الرجل ميعيبوش إلا جيبه ؟ ده كلام!

http://up.masrawycafe.com/upload/upl...e99841b8a7.gif
هو فى حاجه كده فيه حاجه إسمها
(الراجل ميعيبوش إلا جيبه)؟
يعنى أيه الكلمه الساذجه دى؟
يعنى الواحد لو معاه فلوس وربنا فاتحها عليه !
يعنى لو مش بيصلى عادى؟معاه فلوس!
يعنى لو مش متقى وعارف ربنا عادى؟معاه فلوس!
ولو مش بشتغل وقاعد فى البيت زى..... عادى؟معاه فلوس!
إسمعوا والله هذا حصل مع صديقه لى فى مره أتقدم لها واحد لخطبتها
هو من وجهة نظر أهلها عريس كويس وكمان لقطه طبعا بمعنى أنه عنده
شقه حكايه بس من غير العربيه طبعا وعنده فلوس وأرض ملكه يعنى مبسوط
ويقدر يعيش بنتهم عال العال وبالرغم من كل هذا فهو مش وركزو على كلمة مش!
مش بيصلى؟مش بعلاقة كويسه بربنا؟مش بستمر فى أى عمل؟ مش بيبطل شرب سجاير؟
ده طبعا غير إسلوبه فى الكلام والصوت العالى؟ ولما البنت حبت تقول رأيها بصراحه!
إنه غير مناسب ليها خالص يكفيك الشر أهلها قاموا عليها وطبعا عارفين يعنى أيه قاموا عليها؟
وبعد كل محاولات البنت للرفض إختصروا هما ردهم عليها وبكل برود
(الراجل ميعيبوش إلا جيبه وده جيبه مليان)؟؟!!
سبحان الله ولا حول ولا قوة إلا بالله يعنى هى ها ترتبط بيه ولا بجيبه المليان؟
ويا ترى لو جيبه ده مره فضى هى ها تعمل أيه وقتها؟
وياترى أكتر العيب فى مين بالظبط؟
فينا؟ ولا فيهم؟ ولا فى الزمن نفسه؟
فين الصلاة؟فين التقوى والإيمان؟فين حٌسن المعامله؟فين فين فين.....إلخ.
إتقوا الله إتقوا الله إتقوا الله فينا وفى أنفسكم؟
إتقوا الله فى بناتكم؟
المهم بعد كده اللى حصل البنت إتزوجت بعد غصب من الأهل ومتقولش وإنتى متقوليش!
إن هو لسه فيه حد بيتجوز بالغصب ؟ اه اه لسه فيه كده لسه فيه جهل كده؟
وإستمر الزواج فقط شهرين ونص وكانوا أسود أيام عاشتها البنت سبحان الله؟
وبعد كده عادت البنت لبيت المحروس أبوها وهى مطلقه خرجت أنسه ورجعت مطلقه؟
وتنتظر حضور طفلها منه ياااااه فرق كبير بين أنسه وومطلقه؟ رجعت بعد فوات الأوان
وبعد الندم الكبيييييير من أهلها ولكن أيضا بعد فوات الأوان وخراب مالطا
أعذرونى أخواتى وإخوانى على التطويل عليكم بس ده بجد من خوفى عليكم وعلى نفسى
سمعتم الحكايه كلها قولوا أيه رأيكم ولو أنتم أتعرضوا لكده أيه المهرب أو المفرمن ده؟

أختكم فى الله منى

http://up.masrawycafe.com/upload/upl...4b6482fc60.jpg
http://up.masrawycafe.com/upload/upl...4b6482fc60.jpg

موضوعك مهم جدا منى هقولك حاجه

الأهالى دايما بيكون نفسهم ان بنتهم تعيش مبسوطه وسعيده وعارفين بسبب خبرتهم فى الحياه ان لو دخل الفقر من الباب هرب الحب من الشباك وهنا هما معاهم حق بالتاكيد سمعتى عن ناس كتير كانوا بيحبوا بعض وبعد الجواز بفتره بدات المشاكل ويمكن الطلاق كمان دى نوعيه من الأهالى
وفى ناس تانيه اهم حاجه عندهم ان العريس
يكون متدين صالح يخاف الله لأنهم هيضمنوا ان بنتهم فى ايد امينه هيتقى الله فيها واللى بيخاف الله يجعل له مخرجا ويرزقه من حيث لا يدرى
وهو ده احسن الاختيارات
اما بالنسبه لى فبقول العريس ما يعبوش الا عقله
عندى الفكر والثقافه اهم من كل الفلوس وبالتاكيد يكون انسان يخاف الله وملتزم دينيا
معلش على الرغى بس موضوعك جميل تسلمى مونه ودمتى متميزه فى مواضيعك

