جحا على الرصيف

http://mybook.bibalex.org/i/005608_2.jpg

جحا على الرصيف

************

اصيل وصابر ودا حقيقى طبعى

وبحب الكلام لكن ما بحب ارغى

و اصلا مش من انصار البرادعى

لكنى جمهورى والملكية ضد دمى

*********

وحكومة جابوها من رجال الاعمال

والمواطن له حق كبير من الاهمال

وعلى الرصيف تلاقى رجال ونسا وعيال

والفراولة زمان غنى لها الريس متقال

وجحا خلاص دلوقتى بيشتغل للهموم شيال

بعد ما منافق يقول حال البلد عال العال

*********

والمصرى بيقولوا عليه صابر ودمه خفيف

وسيبكم من مشاكل الحياه وحتى الرغيف

وروحوا هناك معاهم ليلة على الرصيف

والكلام لدكتور غالى وسعادة الباشا نظيف

وخافوا من الله وانتقام المظلوم الضعيف

**************

ومن ضمن اسماء الاسد درغام

لكن نفسي فى بيان عاجل وهام

يقول كل مواطن مديون ليكم بكام

ومشاكل الناس ملأت وسائل الاعلام

كلمات م/عماد الدين محمد

هذه الكلمات
عبارة عن تهنئة للجميع بعيد العمال
نتمنى فى العام المقبل
ان نجد الاسر التى تعمل بالمكافأة وتجلس الآن على الرصيف
مطالبة بالتثبيت
وضمان حقوقها فى التأمينات والمعاشات
قد تم حل مشاكلها
وكل عام والجميع فى خير حال

شكرا اخي عماد علي هذا الكلام الجميل
والله فعلا يا عماد الناس دي مظلومه قوووووووي
انا اصحابي المدارسين بعد ما يتخرج
يشتغل بالعقد ما يزيد الراتب طبعا عن 150 جنيه
وطبعا احنا عارفين يعني 150 جنيه
يعني لو واحد بيركب مواصلات يبقي
طبعا هيدفع فوق الراتب

وخمس سنين علي هذا الحال
يعني يعتبر خمس سنين هدر والله

بجد المفروض الحكومه دي تبطل ظلم بقي للشعب
يعرفه انه في اخره وفي حساب وعقاب

شكرا لمواضيعك الجميله يا عماد
وبارك الله فيك

كل سنه والمسامين كلهم بخير
ونتمتى فعلا ان السنه الجايه تكون كل المشاكل اتحلت بما فيها مشاكل العمال

اقتباس:

---

المشاركة الأصلية كتبت بواسطة هشام اللول1

شكرا اخي عماد علي هذا الكلام الجميل
والله فعلا يا عماد الناس دي مظلومه قوووووووي
انا اصحابي المدارسين بعد ما يتخرج
يشتغل بالعقد ما يزيد الراتب طبعا عن 150 جنيه
وطبعا احنا عارفين يعني 150 جنيه
يعني لو واحد بيركب مواصلات يبقي
طبعا هيدفع فوق الراتب

وخمس سنين علي هذا الحال
يعني يعتبر خمس سنين هدر والله

بجد المفروض الحكومه دي تبطل ظلم بقي للشعب
يعرفه انه في اخره وفي حساب وعقاب

شكرا لمواضيعك الجميله يا عماد
وبارك الله فيك

---

بارك الله فيك الاخ الكريم هشام
وحقيقة
كنت اتابع احد البرامج بالامس
وقال بعض هؤلاء انهم يعملون منذ تسع سنوات بمكافأه قدرها تسعين جنيه
والبعض يعمل بمبلغ 190
والمشكلة انهم اصحاب اسر
واهم من ذلك انهم يجلسون على الرصيف ولا احد بيسأل فيهم
وطبعا حكومة من رجال الاعمال دخل الواحد منهم ملايين
ازاى هيحسوا باصحاب الملاليم
نسأل الله عز وجل ان يعين الجميع
ودمت اخى الفاضل فى حفظ الله ورعايته

اقتباس:

---

المشاركة الأصلية كتبت بواسطة Innocent

كل سنه والمسامين كلهم بخير
ونتمتى فعلا ان السنه الجايه تكون كل المشاكل اتحلت بما فيها مشاكل العمال

---

وكل سنة وانت والجميع بخير
ونتمنى مثلك
ان يهل علينا عام جديد تحل فيه مشاكل الجميع
دمت فى خير حال فى حفظ الرحمن

ربنا يهدى لنا الحال و مشاكلنا تلاقى حل
>:D<و بارك الله فيك>:D<
و دايما فى مناسباتنا يكون معانا كلامك الحلو:)

اقتباس:

---

المشاركة الأصلية كتبت بواسطة botta

ربنا يهدى لنا الحال و مشاكلنا تلاقى حل
>:D<و بارك الله فيك>:D<
و دايما فى مناسباتنا يكون معانا كلامك الحلو:)

---

آمين يارب العالمين يهدى لنا الحال

وتنصلح فى مصر كل الاحوال
وكل مشاكل الناس يكون لها حلول عادلة وعاجلة
وبارك الله فيك
الاخت الفاضلة شيماء وحفظك ورعاك

مش هقدر اقول لعمالنا كل عام وهما بخير لأنهم فعلا مش شايفين اى خير
ادعى الله ان يصلح احوالهم ويقوموا من على الأرصفه وحد يعبرهم ويشوف طلباتهم .
شكرالما كتبت من كلمات شاعرنا الكبير عماد دمت متألق وشكرا لعم جحا اللى دايما مشاركنا مشاكلنا

تسلم استاذ عماد على وصف الحال بكلمات بسيطة
وجميلة بجد حالنا كل يوم فى سوء بس اكيد ربنا ها يكرمنا
وبجد من قلوبنا بندعى لكل عامل او انسان مظلوم ان ربنا ينصره
ويهدى حاله ويارب يحفظ الجميع ومنتظرين كل ماهو رائع متميز من قلمك المبدع
تحياتى ووفير احترامى