دليلك العصري للحصول علي زوج كفاءه ومصري ((حلقات للنصح يا بنات))

بصو انا جالي كلام ان في حد من المنتدي هنا بيدي دروس ضد البنات :-$:-$:-$
المهم يعني انا كمان هدي دروس ازاي احنا نختارهم صح من الاول وركزو معايا يا بنات

دليلكِ العصري للعثور على زوج كفاءة ومصري

لطيف أكرم.. جميل أكرم.. ده حتى لما بيشوفني باحس بإنه خلاص هيموت ويقول لي بحبك.. بس تقريبا عنده حاجة في لسانه بتخليه كل ما ييجي يقول لي بحبك يقول بحبـ..... اتنين سوا الميه والهوا
بتسأليني ساعتها باعمل إيه؟ بابقى هاتجنن وأقوله بينا نطلع ع المأذون، بس عشان أغيظه بأغني معاه واقوله ياهنايا في حبهم!، يسألني هما مين؟ أقوله الميه والهوا يا أكرم!، وأدينا على هذا الحال بقالنا ييجي سنتين.. نعم؟ بتسأليني هو ينفع زوج ولا لأ؟ طبعا ينفع ده أكرم عينيه بتقول إنه بيحبني خالص.. عشان كده بيلبس نضارة شمس عشان ما أشوفش الحب اللي فيهم.. نعم تاني؟ أيوة ياستي طبعا ينفع زوج مثالي جدا.. لأ هاهاها.. مش بطيخة قرعة خالص.. مش أكرم
متأكدة إزاي أنا من ده؟ آ آ آ.. متأكدة طبعا.. إزاي؟ آ آ آ.. الله متأكدة وخلاص.. ده أكرم
سعاد الكدب خيبة.. أنا بصراحة مش عارفة الواد أكرم ده ينفع كزوج ولا لأ.. طب أعرف منين يعني
زمان وأنا صغيرة كنت بأدخل معمل الكيمياء، وكان عندنا تجربة حلوة قوي نعرف بيها إذا كان المحلول اللي موجود قدامنا حامض ولا قلوي.. كنا نحط ورقة عباد الشمس فلو الورقة لونها بقى أحمر يبقى المحلول ده حامض، ولو أصبحت زي ما هي زرقاء يبقى المحلول ده قلوي.. ياخواتي هو مافيش تجربة تخلينا نعرف الراجل ده يصلح للجواز ولا لأ
يعني لو حطينا ورقة عباد الشمس على لسانه واحمّرت يبقى بتاع جواز.. ازرقت بقى.. تبقى ليلته زرقا.. ماتعرفيش ياسعاد نعرف نعمل التجربة دي فين.. هاه؟!

وهنكمل الحلقه الجايه واقولكم نعمل التجربه ازاي

ولأنه للأسف تجربة عباد الشمس غير متوفرةحاليا بالنسبة للرجال، وهي الآن فقط مخصصة للأحماض والقلويات.. جايز حد بتاع كيمياءيدخل الرجالة مع الأحماض والقلويات أو في الأحماض والقلويات بعدين ثم إنهم.. أي الرجال طبعا.. متدربين كـجمعة الشوان وهو يتجاوز جهاز كشف الكذب الإسرائيلي، يعنيه تلاقي الواحد منهم يحط ورقة عباد الشمس على لسانه فتطلع حمرا وهي زرقا من جوه!،فتعالي سيدتي نجرب وصفة وطريقة أخرى لاتقل دقة عن تجربة ورقة عباد الشمس حتى تعرفيما إذا كان الأخ فٌل وكفاءة ويصلح كزوج من الناحية النفسية والاجتماعية والإنسانيةوليس من أي ناحية أخرى تندرج تحت باب لاعيب ولا حرام طبعا!، أم أنه ولا مؤاخذة راجل أزرق.. قلوي يعني

المقاديركالتالي

-عدد كبير من الأسئلة غيرالمباشرة
-عدد كبير منالملاحظات غير المباشرة برضه


الاستفادة المباشرة من طريقة التحضيرالسابقة

1-عدم تضييع وقتك مع رجل قلوي معرفة ما إذا كان الأخ على قدر المسئولية الذي يجعله يتحمل أن يكون رب لأسرة أم أنه.. ولا مؤاخذة.. شاب نايتي فاهمة انتي طبعا يعني إيه شاب ونايتي فينفس الوقت

2-التعرف على ما إذا كان الأخ يمتلك عددا لاحصر له من العيوب القاتلة التي لا يصلح معها أي سمكرة أو دوكو، أم أنه يمكن أن يصبح في حالة الزيرو بقليل من الجهد

-

التعرف على طريقة معاملة الأخ بعد الزواج، هل ستكون طبيعية كجو مصر حار جاف صيفا، دافئ ممطر شتاء، أم غريبة ومجنونة برد وصعق وسيول في الصيف، وحر ورطوبة وشمس حارقة في الشتاء



4-معرفة ما إذا كان هذا الأخ سيكون أب مثالي كـعبد المنعم مدبولي في أبنائي الأعزاء.. شكرا، أم سيكون أبا شريرا من سلالة دراكيولا يلتهم أبناءه الذكور على الإفطار، ويبلع بدماء بناته في الغذاء، ويحلي بك أنت شخصيا في العشاء


