظر اللى ملهاش اى علاقة بكلمة حجاب
معظم البنات شايفين انهم لما يعملوا الميكب الاوفر واللبس الضيق والعدسات والبيرفيوم انهم كده هيجيبوا العريس على ملى وشهم
انا بقولهم فكرى شوية كده العريس ده بيدور على زوجة تكون ام لاولاده يبنى مستقبله معاه ويثق فيها انها تحسن تربية اولاده وتخليهم من احسن الناس يعنى يوم ما يفكر يتزوج اكيد هيختار بنت تتقى الله فى نفسها حتى تتقى الله فيه
يعنى مش اللى انتى بتعمليه ده هو الى هخليكى تتجوزى
هتقولى كل البنات بيلبسوا كده وانا عايزة اعيش حياتى واشمعنى انا والكلام ده كله
طيب ما تبداى بنفسك غيرى من نفسك بلاش اللبس الضيق بلاش الميكب الاوفر
هتقوليلى انا عاوزة اعيش حياتى يعنى انتى مش هتعيشى حياتك غير لما تغضبى ربك وتخسرى دينك وكمان نظرة الناس ليكى
بتقولى هتغير لما اخلص جامعه او لما اجوز
هقولك انتى ضامنة نفسك كمان ثانية؟
هتقولى كل اللبس اللى موجود دلوقتى اما بادى او فيست او ..... او......... الخ من اللبس اللى كله غير محترم سورى بس بجد ده مش لبس دى قمصان نوم ومايوهات!
العبايات دلوقتى بقت شيك جدا ومحلات المحجبات فيها لبس جميل ومحترم
مش معنى كده ان البنات اللى بيلبسوا عبايات بس هما اللى محترمين والباقى لا
للى بتتقى الله وبتطيع اوامره هى دى البنت اللى فعلا محترمه لنفسها ولاهلها
ليه تاخدى ذنوب بلبسك ده ومضايقات من الشباب اللى زادت اوى عن حدها زى منتوا شايفين
ياريت بجد كل بنت تبدا بنفسها وتغير من لبسها وترضى ربنا وتحافظ على نفسها من العيون