حقا مازال هناك اناس يقدرون الرجل بماله
هناك اناس يظنون ان سعادة بنتهم مع من عنده مال
ويا اسفاه
رأيت الناس قد مالو الي من عنده المال
ومن لا عنده المال فعنه الناس قد مالوا
فيا اختاه تمسكي بما هو حق
الدين ثم الدين ثم الدين
لان بقاء الحال من المحال
المال يأتي ويذهب انما الاخلاق بقيت
بارك الله فيكي اختي مني
ورزقك صاحب دين وخلق ومال

http://up.masrawycafe.com/upload/upl...435dc0d856.gif

موضوع جميل مونه
وقضيه هامه

ولكن للاسف هو علشان احنا في زمن قله في التزامنا وتمسكنا بديننا
فالاهل ينظرونا بهذه النظره
يقولوا اهم حاجه انه عنده شقه ملكه وكمان بقي اذا كان عنده عربيه

بس هو في ناس كتير برده مش كده
والاهل بيكون خايفين علي بنتهم

موضوع جميل مونه
بارك الله فيكي

http://abeermahmoud07.jeeran.com/709...eerMahmoud.gif
احييك على اختيارك للموضوع يامنى
للاسف اختيار المال اولا موجود ومنتشر
وده بسبب الغلاء اللى مش منطقى
ويطير المال لأنه مش مضمون
فالأولى أن نختار جوهر الأنسان
علاقته بربه ومدى نضج تفكيره
حتى يقدر يتحمل مسئوليه
وبالتالى سيتوفر المال
فعذرا للأباء
فهم من كثرت خوفهم على بناتهم
يختارون لبناتهم زوج ميسور الحال
اما صديقتك كان لازم تدخل حد من أقاربها
يساندها فى رفضها
ومش تستسلم
ربنا يكون فى عونها
فربنا يسترها
تحياتى لكى يامنى
وبارك الله فيك
اختك طله

بارك الله في قولك وعملك يا أختي
ولا كلام يقال بعد الذي قاله اخواني بالأعلي وأنا معهم تماما فيما قالوه وكفانا عبثا بالكلام الساذج والكلام الغير مبرر والكلام غير المقنع
جزاكي ربي الجنة وغفر الله لكي ولوالديكي يارب العالمين

مــــوضوع هــــــــام جداٌ للنقاش وفعـــــلا فيــــة ناس دلـــوقتى كل همــــها بنتها تعيش فى شقـــة كبيـــرة ويكون معاة عربيــــة وعندة املاك وبس كلـــو فلــــوس فلــــوس فلــــوس
بس تفتكرى عمرهم فكرو فى بنتهم وقالو ياترى هتبقى مبسوطة ولا لاء للاسف لاء صدقينى لو فكرو لحظـــة فى بنتهم وركنو الــــفلوس خالص راٌيهم هيتغيـــر تماماٌ بس للاسف الفلوس عمت عيون نااااااااااااااااس كتيــــر اسفة للاطالة تسلم ايدك ياقمر

كلامك صح مية بامية يا قمرى اة لغايت دلوقتى فى جهل للاهالى بالشكل دا هو كدا بس نعمل اية بقى ميرسى على التوبك الرائع دا

اقتباس:

---

المشاركة الأصلية كتبت بواسطة ايسل

موضوعك مهم جدا منى هقولك حاجه

الأهالى دايما بيكون نفسهم ان بنتهم تعيش مبسوطه وسعيده وعارفين بسبب خبرتهم فى الحياه ان لو دخل الفقر من الباب هرب الحب من الشباك وهنا هما معاهم حق بالتاكيد سمعتى عن ناس كتير كانوا بيحبوا بعض وبعد الجواز بفتره بدات المشاكل ويمكن الطلاق كمان دى نوعيه من الأهالى
وفى ناس تانيه اهم حاجه عندهم ان العريس
يكون متدين صالح يخاف الله لأنهم هيضمنوا ان بنتهم فى ايد امينه هيتقى الله فيها واللى بيخاف الله يجعل له مخرجا ويرزقه من حيث لا يدرى
وهو ده احسن الاختيارات
اما بالنسبه لى فبقول العريس ما يعبوش الا عقله
عندى الفكر والثقافه اهم من كل الفلوس وبالتاكيد يكون انسان يخاف الله وملتزم دينيا
معلش على الرغى بس موضوعك جميل تسلمى مونه ودمتى متميزه فى مواضيعك

---

سعيده جدا بكلامك اللى زى السكر ده
وصفحتى زادت نور بوجود أرق إيسل
ووجه نظر تحترم جدا جدا
وياستى إرغى للصبح ولا يهمك وأنا معاك
للأخر بارك الله فيك يا قمرايه

http://up.masrawycafe.com/upload/upl...3039dff581.gif