دعوة خاصة جدا لادارة وأعضاء منتديات مصراوي كافيه

السلام عليكم ورحمة الله وبركاته

بعد الصلاة والسلام على خير البشرية وشمس الهداية محمد عليه وعلى آله وصحبه وكافة الأنبياء الصلاة والسلام

الأحبة في الله أبناء منتديات مصراوي كافيه

عندما مررت بدروبكم ظننت أنها محطة لن أمكث فيها طويلا

ولكني فوجئت بواحة كأنها الجنة وسط صحراء قاحلة

أظلني فيها دفء المحبة في الله بينكم

وارتويت من ماء صفاء القلوب الطيبة الرقيقة

فألقيت رحالي على أرضكم الخضراء

وتنفست هواء الطيبة واستمتعت بنسمات الاخلاص

بل أكثر ما أعجبني هنا كثيرا

حينما شاركت بموضوع التعارف بقسم الترحيب وقرأت مشاركات الأعضاء

أن مدير المنتدى شاب في مقتبل سنوات الشباب

لاأزكيه على الله تعالى

شاب ذكي فطن عاقل

هو أخونا في الله علي مدكور

ربما لم أجد هنا كثيرين في مثل عمري أو مايقارب

مما يجعل مساحة الحوار بالنسبة لي أكبر

لكني وجدت قلوبا جميلة هي أغلى من ماء العيون

حينما مررت بواحتكم الجميلة كنت قد مررت بدروب المنتديات على كافة أشكالها

وأكثر أمرا عملت عليه هو ارساء كلمة واحدة في قلوب من كنت معهم لسنوات طوال


أن للمرء قلب اذا جرح فسيصبح كالنمر المجروح يهاجم كل ما يتحرك على الأرض أي كان


حينما يهاجم النمر يهاجم ليأكل

وحينما يهاجم النمر المجروح يهاجم ليقتل ويغدر

لأنه ظن أنه قد غدر به


مقدمة طويلة

لها حاجة في نفس يعقوب

حينما تشل حركة انسان يظل على أمل في الشفاء

ولكن

حينما تبتر أعضاؤه

فالألم لايزول

واليأس ربما يحول المرء من انسان الى لا انسان

والآن الى مارميت اليه

وأرجو أن تجد كلماتي سعة صدر من الجميع

حينما يطرد عضو سيظل عقله يدمي

لأنه شعر بالاهانة

وبخاصة وان كان سبب الطرد اختلاف في وجهات النظر أدى الى الاحتداد في النقاش

ثم خطأ الوقوع في التطاول على الآخرين

لن يرى نفسه المخطأ بل

سيظل حانقا كل مايشعر به هو الظلم

فهل كل همنا كأسرة هو اقصاء من نرى أنه مصدر ازعاج أو خطر على أسرة المنتدى

لا

ادارة المنتديات مسئولة عن حماية المنتدى

ومسئولة أيضا عن علاج الأمر بكافة الطرق الممكنة

كلمة

مطروود

تعني

مبتور

هل جربت قسوة هذه الكلمة

كم عضو بكم منتدى مر علي خلال سنوات طوال

عرفت منهم كم أن هذه الكلمة موجعة

لذا هو

رجاء

ورجاء عظيم

لمن أحببتهم في الله بمنتديات مصرية

غيروا هذه الكلمة

الى


عضوية موقوفة



لحفظ ماء وجه العضو المستبعد

وللملمت جراح القلوب

سواء لهذا العضو المستبعد

أو لأصدقاؤه بالمنتدى

وصدقوني هو في النهاية لصالح المنتدى وأهله

كان من الممكن أن أضع هذا الموضوع بالشكاوى والاقتراحات بيني وبين أعضاء أسرة الادارة

لكني ومن وجهة نظري أرى أن هذا الموضوع في المقام الأول

يهم كل عضو وحق له احترامه داخل المنتدى وخارجه

حتى وان فقد هو نفسه احترامه لذاته

مصداقا لقوله الله عز وجل

ليعلم من ؟؟؟؟؟؟؟؟؟

سيد الخلق أجمعين الذي جمع مكارم الأخلاق

:"ادفع بالتي هي أحسن فإذا الذي بينك وبينه عداوة كأنه ولي حميم". ...


ولكم جميعا


أسرة ادارة منتديات مصراوي كافيه

ولكل أعضائه الكرام

كل التحية والتقدير

في أمان الله وحفظه

الفقيرة الى الله

شمس الأصيل

ياااااااااااااااااااااااا اااه عليكى يا امى شمس
بااااااااااارك الله فيكى وجزاك الله كل خير
انا معاكى فى الكلام الجميل ده دى حاجة لازم تتعمل
وان شاء الله الادارة هتوافق على الكلام ده
لانه زى ما حضرتك قلتى كدة ده (( لمصلحة الكافيه ))
ويارب يجعله فى ميزان حسناتك

جزاكي الله خيراً استاذتي الفاضله...
انا عايز اوضح لحضرتك شوية حاجات كده..
في البداية . عند افتتاح منتدي الغالي " مصراوي كافيه "
كنت متأكد اني هلاقي هجوم كبير بس الحمد لله كنت بعرف اصد الهجوم
واهم حاجة عندى هي ان الاعضاء تحترم بعض ويكون روح الإسرة والمحبة موجود
واي حد كان بيحاول يفك الإسرة عن بعضها كنت بتصرف معاه

وربنا وحده يعلم المعاناه اللى انا فيها دلوقتي
خاصة آخر موضوع
ربنا لوحده يعلم اني صبرت كتير واتحملت وسمحت كتير
بس لو وصلت لقلة الإدب خلاص مش بيهمني لأن ساعتها مش بيكون في احترام...

