جواز الحب ولا جواز الصالونات

يا جماعه احب اخد رايكم فى موضوع مهم
وهو انك تحب تتجوز عن حب ولا تتجوز جواز صالونات مع العلم اننا بنحترم الطريقتين فى الجواز بس تعالوا اقولكم عن اهم مميزات وعيوب الاتنين :)
اولا:جواز الصاونات
بنفهم كتير ان جواز الصاونات ده جواز ممل ودمه تقيل بيبقى اى حد عايز يتنيل قصدى يتجوز وخلاص يدور على واحده كويسه مؤدبه ويروح يشوفها ويشيل البيعه على طول
انما ممكن نقول انوا بينطبق فيه بعض شروط الجواز الشرعى اللى كان على ايام الرسول "صلى الله عليه وسلم"على انه بيروح البيت ولو حصل قبول كان بها محصلش يا دار ما دخلك شر بس انا عايزه اقولكم ان الجواز ده دلوقتى بيبقى للانسان اللى قادر يتجوز يعنى عنده الاماكنيات الماديه للجواز انما لو شاب صغير لسه مش قادر يتجوز ممكن يطلع من عند الناس دى كاره الدنيا والناس وكل شىء
طيب والجواز عن حب :
يفضل يحب فيها شويه وهى تحبه شويتين ويتكلموا ويتقبلوا ويجى البيت ها يا بنى عايز ايه ؟؟؟؟؟ ايه ؟؟؟؟ تتجوز !!!! ااااااااااااااااااااااااا ااه تتجوز بنتنا طيب يا بنى عندك ايه؟ معاك كام؟بالرغم من ان البنت ممكن تكون موافقه الا ان الاهل ممكن يرفضوا فتحزن البنت كتير وهو يقول انا عملت اللى علييا وده عيبه انما لو الموضوع تم بيبقوا اسعد اتنين فى الدنيا يعنى فى كلتا الحالتين لازم يبقى معاك 000000 عشان يتوافق عليك يا ريس
انا عن نفسى لحد دلوقتى مش عارفه مين اللى صح ومين اللى غلط يا ريت يا جماعه تقولولى رأيكم فى الموضوع واعذرونى لو لم استطع التوضيح جيدا بس اعتقد ان دى مشكله كلنا نقدر نفهما