مع الاحداث اللى بنعيشها و بنشوفها كل يوم و كمان موسم الامتحانات ... فكرت فى صنع عصير للتفاؤل لعله ينفع
: المقادير
مقدار 3 دقايق من استنشاق الهواء بعمق فى البلكونة ( يفضل هواء نقى بدون عادم ) و الاحساس بالشهيق و الزفير , كل نفس يدخل ياخد حبه هموم و يطلعهم مع خروجه
- لو كنت وقت الغروب .. فيبقي 5 دقايق م...ن التأمل فى الشمس و هى بتختفى و بتغيب شوية شوية عن نظرك لحد ما تختفى خالص و ساعتها فكر انها اختفت عن نظرك و لكن اشعتها لسة موجودة و بتنور الدنيا و اوعى تنسى انها هتجيلك بكرة تصبح عليك
لو كنت فى الليل .. 5 دقايق تفكير فى القمر ( لو ليلة قمريه ) او فى النجوم ( لو ليلة مش قمريه ) و فكر ازاى رغم انه جسم غير مضىء بطبعه الا انه بينقل النور
كمان شويه تفكير فى الناس اللى بيحبوك و اللى بيتمنولك دايماً الخير و ازاى هيكونوا زعلانين لو شافوك فى حالة زعل او ضيق
نصف كوب ممتلىء بافكار حول اللى خلقك و قد ايه هو عارف اللى انت فيه و انه اكيد مش هيسيبك لانه بيحبك
قطع صغيرة مبشورة من التأملات حول همومك و ازاى تستقبلها بفرح مهما كانت شديدة لانك عارف انها فترة و هتمر و اكيد هتخرج منها اقوى و اشد من الاول
مقدار فنجان من احساس التحدى لكل همومك .. تحدى او رهان لا يقبل القسمة على اتنين او الحلول الوسط .. اما اكسبه او اكسبه .. و خلى ايمانك بربنا يزيدك عزيمة و اصرار
- مقدار ملعقة ممتلئة عن اخرها من النظرة الايجابية للامور
- الوردة : ممكن تبص لجمالها و ممكن تبص لاشواكها
- لو شايف الدنيا سودة قدامك .. حاول تدقق بنظرك فى السواد اكيد هتلاحظ نقطة بيضة صغيرة بتكبر و تزيد كلما دققت النظر فيها اكتر
مقدار ذرة من شىء يبدو صغير و لكنه فعال ..... الابتسامة
طريقة التحضير
اضف كل المكونات السابقة فى عقلك و استمر فى التأمل فيها اثناء التقليب حتى تختمر كل الافكار ثم يرش عليها بضع ذرات الابتسام و تقدم باردة
: ملحوظة
الوصفة غير صالحة للتخزين .. بل يجب عليك تحضيرها كل مرة تحتاج اليها فيها
مفعول الوصفة يعتمد عليك .. و على مدى استعدادك لتقبلها
لا تنس ابــــدا الابتسامـــــــة
:) :) :) :) :)
