عرض للطباعة
ياريحة الحبايب هلي
وهات سلامه وسلملي
هاتولي منه اي كلام
وخدوله مني أحلي سلام
قولوله حبيبك بيحبك
ولسة باقي علي عهدك
قولوله مع الوحدة بقاسي
والفكر حيران مش راسي
إزاي يقول عني انا ناسي
وانسي إزاي ياقسوتك
قولوله لولا عزالي
لكان زماني بقيت جنبه
وأوصفوله إزاي حالي
وإزاي ضناني طول بعده
وإن لقيتوه لام عليا صبروه
وان لمحتوا فـ عينه أسيه حننوه
وقولوله بكرة هيرجعلك
ويعيد معاك أيام فرحك
د بكرة قريب وبيندهلي
ياريحة الحبايب هلي
***************
كلمات عصام قمر
ايوة كدة ياعصام شوية تفاؤل احنا داخلين على امتحانات وموضوع جميل كالعادة وعاوزين موضوع عن الامتحانات بس شوية تفاؤل ربنا يستر علينا وبعدين ريحة الحبايب اغنية لعمرو دياب هههههه وتقبل مرورى ولك منى دوام التوفيق
اقتباس:
المشاركة الأصلية كتبت بواسطة لولى
أهلا يالولي... نورتينا بردك الجميل ... طول ما فيه نهار بيطلع لازم الليل ظلمته تنقشع....ربنا يوفقك في الإمتحانات وعايز اسمع اخبار النجاح والتفوق قريبا.... هو بالمناسبة انتي في كلية ايه ؟ وبعدين انا مش متابع جيد للأغاني الجديدة .. انا من هواة زمن الفن الجميل ....وعلي فكرة الأغنية اللي انا كتبتها دي كانت من زمان اوي وتلاقيها متشابهة في العنوان بس
شكرا لمرورك وتمنياتي لك بالنجاح
عصام قمر