مين قال انى بهزر ايوة فعلا معايا رقم موبايل الرئيس طيب شوفوا الموضوع لالاخر
اجتمع الرئيس حسنى مبارك بجهاز العلاقات العامة سالهم اعمل اية علشان اتقرب من
الشعب !!!!!!!
رد واحد ذكى جدااا وقال ندى الشعب رقم موبيلك يا ريس ;);)
وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة وكلام يسم البدن من الشعب
وفعلالالالالالاوتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة …منها :
((إتصل برقم الرئيس ..وإنت وأهلك تهيص …. ))
(( إتصل بالرئيس … يكون لك خير ونيس ….))
(( إتصلي بالرئيس …. وبكره يجيلك العريس …. ))
((الرئيس جانا ..بعد غيابوا......اهلا بالرئيس..))
طبعا منسيوش حملة الدعاية الخاصة بالاطفال الحلوين
(( كلموا عمو الريس …. قبل ما يموت ويفيص ))
طبعا غير الاعلانات والكليبات الى جابوا فيها شاكيرا وخدت 9 مليون فيها((بتتعب اوى شاكيرا))
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو . . آآآآآلو . . الريس فين … الريس هنا …هنا هو … أقولوا مين بيكلموا …
وذلك لأن هذه الأغنية سهلة وتوحي أن الرئيس قريب ومتواصل مع شعبه …
وكان الخلاف حول المكالمة هل تكون مجانية أم لا ..
ولكن تم التواصل لحل الخلاف فورا وتم اضافة رسوم المكالمة على الضرائب لزيادة الدخل القومى ودفع العجلة لامام
وجااااءت ساعة الصفرررررر
وبداءت الخدمة
المكالمة الأولي :
- ألو ….
- أيون …
- إنت الريس …
- أيون يا حبيبي … إيه مشكلتك ….
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف … يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران …
- بص يا مواطن …
إحنا كلنا في خدمة الوطن..
والشعب في خدمة الشرطة ..
لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك …
لازم تضحي شوية علشان الوطن …!!
- شكراً ياريس ..ربنا يخليك لنا ويخليك للوطن … ؟
المكالمة الثانية :
- ألو ….
- أيون
- الريس حبيبنا معانا ….
- أيون أيوه كده ….إيه مشكلتك يا حبيبي …؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..
ولسة بآخد مصروفي من والدي وقاعد علي القهوة طول اليوم … نفسي أشتغل ياريس …
- أنت غريب قوي يا مواطن …
مش تحمد ربنا إننا مريحينك ..
عايز تروح للشقي برجليك …
وبعدين مالها قعدة القهوة …
إتعلم منها حاجة تفيدك …
ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة …
- ياريس عايز أكوّن نفسي …
- ما تكونها يا حبيبي حد حايشك …؟!!
- أكونها إزاي من غير شغل ..؟؟
- إيه يا مواطن أنا ماسك أعصابي …
إنت عايز البلد تكوّن ملايين من الناس..
إحنا فاضيلنك ولا إيه..؟؟
إحنا عندنا عيال بنكونها برضه ….
خلي أبوك يكونك يا مواطن …
دبببب …وتم غلق الخط ….
المكالمة الثالثة …
- ألو ..صباح الخير ياريسنا يا جميل …
- ألوووووووووو…صباح الجمال … أيوه يا شابة .. إيه مشكلتك وأنا أحلها لكي في فمتوثانية …
- أنا يا ريس عانس … وصلت لسن 35 ومش لاقية عريس … نفسي أتجوز زي البنات كلها ويبقي عندي بيت وأسمع كلمة ماما ….
- هههههه … إنت تحمدي ربنا …
جواز إيه وقرف إيه …
خلفة وطبيخ وواحد متخلف ينكد عليكي ومسئولية …
خليكي كده ….
- ياريس … نفسي أحب وأتحب ….
- يا مواطنة … حب الوطن كفاية عليكي ….
- يعني أتجوز الوطن وأجيب منه عيال ..!!!
- يوووه … إنت مش عجبك كلامي طيب …
دبببب .. وإنتهت المكالمة ….
واخيراااا هااااااا حد لسة عاوز الرقم؟؟؟؟؟
اى حد عاوز يقول للرئيس اى حاجة يكتبها هنا .......وان شاء الله هوصلهالو