والمره الجايه طريقه العمل ان شاء الله :D

السؤال الأول: هو الراجل ده عايز ايه؟

سهلة خالص لكنها تحتاج إلى ذكاء شديد منك؛لأن الوصول إلى الإجابة عن هذا السؤال الصعب الذي سيشكل مفصليا أساسيا بعلاقتك مع هذا الأخ ومعرفة ما إذا كان جادا بالفعل في نياته ولا هو يندرج تحت فصيلةالـنايتي يتطلب منك أن تسأليه.. بشكل غير مباشر وغير متتال كما قلنا.. عدةأسئلة تستكشفين بها حياته الاجتماعية وتجاربه الماضية والشخصية الأكثر تأثيرا فيحياته، فمثلا لو سألتيه في يوم لطيف كان عازمك فيه على شوب حمص الشام، وماشيين علىالكوبري.. أيوه حمص الشام لازم يتشرب على كوبري أي كوبري.. هو أنت بتعمل إيه مع أصحابك لما تخرجوا يا أكرم؟.. وكانت إجابته دايما إحنا بنعمل كذا.. وإحنا بنسوي كذا.. وإحنا بنروح كذا، وظل يقول لك إحنا إحنا لدرجة أنك تصورتي أنه يحدثك عن مجلة شبابية تحمل نفس الاسم، من دون أن تظهر شخصيته في الحديث عن علاقته بأصدقائه مطلقا.. فتمام.. كملي شرب حمص الشام.. أيوه خسارة اوعى تسيبيه ده بجنيه ونص.. وشاوري لأقرب تاكسي وقولي لـأكرم: باباي.. ما نجلكش في حاجه وحشه ليس المعنى هنا أن يكون بلا أصدقاء، وكلما تحدث عنه أحد المقربين منه، سبه وشتمه ووصفه بألفاظ يعاقب عليها قانون الآداب، بالطبع لا.. ولو حدث هذا الأمر فعليك أن تفلسعي في التاكسي منقبل حتى أن تكملي كوب حمص الشام القصد هنا، بأنه من الطبيعي بل يفضل أن يكون للرجل صداقات.. مع من هم من نفس جنسه طبعا.. لأن هذا يكشف عن طبيعة اجتماعية محببةسيكون لها ثمار في أي كارثة أو مصيبة تقابلكما فيما بعد.. والجواز كله مصايب وكوارث بالمناسبة.. لكن المهم في هذه العلاقات ألا تطغى على شخصيته، وألا تكون مسيطرة على كل تفاصيل حياته، وأن تقف عند حدود المعقول، فلا تفاجئين ذات يوم مثلا بالمحروس.. اللي هو جوزك.. وقد أتى في وقت متأخر من الليل مصطحبا معه سيد سيكا وأنور بقه وعبعزيز كزلك، عشان هيقضوا السهرة معانا النهارده ياحياتي.. اصل إحنا متعودين على كده، وجهزي لنا الولعة بقى يا مدام عشان نضرب الحجرين كده حضرتك تجيبي الشطة بتاعة حمص الشام وتحطي كل الكمية للرجالة في الشيشة وجري على بيت أبوك هناك سؤال اخر ينبغي أن تعرفي إجابته قبل الإقدام على أية خطوة، وهو ذلك المتعلق بخبراته فيالماضي، سواء في الوظائف التي التحق بها، والأسباب التي دفعته لترك عمل وتفضيله لواحد على حساب آخر، وهل شمل ذلك تنوعه في أكثر من مجال للعمل أم أنه مستقر في نوع عمل واحد لكنه يرتقي فيه باستمرارطبعا هذا السؤال لن يأتي مباشرة خلف السؤال السابق، والأهم ألا يشعر بأنك تستهدفين من ورائه لشيء ما، لأن هذا قد يدفعه إلى الكذب أو التحفز، وعليه يجب أن يأتي السؤال في سياق عادي مثلا مثلا وأنت تحكين له عن رغبتك في أن تعملي في المجال الفلاني، بعدها ستسألينه هو أنت صحيح سبت الشغل اللي فات ليه؟ كانوا وحشين معاك؟ ولا لقيت في الشغل الجديد مزايا أكتر؟هناتحققين أكثر من نقطة، سيشعر بأنك مهتمة به، وفي نفس الوقت لن يشعر بأنك تفتشين في ماضيه بالملقاط، وعلى أساس إجابته ستعرفين جزءا كبيرا من طبيعته فمثلا إذا كان ينتقل من عمل لآخر كل يوم والتاني وكأن الكرسي اللي بيقعد عليه في كل مكان يروحه فيه مسامير صلب!، سيبدو واضحا أنه غير مستقر، ولا يحسب حساب الخطوة التي يقدم عليهابشكل جيد، وهذا عيب خطير، خاصة إذا ما كانت أسباب انتقاله من عمل لآخر في وقت قصيرهي أسباب واهية أصلهم في الشغل الجديد بيدونا موبايل بكاميرا وعليه 1000 دقيقة مجانية كم ان هذا معناه إنه إن شاء الله هيفطرك وهيغديك وهيعشيك دقائق مجانية.. يعني حتى مش هو اللي جايبها على حسابه

=D>=D>=D>=D>

ممتااااااااااااااااازة شيطونة
كنت فين انا عن الموضوع
فعلا روعه شيطونة
موضوعك روعه فعلا ودروسك بتلزمنا كتير في ضوء الهجمات الشرسه يلي بنتعرضلها من اطراف اخرى مغرضه
تسلمى يا قمر