ده بالنسبة لآخر مشكلة...

آما بالنسبة لقب مطرود .. فكنت مختار اللقب ده اللى كان مطرود فعلاً كلنا كنا عارفين عمل اية ومكنش مفكر في اللقب كويس

عموماً تم تغيير اللقب ..
شكراً لأهتمام حضرتك .. جزاكي الله خيرا الجزاء

شكرا مستر على
على تغير اللقب
وكلامك صح الصح

اقتباس:

---

المشاركة الأصلية كتبت بواسطة علي مدكور

جزاكي الله خيراً استاذتي الفاضله...

انا عايز اوضح لحضرتك شوية حاجات كده..
في البداية . عند افتتاح منتدي الغالي " مصراوي كافيه "
كنت متأكد اني هلاقي هجوم كبير بس الحمد لله كنت بعرف اصد الهجوم
واهم حاجة عندى هي ان الاعضاء تحترم بعض ويكون روح الإسرة والمحبة موجود
واي حد كان بيحاول يفك الإسرة عن بعضها كنت بتصرف معاه

وربنا وحده يعلم المعاناه اللى انا فيها دلوقتي
خاصة آخر موضوع
ربنا لوحده يعلم اني صبرت كتير واتحملت وسمحت كتير
بس لو وصلت لقلة الإدب خلاص مش بيهمني لأن ساعتها مش بيكون في احترام...

ده بالنسبة لآخر مشكلة...

آما بالنسبة لقب مطرود .. فكنت مختار اللقب ده اللى كان مطرود فعلاً كلنا كنا عارفين عمل اية ومكنش مفكر في اللقب كويس

عموماً تم تغيير اللقب ..

شكراً لأهتمام حضرتك .. جزاكي الله خيرا الجزاء

---

السلام عليكم ورحمة الله

أشكرك يا علي :)

علي في القدروالمكانة

ردك جميل وكبير كمان

حقيقي أنا زاد احترامي ليك

الانسان العاقل مش بسنه

الانسان بيتوزن بعقله وبمواقفه

لمارديت في موضوع الشيطانة الصغيرة ولما كتبت موضوعي ده ما حاولتش أعرف ايه السبب

لأني فهمته من خلال الحوار

أنا عارفه أد ايه ادارة المنتديات صعبة ومرهقة ومتعبة جدا

ربنا يقويك

بجد أنا حاسه ان ربنا وفقني للمكان الصح

اقتباس:

---

وربنا وحده يعلم المعاناه اللى انا فيها دلوقتي
خاصة آخر موضوع
ربنا لوحده يعلم اني صبرت كتير واتحملت وسمحت كتير

---

كل ده هتلاقيه في ميزان حسناتك

ممكن نكسب الصداقة بسهولة

لكن اننا نخسرها شئ مؤلم جدا

حتى ولو كان الخطأ مش من عندنا
ممكن نمسك النجوم بايدينا

لكن اننا نرضي الناس

فده خامس المستحيلات

وده هم المنتديات

جزاك الله خيرا وأحسن اليك

كما أحسنت لاخوتك في الله

اقتباس:

---

المشاركة الأصلية كتبت بواسطة treka777

ياااااااااااااااااااااااا اااه عليكى يا امى شمس

بااااااااااارك الله فيكى وجزاك الله كل خير
انا معاكى فى الكلام الجميل ده دى حاجة لازم تتعمل
وان شاء الله الادارة هتوافق على الكلام ده
لانه زى ما حضرتك قلتى كدة ده (( لمصلحة الكافيه ))

ويارب يجعله فى ميزان حسناتك

---

معلش يا تريكا أنا رديت على أخونا علي قبلك

لأن رده الجميل وسرعة استجابة خلتني أنا كمان لازم أرد بنفس السرعة

مش أنا لسه كنت بأول

فعلا منتديات مصراوي كافيه واحة خضرا

بناسها الحلوة

وناسها الحلوة كتير

ربنا يديم علينا جميعا نعمة الحب في الله

ويارب ما نشوف عضو بعيد عننا

ويارب الجميع هنا يحس بقيمة الأسرة والاخوة في الله

ممكن نشتري كل حاجة

الا الحب في الله

تقدر تشترى حتى ضماير الناس

لكن تشتري قلوبهم

حتى ولو كانوا أسوأ أهل الأرض

الا القلب

عشان كده ومن كل قلبي ولكل عضو من أهل مصراوي كافيه

احنا اخوات ولازم نحافظ على الاخوة دي

ونمسك فيها بقوة

شكرا ياتريكا على ردك الرقيق الجميل

جزاكي الله خيراً على كلامك ده

وعلي دعوتكـ لينا ...

آمين يا رب

وشرف لينا انضمام حضرتك معانا وان الكافيه يعجب حضرتك


... إسمحي لي بغلق الموضوع ...

شكرا لحضرتك انتى على زوقك الجميل