مش هنسااااك........

السلام عليكم ورحمة الله وبركاته
ازيكم يااحلى اصحاب وحشتوونى اوووووووووووووووى جداااااااااااااا خااااااالص مووووووووووووووت:)>:D<>:D<
اخباركم ايه يارب تكونو كلكم بخير
ندخل في الموضوع بقا ........ الله ...... رغاية انا شويتين عارفة:D
المهم... طبعا بنمر في حياتنا بكتير من التجارب اللى بنتعلم ومنها واللى بتسيب اثر جوانا سواء بالسلب او بالايجاب.
كمان بنقابل في حياتنا شخصيات كتير منهم اللى بنفرح اوى بمعرفتهم ونتمنى تدوم لكن للاسف ممكن مع الظروف والوقت الغير مناسب بنفارقهم
كمان بنقابل ناس تانية بتنمنى لو الزمن رجع بينا ماكناش حتى سلمنا عليهم ولا عرفناهم
انا بقا عاوزة نتناقش النهاردة في الموضوع دا
هتقولولى ايه الموضوع؟
سؤال محورى ومهم ........
الموضوع عو ان كل واحد فينا يدخل يحكى لنا مين الشخص او الوقف اللى تتمنى تمحيه من حياتك؟ وماتحبش ابدا تفتكره؟
ومين بردو الشخص اللى تتمنى علاقتك بي تستمر على طول واكتر موقف عمرك مانسيته بحياتك؟
كمان مايضرش لو حكيت عن موقف او شخص برغم قسوته وبرغم انه ساب فيك اثر مش كويس لسة بتفتكره ودايما تحب تفتكره؟
مستيه طبعا كل كلامكم
تقبلو تحياتى وفائق احترامى

إحم ..إحم ....
إزيك يا ياسمين من تانى ...
أنا فى البدايه سعييد لأنى أول واح بيرد على حضرتك
ف الموضوع دا بالذات ...و ياريت محدش يسبقنى
علشان أنا عندى كلام كتيير ....

أحيانا بتمر على الانسان أيام مبيكنش فيها زى الأول
و أقصد بيتغير عن اللى كان عليه ...ممكن هوا نفسه ميحسش بكده
لكن اللى حواليه أكييد هيحسوا ...من ضمن المواقف اللى سابت بصمة سودا
فى تاريخ حياتى بقدر ما أنا عرفت أعالجها و أتغلب عليها ..لكن برده لسه
نفسى مألمانى عن إنى إزاى أعمل كده ...يومها حصلت مشكلة كبيرة جدا
بينى و بين والدتى ...اضطريت أنى أسيب البيت و أمشى علشان بجد بجد
كن زعلان جدا ...و على الرغم من أنى كنت على غلط ...و لكن .....
قبل ما أمشى شفت دموع عيون أمى و هى بتعيط علشان أنا قولتلها خلاص أن هسيب البيت
و هامشى و مش هاتشوفينى تانى ..و لكن بفضل ربنا و بأعجوبة قدرت أحل المشكلة و أصالحها ..
و من يومها أنا وعدتها بأنى مش هزعلها تانى أبدا و الله يا ياسمين و بجد و من غير ما أكذب على
حضرتك ..و أنا لسه عند و عدى ..لكن الحمد لله ....الأمور رجعت لطبيعتها .....

ولأن زى ما قالوا :لولا اختلافها لضاقت ...
فزى ما فى الوحش لازم يكون فيه الكويس
كان من ضمن المواقف اللى عمرى ما هنساها يوم ما وقف صاحبى جمبى يوم ما كنت مسافر ...
أنا تقريبا كان فى رهان بينى و بين والدى ..أنا كنت بأقولوا أن مفيش حاجه اسمها لصحاب فى
الزمن دا و هوا كان دايما بيقولى مسيرك يوم و هتعرف ...و أدينى عرفت ...و من غير ما أدخل فى الفاصيل
علشان حضرتك ماتلميش منى ...أنا عرفت قيمة الصاحب ....و خسرت الرهان.....

أنا حاسس أنى ان بقيت أحسن دلوقتى ....لكن مش هقدر أكمل دلوقتى ....
أنا سعييد جدا لأن حضرتك نورتى المنتدى من تانى يا ياسمين .....
و عن إذن حضرتك أنا رايح أصلى .......
دمتم بحفظ الرحمن

