قال اضربوهم بالرصاص
احنا خلاص
لازم نبطل طبطبه
ولو مسيره فى الشوارع
انشالله حتى مؤدبه
او ست واقفه ف بالكونه
ماسكه مقشه ومرتبه
او خمسه سته فى اى كفر
قاعدين قدام المصطبه
او رحله رايحه الاهرمات
والابله ماسكه كراسات
عامله مسابقه للبنات
والجايزه كت قلم رصاص
اضربوهم بالرصاص
هو عشان سبنا كفايه
ومرضيناش نقول كفايه
هى المحظورة مش كفايه
عوزانا نساعد حماس
اضربوهم بالرصاص
اوعو تسيبوهم يهتفوا
ساعتها مش هيكتفوا
بالهتاف وهيعرفوا
حقوق سلبناها من الناس
اضربوهم بالرصاص
قبل ما الدستور يتغير
والكبير يصبح صغير
والساير يصبح مسير
ويضربونا بالمداس
اضربوهم بالرصاص
منقول
