مشرفة مخنوقة من نفسها .. !
بصوا بئى يا معلمين
انتبهولى كدة وصحصحو الساعة دلوقتى سبعة وخمس دقايق مساء
ولسة ما نمتش بسببكو
هتجننونى خليتو شعرى يقع من كتر اما شدات فية
بصوا
من انهردة ومن الساعة دى
مفيش زفت مواضيع محدش يكتب مواضيع هنا
عايزين تكتبوا حاجة اكتبوها برا مش هنا
مش طالباااكو بقول لكوا
دا اللى ناقص كمان
امال انا مسكت الاشراف هنا لية
ولو حد ناوى يكتب مواضيع يكتب موضوعين بكتيرة اوى
ولية موضوعين خليها موضوع واحد كفايا
ولية يكتبوا اصلا ما تكتبوش اعملو اللى قلتلكم علية واكتبوا برا مش هنا
مش ناقصين والنبى
كل شوية موضوع مخالف ومتكرر وبلاوى زرقة
هصرف عليكو من جيبى كمان واصلحكو ولا اية
ارحمونى
قرفتونى فى عيشتى حرام عليكو
كان يوم مليان رعد وبرق وزعبيب يوم ما مسكت الاشراف
سيبونى فى حالى
انت يا اللى بتزغر بعينك ايوة انت بتبص على الموضوع بقرف كدة لية
مش عاجبك
طب اعمل حسابك ان موايعك كلها مخالفة
هاه ومنتش معتبها تانى
يا انا يانت فى المنتدى
مش عارفين نربيكو ولا اية
تعبتونى اللة يتعبكم
ويكون فى علمكو اللى هايعترض
هغوزو
مش هسيبة غير وهو متعور
واللى مش عاجبة ميكلمش اساسا
يكلم لية
وكمان مفيش ردود على اى مواضيع
اللى عايز يرد يدفع نص جنية فى الخزنة برا وبعدين يرد
هو دة النظام
وقايمة الاسعار هتنزل قريب
وشوفو اما اقولكو
توقيعات ملهاش لازمة مش عايزين
يعنى تخش هنا بأ دبك
ومتتكلمش
ولو نكتة عجبتك متضحكش وتضحك لية اساسا مش عايزة اسمع صوت
داخلين القسم نهزر ولا اية
وبعدين وانت بتقرا الموضوع دة تربع اديك وتنزل ايدك من على الماوس اساسا
وتبص عدل
بلاش التتنيحة دية
ولا رفعت الحاجب
لحسن انا عرفاكو ما بتجوش غير بالعين الحمرا
انا حذرت اهوة
اللى مش هايلتزم باللى قلتهولو هطلعهولكو قتيل