اولا اهلا بيكى يا احلى قطقوطه ونورتى من جديد
انا الشخص اللى ممكن امحيه من حياتى واحده كانت صاحبتى وكنت بحبها اوى يعنى اكتر من حقها ولانها باعتنى فى موقف وحش اوى ودلوقتى هى اعترفتلى انها ندمانه ونرجع صحاب بس انا رفضت واللى ضايقنى انى رفضت بطريقه وحشه يعنى كنت المفروض ابقى زوق شويه بس بصراحه مقدرتش مهو اصل جرح الصاحب الوحيد مش سهل
والشخص اللى نفسى يبقى معايا العمر كله ان شاء الله هى والدتى لانها اتظلمت معايا اوى وتعبت اوى انها تفهمنى ازاى انا هتجرح من صاحبتى اللى فاتت
عموما واضح ان حكايتى فيها شبه كبير باللى حصل ل thegohst
ودلوقتى انا مرتاحه نفسيا اوى ومرتاحه اكتر انى اتجرحت وانا لسه فى اول حياتى يعنى الجرح بعد تجارب بيبقى صعب فابلتالى مبلومش نفسى اوى لانى معنديش تجارب اوى
اسفه على الاطاله

مين الشخص او الموقف اللى تتمنى تمحيه من حياتك؟ وماتحبش ابدا تفتكره؟

شخص أذانى أذيه جامدة وأمنيه حياتى أنى أشوف أنتقام ربنا فيه بعينى
حسبى الله ونعم الوكيل فيه الله لا يكسبه ( دة الشخص )

( الموقف ) والدى رحمه الله عليه كان قبل وفاته محجوز فى المستشفى وكان لينا صديق مقرب رجليه مكسورة وكانت رجليه موضوعه فى الجبس والدكتور محرج عليه انه ما يتحركش .. فى يوم من ايام الزيارة بتاعه والدى لقيت هذا الشخص داخل علينا الحجرة وواحد صاحبه مسندة وهو ماشى على عكاز وعرفت ان الأسانسير بتاع المستشفى كان معطل وأضطر انه يطلع 4 طوابق على رجليه المكسورة .... كلنا قمنا استقبلناه وقولناله ليه كدة قالى مقدرتش اتأخر عن زيارة والدكم دة انسان غالى عندى قووى .. اليوم دة تحديدا عرفت فيه حاجات كتيرة .. عرفت قد ايه والدى الله يرحمه كان محبوب .. وعرفت قد ايه ان الأنسان يعمل الواجب حتى فى أحلك ظروفه .. وعرفت أيضا ان الموقف دة من الشخص دة انا اعتبرته دين وواجب أحب أنى اردة ليه فى يوم من الأيام


ومين بردو الشخص اللى تتمنى علاقتك بي تستمر على طول واكتر موقف عمرك مانسيته بحياتك؟

صديق لى فى منتدى أخر بعتبرة توأم لروحى لأننا متشابهان جدااااااااا فى كل شئ والكيميااا بنا عاليه قووى
والموقف اللى عمرى ما حنساه فى حيااتى ... عضوة فى منتدايااا وصلنا حبر وفاتها وحزنا كثيرااا والمنتدى كله أصابه الأكتئاااب وبعدها بشهر تقريبا لاقيناها رجعه تعتذر وقالت انها عملت كدة غصب عنهااا ولظروف خارجه عن ارادتهااا .. انا بستغرب ازاى الموت وحرمته بقى لعبه فى ايدين البشر

كمان مايضرش لو حكيت عن موقف او شخص برغم قسوته وبرغم انه ساب فيك اثر مش كويس لسة بتفتكره ودايما تحب تفتكره؟
والدى الله يرحمه


ميرسى ياسمين على الموضوع واتمنى انى مكونش طولت عليكى

مرسيه ليكم ياجماعة ع المرور والمشاركة
عندك حق ياعلى فعلا ساعات كتير بنتعصب وبنعمل تصرفات كتير بتألم اقرب ناس لينا وللاسف بنكابر ومبنرجعش عن اللى في دماغنا ساعتها مع ان الناس دى هم اكتر حد بيتألم من جواه عشاننا وهم طبعا والدينا ربنا يخليهم لنا ومايحرمناش منهم ابداااااااااا ويقدرنا نسعدهم يااااااارب
بس ادينا عايشين ولازم نغلط ونتعلم
كمان بالنسبة للصحاب فانا ممكن اكون موفقاك الرأى ان مفيش صحاب بجد انت حصل معاك موقف خلاك تغير وجهة نظرك في كدة عقبالى انا كمااااااااان مرسيه لمرورك ياجميل ويارب دايما
ملكة الرومانسية نورتينى ويارب دايما وفعلا عندك حق كويس انك اتجرحتى الجرح صدقينى بيقوى مابيضعفش كمان المرة الجاية لازم تاخدى بالك وتفكرى وتختارى صح
قايد الريم نورتينى واسعدنى مرورك بس انا بجد مستغربة موقف اللى عملت نفسها توفت دى ......:-O:-O:-O..... ربنا يهدينا
نورتونى ياجماعة ومرسيه تانى ع الردود والمشاركات وربنا يجعل كل ايامكم سعادة وهنا في ظل طاعته:)