فى شارعنا وجنب البيت كتابه وليد فيجو
فى شارعنا وجنب البيت
على صاحبى أنا عديت
بصت ليا وبصيت
ونسيت صاحبى لثانيه
مشت هى ومشيت
من جنبها وأتمنيت
تجمعنا صدفه تانيه
شغلت عقلى وبالى
غيرت فى عينى حالى
وسألنى صاحبى مالى
سكت وما حكيت
فى شارعنا وجنب البيت
وأنا ماشى لوحدى مره
لاقيتها من قدامى ماره
شوفت فى عينيها نظره
بتقولى خلاص حسيت
فى شارعنا وجنب البيت
ومن ساعتها
وعينى مبتفرقش بيتها
بتمنى أشوف أبتسامتها
بتمنى أقول حبيت
فى شارعنا وجنب البيت
شوفتها قدامى صدفه
وبكل شوق ولهفه
ناديت عليها
لاقيتها سأله عنى وعارفه
ومنى كتير خايفه
عشان قبلها عرفت وحبيت
فى شارعنا وجنب البيت
ولما عرفتهاوقربت منها
لاقيت قلبى مأمنلها
لاقيته لما بتغيب بيسألنى عنها
أخيرا ياقلبى على حد ناديت
فى شارعنا وجنب البيت
جه صاحبى وحكالى
ب ال غير حالى
ب ال حير فيا سؤالى
هى دى ال عشانها
براحه بالى ضحيت
فى شارعنا وجنب البيت
طلبت تقابلنى وخيرتنى
ما بين قرب وبعاد
أكدت شعور قاتلينى
ولاقيت الحكايه بتتعاد
أخدنى العناد
ولأول مره قسيت
فى شارعنا وجنب البيت
مهما كان بينى وبينها
مهما كنت حبيبها
ما خلاص جه نصيبها
وعشانها من الحلم صحيت
فى شارعنا وجنب البيت
ورحت ويا غيرها
مسألتش إيه فى ضميرها
سيبها لمصيرها
حنساها ذى ما غيرها نسيت
فى شارعنا وجنب البيت
لما عينها تيجى فى عينيا
ألاقى نفس نظرتها ليا
لسه بتنده عليا
يعنى عمرى ما أتنسيت
فى شارعنا وجنب البيت
ولكن للأسف
شعورى بغيرها أختلف
وكأن زمانى عليا حلف
أفتكرها مهما روحت وجيت
فى شارعنا وجنب البيت
ولاقتنى من تانى مستنيها
واخدنى حنينى ليها
وبشوق ولهفه بسلم عليها
شعور أفتكرت منه أنتهيت
ف شارعنا وجنب البيت
وفتحنا صفحه تانيه
حلفين منفترقش ثانيه
مهما أتغيرت علينا الدنيا
وعلى الوعد بقيت
فى شارعنا وجنب البيت
ومن ساعتها
وأنا جوه قلبى شيلها
عينى مش شايفه غيرها
معايه فى نهارا وليلها
ماأنا ذى حبها ما لاقيت
فى شارعنا وجنب البيت
ومن غير ما أفكر
لاقتنى بتغير
بعشق وأغير وأسهر
لأمتى حقدر أصبر
لأمتى حتقولك يارايت
فى شارعنا وجنب البيت
كلمت أهلى عنها
وبقربى منها
صدونى عنها
وعشانها وقفت وأتحديت
فى شارعنا وجنب البيت
وفضلنا ويا بعض
أحلامنا مش لاقيلها أرض
مش راضيين بالبعد
ما هو ال بينا مش بسيط
فى شارعنا جنب البيت
وفى لحظه ضعف منى
لاقيت شئ جوايه قاسمنى
أملها فيا معذبنى
وقررت أبعدها عنى
وبحزنى عنها خبيت
فى شارعنا وجنب البيت
أخدت قرارى
مش واخد فى أعتبارى
لحظات حنينى
وساعات مرارى
لكن لأمتى حتفضل فى أنتظارى
لأمتى حنعيش فى الحواديت
فى شارعنا وجنب البيت
مش قادر أنسة وداعها
ساكته لكن قلبى سامعها
فاكره أنى كنت بخدعها
فاكره أنى عمرى ما بكيت
فى شارعنا وجنب البيت
وعشان أبعد بعيد
مسكت فى أول أيد
دوا يمكن يفيد
دوا عليا مش جديد
فى شارعنا جنب البيت
