نــــــــــدآء الى كل من يهمه الامر...
السلام عليكم ورحمة الله وبركاته /
اولا رجااااااااء محدش يشيل الموضوع من هنا
بالله عليكم يمكن يلفت نظر اى حد وياخد باله من الموضوع لانه بجد مهم
نــــــــــــــــــــــــ داء الى مسؤل عن هذه البلد عامة يعرف انها تساق الى منحدر وتكاد تكون على جرف هار .....
وكل مسؤل عن الازهر خاصة بداية من شيخ الازهر مرورا برؤساء اللجان ومدرسي الازهر الى طلابه ............
اكتب هذا الموضوع بسبب مايحدث به من غش بطرق تكاد تخرج طال الى كلية طب وهو لايجيد كتابة اسمه باللغة الانجليزية.....!!!!
والله انا بتكلم عن اشياء تحدث فعلا بالازهر وممكن غير الازهر لكن انا يهمنى حاليا الازهر .....
اولا لايكاد معهد يخلو من الغش بالجهود الذاتية ...(يعنى طلبة مع بعضهم )) بس الغش (المبـــــــــاح ) يعنى على عينك ياتاجر ... الملاحظ بيكون شايف والامر عادى؟؟؟!!!
وبعض المعاهد الطالب يدخل بكتابه او ملزمته وخلاص البرشام اللى بيوجع العين بقى موضة قديمة..........
ده طبعا المعاهد اللى فيها نظااااااااام !!!!!!
امال اللى مش فيها ؟؟؟؟؟؟؟؟
معهد فتيات فرشوط
لقد قرات شكوى من طالبة هناك تشتكى من هذا المعهد ( وشهد شاهد من اهلها )
ولكنها لاترضى بالحرام
السلام عليكم ورحمه الله
بالنسبه لموضوع الغش والفاكسات وكدا
فى معهد اعرفه تبع مركز فرشوط (معهد فتيات فرشوط)
دا بقى الى اعرفه ان الامتحانات بتروحلهم مع ورقه الاجابه
اعرف بنات كانوا معايا حولوا هناك مخصوص
استاذ الرياضه جاهز بالاسم وهيحل امتحانات الرياضه التلاته واحنا شغالين مزاكره والى يقول الفرع دا صعب ودا سهل
وغيرنا ياخدها على الجاهز
لا ولما تقول قدامهم هبعت فاكس ولا يتاثروا عارفين ليه لان المركز كله بايظ
السنه الى فاتت كانوا المراقبين كلهم الاساتذه ماعدا واحده بس كانت ابله دخلت لجنه العلمى ولعتها قالت الموبايل اشتغل رن بقى رئيس القطاع بنفسه قلها دول زى ولادنا خففى عليهم شويه وكدا واولياء الامور والوسايط اشتغلت كان يوم
هى قالت صعبوا عليا بس مرضتش اخالف ضميرى
تانى يوم لقيت نفسها احتياطى وجابوا كل بياناتها قولولها انتى مش من كذا وبنت فلان ابن فلان و خلوها احتياطى علشان يريحوها اكيد مش علشان كدا كلنا عارفين ليه!!
طيب كدا عرفنا ان المركز كله بايظ وعلى فكره انا بتكلم جد مدرس الرياضيات جاهز وبتاع الفيزيا والكيميا ,اما الانجلش فمجانى بقى هديه من مدرس من البلد بس فى واحده جايبه واحد احتياطى
طيب تفتكروا الحل ايه ؟ الى يقدر يعمل حاجه يا ريت يعملها انا البنات صحباتى تاعبهم اوى الموضوع دا وانا تاعبنى اكتر منهم
بس محدش عارف يعمل حاجه
الضمير كاد ينعدم فى الناس ربنا يستر
دعواتكم
فى حفظ الله
ومعهد اخر بنين كتب الطالب
احب اذكركم بحديث الرسول صلى الله عليه وسلم
عن أبي سعيد الخدري - رضي الله تعالى عنه - قال: قال رسول الله صلى الله عليه وسلم: من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان أخرجه مسلم.
لو كنت مكانى وعارف انه فيه كذا معهد كدا بيجمعوا فلوس و كدا علشان الغش فى الامتحان وبيجيلهم ورق الاجابه مطبوع مفيش عليهم بقى غير انهم يكتبوا .......ناقص يجيبوا حد يكتبلهم كمان
ها لو انت مكانى بقى هتسكت ........ولا ممكن تعمل حاجه ........ولو هتعمل هتعمل ايه .....
