(كيف انسى حب جعلنى احب الحياة واحس انها حوة ولازم تتعاس وتتحب وبعدين انهى لية؟

السلام عليكم, انا صديقة جديدة على مصراوى كافية بس انا قعدت كتير ادور على حد اتكلم معاه ومش لقية وانا بجد مخنوقة جدا ومش عارفة احكى لمين واكتب مشكلتى فين انا نفسى يكون لى اصدقاء بجد يقدرو يسعدونى انا عندى 24 سنة وكنت بحب واحد واتخطبنا من 4 سنين وكمان انكتب كتبنا لمدة سنة وبعدين انفصلنا قعدت سنتين تعبانة من الى انا فية ومستشفيات وقرف ومعدتش بثق فى حد بعد كدة فكرت اقدم فى كلية وقدمت فعلا فى كلية اداب وبدءت اخرج من الى انا فية وفى الوقت نفسة بقيت اقعد على النت بعدكدة اتعرفت على شاب بجد كان محترم جدا معايا حسسنى ان الدنيا حلوة واخد بايدى وخرجنى من كل الحاجات الوحشة الى انا كنت شيفها وحبيتة اوى لدرجة جامدة اوى وهو كمان كان بيكلمنى 6 مرات واكتر فى اليوم ومرة واحدة بعد 11 شهر من حبنا قرر انة يبعد وانة مش عايز يكمل ومش عارف لية هو مش عايز يكمل بيقول انة يعات بيحبنى وسعات لا وسعات يقولى ماماتة مش هترضى بيا وبيقولى نبقى اصحاب وانا مش قادرة استحمل هموت والل دى المرة التانية ومش عارفة لية حاسة انها اصعب من الاول مخنوقة وبقالى اسبوع مش بنام قاعدة بعيط طول الوقت بس كلامة معايا لغاية دلوقتى حاسة انة حب ومش قادرة اصدق انة بيكدب بعد كل دة هو عارف اد اية انا كنت مجروحة وعارف اد اية حبيتة اعمل اية عشان اخلية يرجع يحبنى تانى ويتحدى كل حاجة عشان حبنا ولا الموضوع بجد خلاص انتهى ومكتوب عليا العذاب عمرى كلة قوبوبى حل الله يخليكم منتظرة ردكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟https://forum.masrawycafe.net/thread...smilies/12.gifhttps://forum.masrawycafe.net/thread...smilies/12.gifhttps://forum.masrawycafe.net/thread...smilies/12.gifhttps://forum.masrawycafe.net/thread...smilies/12.gifhttps://forum.masrawycafe.net/thread...smilies/12.gifhttps://forum.masrawycafe.net/thread...smilies/12.gif

علاقتك من الاول غلط ده مش حب ده تعود وانتى كنتى محتجاله فى الوقت اللى كلمتيه فيه
صونى كرامتك وعززى نفسك واللى مش عايزنا مايلزمناش
لانة محبناش قدر على بعدنا ده كدااااااااااااااااااااااا اااااااااب وخاين وميستحقش غير النسيان

حبيبتي انا حاسه بيكي والله مش انتي بس اللي مجروحه الدنيا مش بتريح قلب حد صدقيني سيبك من ده كله ودوري علي نفسك عيشي حياتك وانسي ولايهمك بكره يجيلك نصيبك ماتخفيش ربنا عمره مابيظلم انتي اصبري واتأكدي ان يوم هيجي الفرح اللي بجد وهتقولي كل اللي فات ده لعب عيال وهتندمي علي كل لحظه زعلتي نفسك او بكيتي علي واحد مش يستاهل وبعدين هقولك حاجه النت ده اكبر كدبه في الدنيا ده وهم ومفيش حب من النت كله كلام فاضي
احسن حاجه تسيبيها علي ربنا وانتي لسه صغيره ماتخفيش يعني
وياريت تسيبك خالص من الواد ده وانسي سيبيه وابعدي عنه خالص ده شرير اللي يعمل كده وعارف انك تعبانه ومجروحه ويستغلك ويقرب منك وبعدين يقولك امي وبحبك ساعات
انا عن نفسي الحمد لله دماغي عاليه مش بتفرق هنا ولا هنا كله ماشي
ربنا معاكي يارب :x

الانسان ده محبكيش بس ممكن يكون لما عرف المشكله اللي انتي فيها حب يستغلها او يلعب بمشاعرك زي شباب كتير ع النت ومفروض مش اي حد نصدقه ونثق فيه متزعليش من كلامي وخدي بالك من نفسك ومتزعليش علي اي حد وحوالي تهتمي باي حاجه زي دراستك اشتغي وحاولي انتي اللي تقوليله ميتصلش بيكي تاني ومتكونيش ضعيفه وان شاء الله ربنا هيرزقك بانسان كويس يسعدك ويعرف قيمتك
تقبلي مروري