انا طبعا نفسى اعمل حاجه .......محدش يقول يعنى انت هتصلح الكون ......لا انا مش هصلح بس لو كل واحد سكت هتبوظ الدنيا خالص.......مع انها بايظه اصلا
المهم ......لما اقول قدام حد نفسى ابلغ على المعهدين دول يقلى حرام عليك .......هو الغش حلال ولا ايه يا جماعه .....حد ينبهنى يحسن اكون هعمل حاجه غلط ولا حاجه متبخلوش بالنصيحه بقى
ها انا قلتلكم القصه ........وكمان الموضوع وما فيه بقى انى انا اصلا متغاظ ومضايق يعنى مش حرام لما ازاكر واتعب نفسى
واجى الاقى واحد اقل منى بقى دكتور مثلا لانه مدرس حلله الامتحان وانا مجرد غلطتين واروح فى داهيه
وماهو لو مفيش غش وانا نقصت عادى التنسيق هينزل لكن بقى نقول ايه .................
غير كدا البلد هتبوظ دكاتره بقى فشله ......انتوا مسمعتوش ان اوائل الثانويه العامه كلهم نزلوا فى كليات الطب .....البلد هتتدمر من الفشل دا مش هيكون فى دعامه تتسند عليها لما تمر الايام والجيل كله يبقى فااااااااااااااشل اه مستغربين ليه الغش بيعمل اكتر من كدا والله
يمكن تفتكرونى ببالغ طيب اسمعوا بقى القصه دى وفى زيها كتتتتتتتتتير متعدوش
فى واحد كانت فى تالته ازهر من كام سنه كان قريبه بيغششه دخل صيدله بياخد السنه بسنتين واوقات بيعدى يعنى
هتقولوا ماهو اخد جزاءه .......اه صحيح بس بعد فوات الآوان عارفين ليه لانه اخد مكان واحد كان ممكن يبقى عالم واو حاجه مفيده
قبل ما اسيب الموضوع هختمه بالى بداته بيه
عن أبي سعيد الخدري - رضي الله تعالى عنه - قال: قال رسول الله صلى الله عليه وسلم: من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان أخرجه مسلم.
ـــــــــــــــــــــــــ ـــــــــــــــــ
فهل هذا شىء يرضى الله
طب ازاااااااى مدرس من اللى بيراقبوا يستحل الفلوس اللى بياخدها نظير المراقبة وهو مش بيعمل بيها؟؟؟!!
والله حتى لو كانت قروش فهى حرام عليه وعلى اهله ((وكل نبتة نبتت من سحت فالنار اولى بها ))
وبعد كده فى مصححين بيقولوا ماهم كل الطلبه غشوا يبقوا اى درجات والسلام
ومش بيراعوا ان ممكن يكون طالب ما غشش وهم ظلموه
وطبعا برضك فلوس التصحيح حراام عليه ؟؟ولا ايه؟؟
وفى النهاية الطالب يطلع فاشل ويدخل حتى طب وينقل السنة اللى بعدها للكلية اللى تناسبه لانه ظلم نفسه وضيع سنه من عمره كمان
وبعدين يطلع المدرس الفاشل ويظلم المدرسين الناجحين معاه
ويرجعوا يقولوا مدرسين الازهر مش كفاءة
وزى مالمدرس ظلم الطالب قبل كده واستقل بكفاءته وتهاون فى الغش وقال بس يعرف ينجح وظلمه فى التصحيح الطالب هيرجع ومش هيعترف بمدرسي الازهر
والله حاليا الحال اصبح غريب جدا
لا مدرس الازهر معترف بطالب الازهر
ولا ططالب الازهر معترف بمدرس الازهر
والسبب واضح طبعا ......... وان كان اتنسى او تناسى !!
والله انا بكتب الكلام ده وعارفة ان فى مدرسين بيراعوا ضميرهم بس انا بنادى على كل شخص فى ايده حاجة يعملها يغير من الامر شىء ........
يمكن السنة دى تتغير مفاهيم الناس عن الازهر
ونلاقى تنسيق صادق مش كداب
ونلاقى طلبة داخلين كليات تناسبهم مش اى كليه
زى ما المجموع مايطلع
ويــــــــــــــــــــاري ت كل مدرس او طالب يعرف معهد فيه مهاترات يبلغ عنه باى شكل
علشان الطالب ما يتظلمش والمدرس برضه ما يتعبش
اسفة على الاطالة
